អន្តរជាតិ
ក្រោយប្រកាសប្ដូរស្ថានទូតទៅហ្ស៊េរុយសាឡិម ត្រាំ ព្រមានផ្ដាច់ជំនួយឲ្យប៉ាឡេស្ទីន
×![]()
ដោយ: តន ចាន់រិទ្ធារ៉ា
មិនយូរប៉ុន្មានក្រោយប្រកាសប្ដូរស្ថានទូតទៅកាន់ទីក្រុងហ្ស៊េរុយសាឡិម ប្រធានាធិបតី ដូណាល់ ត្រាំ បានគំរាមផ្ដាច់ជំនួយសម្រាប់ប៉ាឡេស្ទីន។ លោក ត្រាំ លើកហេតុផលថា ប៉ាឡេស្ទីនលែងចង់ចរចាជាមួយអ៊ីស្រាអែលទៀតហើយ ដូចនេះអាមេរិកគ្មានហេតុផលត្រូវផ្ដល់ជំនួយឲ្យប៉ាឡេស្ទីនទៀតដែរ។
ការគំរាមកាត់ជំនួយនេះធ្វើឡើង បន្ទាប់ពីលោកទើបគំរាមផ្ដាច់ជំនួយពីប៉ាគីស្ថានដែលយកលុយអាមេរិក តែមិនគោរពអាមេរិកអ្វីសោះ។
ប្រធានាធិបតីអាមេរិក ដូណាល់ ត្រាំ បានប្រកាសតាមបណ្ដាញសង្គម Twitter នៅថ្ងៃទី២ ខែមករា ថា អាមេរិកអាចព្យួរជំនួយទឹកប្រាក់សម្រាប់ប៉ាឡេស្ទីននៅពេលខាងមុខ ព្រោះប៉ាឡេស្ទីនគ្មានបំណងចរចាជាមួយអ៊ីស្រាអែលទៀតឡើយ។ តាមរយៈសំណេរចំនួនពីរនៅលើ Twitter លោក ត្រាំ ចោទប៉ាឡេស្ទីនត្រង់ៗថា មិនគោរពអាមេរិកអ្វីសោះ ទោះជាទទួលលុយជំនួយរាប់រយលានពីអាមេរិកក៏ដោយចុះ។
ក្នុងសារ Twitter ទីមួយ លោក ត្រាំ បញ្ជាក់ថា អាមេរិកផ្ដល់លុយឲ្យប្រជាជនប៉ាឡេស្ទីនរាប់រយលានក្នុងមួយឆ្នាំ តែមិនទទួលបានការសរសើរ និងការគោរពឡើយ ហើយប៉ាឡេស្ទីនមិនចង់ចរចាលើកិច្ចព្រមព្រៀងសន្តិភាពជាមួយអ៊ីស្រាអែល ដែលជាប់គាំងជាច្រើនឆ្នាំមកហើយ។ ប្រធានាធិបតីអាមេរិករូបនេះបានគំរាមក្នុងសំណេរទីពីរថា ដោយសារប៉ាឡេស្ទីនមិនចង់ចរចា ហេតុអ្វីអាមេរិកត្រូវផ្ដល់ជំនួយឲ្យប៉ាឡេស្ទីនទៀតនោះ។
សូមបញ្ជាក់ថា ក្នុងមួយឆ្នាំៗ អាមេរិកបានផ្ដល់ជំនួយទឹកប្រាក់ឲ្យអាជ្ញាធរប៉ាឡេស្ទីនចំនួនប្រហែល៣០០លានដុល្លារ។ ទន្ទឹមគ្នានោះ អាមេរិកក៏បានផ្ដល់ជំនួយយោធាប្រចាំឆ្នាំទៅឲ្យអ៊ីស្រាអែលមានទំហំទឹកប្រាក់ចំនួន៣,១ពាន់លានដុល្លារ ប៉ុន្តែនៅចុងអាណត្តិរបស់ខ្លួន លោក ប៉ារ៉ាក់ អូបាម៉ា សម្រេចបង្កើនទំហំនេះឲ្យដល់៣,៨ពាន់លានដុល្លារ ដោយចាប់ផ្ដើមពីឆ្នាំក្រោយទៅ។
ជុំវិញរឿងកាត់ជំនួយសម្រាប់ប៉ាឡេស្ទីននោះ អគ្គរដ្ឋទូតអាមេរិកកប្រចាំអង្គការសហប្រជាជាតិ Nikki Haley និយាយថា លោក ត្រាំ មិនចង់ផ្ដល់ជំនួយបន្ថែមឲ្យប៉ាឡេស្ទីនទៀតទេ ឬក៏អាចបញ្ឈប់តែម្ដង រហូតដល់ភាគីប៉ាឡេស្ទីនយល់ព្រមត្រឡប់ចូលតុចរចាវិញ។ លោកស្រី Haley និយាយបែបនេះ ជាការឆ្លើយតបនឹងសំណួររបស់អ្នកសារព័ត៌មានជុំវិញជំហររបស់អាមេរិកក្នុងការផ្ដល់ជំនួយទៅឲ្យស្ថាប័នអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន។
ទំនាក់ទំនងរវាងអាមេរិក និងប៉ាឡេស្ទីនប្រែក្លាយជាអាប់អួរ បន្ទាប់ពីលោក ត្រាំ ប្រកាសរើស្ថានទូតទៅកាន់ទីក្រុងហ្ស៊េរុយសាឡិម ដែលជាការទទួលស្គាល់ទីក្រុងជារដ្ឋធានីរបស់អ៊ីស្រាអែល។ អាមេរិករងការថ្កោលទោសគ្រប់កន្លែងលើសកលលោក។ ប៉ាឡេស្ទីនក៏ប្រកាសឈប់ទទួលស្គាល់អាមេរិកជាសន្ធានការីអព្យាក្រឹតទៀតហើយ និងទាត់ចោលរាល់គំនិតផ្ដួចផ្ដើមទាំងអស់របស់រដ្ឋបាលលោក ត្រាំ ផងដែរ៕
ការគំរាមកាត់ជំនួយនេះធ្វើឡើង បន្ទាប់ពីលោកទើបគំរាមផ្ដាច់ជំនួយពីប៉ាគីស្ថានដែលយកលុយអាមេរិក តែមិនគោរពអាមេរិកអ្វីសោះ។
ប្រធានាធិបតីអាមេរិក ដូណាល់ ត្រាំ បានប្រកាសតាមបណ្ដាញសង្គម Twitter នៅថ្ងៃទី២ ខែមករា ថា អាមេរិកអាចព្យួរជំនួយទឹកប្រាក់សម្រាប់ប៉ាឡេស្ទីននៅពេលខាងមុខ ព្រោះប៉ាឡេស្ទីនគ្មានបំណងចរចាជាមួយអ៊ីស្រាអែលទៀតឡើយ។ តាមរយៈសំណេរចំនួនពីរនៅលើ Twitter លោក ត្រាំ ចោទប៉ាឡេស្ទីនត្រង់ៗថា មិនគោរពអាមេរិកអ្វីសោះ ទោះជាទទួលលុយជំនួយរាប់រយលានពីអាមេរិកក៏ដោយចុះ។
ក្នុងសារ Twitter ទីមួយ លោក ត្រាំ បញ្ជាក់ថា អាមេរិកផ្ដល់លុយឲ្យប្រជាជនប៉ាឡេស្ទីនរាប់រយលានក្នុងមួយឆ្នាំ តែមិនទទួលបានការសរសើរ និងការគោរពឡើយ ហើយប៉ាឡេស្ទីនមិនចង់ចរចាលើកិច្ចព្រមព្រៀងសន្តិភាពជាមួយអ៊ីស្រាអែល ដែលជាប់គាំងជាច្រើនឆ្នាំមកហើយ។ ប្រធានាធិបតីអាមេរិករូបនេះបានគំរាមក្នុងសំណេរទីពីរថា ដោយសារប៉ាឡេស្ទីនមិនចង់ចរចា ហេតុអ្វីអាមេរិកត្រូវផ្ដល់ជំនួយឲ្យប៉ាឡេស្ទីនទៀតនោះ។
It's not only Pakistan that we pay billions of dollars to for nothing, but also many other countries, and others. As an example, we pay the Palestinians HUNDRED OF MILLIONS OF DOLLARS a year and get no appreciation or respect. They don’t even want to negotiate a long overdue... — Donald J. Trump (@realDonaldTrump) January 2, 2018
...peace treaty with Israel. We have taken Jerusalem, the toughest part of the negotiation, off the table, but Israel, for that, would have had to pay more. But with the Palestinians no longer willing to talk peace, why should we make any of these massive future payments to them? — Donald J. Trump (@realDonaldTrump) January 2, 2018
សូមបញ្ជាក់ថា ក្នុងមួយឆ្នាំៗ អាមេរិកបានផ្ដល់ជំនួយទឹកប្រាក់ឲ្យអាជ្ញាធរប៉ាឡេស្ទីនចំនួនប្រហែល៣០០លានដុល្លារ។ ទន្ទឹមគ្នានោះ អាមេរិកក៏បានផ្ដល់ជំនួយយោធាប្រចាំឆ្នាំទៅឲ្យអ៊ីស្រាអែលមានទំហំទឹកប្រាក់ចំនួន៣,១ពាន់លានដុល្លារ ប៉ុន្តែនៅចុងអាណត្តិរបស់ខ្លួន លោក ប៉ារ៉ាក់ អូបាម៉ា សម្រេចបង្កើនទំហំនេះឲ្យដល់៣,៨ពាន់លានដុល្លារ ដោយចាប់ផ្ដើមពីឆ្នាំក្រោយទៅ។
ជុំវិញរឿងកាត់ជំនួយសម្រាប់ប៉ាឡេស្ទីននោះ អគ្គរដ្ឋទូតអាមេរិកកប្រចាំអង្គការសហប្រជាជាតិ Nikki Haley និយាយថា លោក ត្រាំ មិនចង់ផ្ដល់ជំនួយបន្ថែមឲ្យប៉ាឡេស្ទីនទៀតទេ ឬក៏អាចបញ្ឈប់តែម្ដង រហូតដល់ភាគីប៉ាឡេស្ទីនយល់ព្រមត្រឡប់ចូលតុចរចាវិញ។ លោកស្រី Haley និយាយបែបនេះ ជាការឆ្លើយតបនឹងសំណួររបស់អ្នកសារព័ត៌មានជុំវិញជំហររបស់អាមេរិកក្នុងការផ្ដល់ជំនួយទៅឲ្យស្ថាប័នអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន។
ទំនាក់ទំនងរវាងអាមេរិក និងប៉ាឡេស្ទីនប្រែក្លាយជាអាប់អួរ បន្ទាប់ពីលោក ត្រាំ ប្រកាសរើស្ថានទូតទៅកាន់ទីក្រុងហ្ស៊េរុយសាឡិម ដែលជាការទទួលស្គាល់ទីក្រុងជារដ្ឋធានីរបស់អ៊ីស្រាអែល។ អាមេរិករងការថ្កោលទោសគ្រប់កន្លែងលើសកលលោក។ ប៉ាឡេស្ទីនក៏ប្រកាសឈប់ទទួលស្គាល់អាមេរិកជាសន្ធានការីអព្យាក្រឹតទៀតហើយ និងទាត់ចោលរាល់គំនិតផ្ដួចផ្ដើមទាំងអស់របស់រដ្ឋបាលលោក ត្រាំ ផងដែរ៕
Tag:
អាមេរិក
អ៊ីស្រាអែល
ប៉ាឡេស្ទីន
ដូណាល់ ត្រាំ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
