អន្តរជាតិ
ត្រាំ អួតប្រាប់ គីម ជុងអ៊ុន វិញ៖«ប៊ូតុងនុយក្លេអ៊ែរខ្ញុំធំជាង ហើយខ្លាំងជាង»
×![]()
ដោយ: តន ចាន់រិទ្ធារ៉ា
ពីរថ្ងៃក្នុងឆ្នាំ២០១៨ មេដឹកនាំអាមេរិក និងកូរ៉េខាងជើង បានអួតអាងពីសមត្ថភាពនុយក្លេអ៊ែររបស់ប្រទេសរៀងៗខ្លួន។ នៅថ្ងៃទី១ ខែមករា មេដឹកនាំកូរ៉េខាងជើង គីម ជុងអ៊ុន បានគំរាមអាមេរិកថា មីស៊ីលកូរ៉េខាងជើងអាចពាំក្បាលគ្រាប់នុយក្លេអ៊ែរដល់គ្រប់ទីតាំងទាំងអស់នៅលើទឹកដីអាមេរិក។ មកដល់ថ្ងៃទី២ ប្រធានាធិបតីអាមេរិក ដូណាល់ ត្រាំ ក៏ឆ្លើយវិញថា នុយក្លេអ៊ែររបស់អាមេរិកមានអានុភាពខ្លាំងជាងនុយក្លេអ៊ែរកូរ៉េខាងជើង។
ចូលឆ្នាំថ្មី ២០១៨ មេដឹកនាំវ័យក្មេងកូរ៉េខាងជើង គីម ជុងអ៊ុន បានផ្ញើសារពីរផ្សេងគ្នា ទន់ភ្លន់ផង និងគំរាមផង។ លោក គីម ជុងអ៊ុន ផ្ញើសារទន់ភ្លន់ដាក់កូរ៉េខាងត្បូង ដោយបង្ហាញបំណងចរចា និងចង់បញ្ជូនប្រតិភូកូរ៉េខាងជើងឲ្យចូលរួមក្នុងព្រឹត្តិការណ៍កីឡាអូឡាំពិករដូវរងារឆ្នាំ២០១៨ ដែលកូរ៉េខាងត្បូងធ្វើជាម្ចាស់ផ្ទះ។ លោកក៏ឆ្លៀតគំរាមអាមេរិក និងបានចេញបញ្ជាឲ្យផលិតនុយក្លេអ៊ែរ និងមីស៊ីលឲ្យបានច្រើនថែមទៀត។
ឆ្លើយតបនឹងសារឆ្នាំថ្មីរបស់ប្រមុខដឹកនាំក្រុងព្យុងយ៉ាង ប្រធានាធិបតីអាមេរិក ដូណាល់ ត្រាំ ចាត់ទុកការបន្ទន់ជំហរនេះ ជាលទ្ធផលនៃទណ្ឌកម្មរបស់សហគមន៍អន្តរជាតិ។ ដូចសព្វមួយដង លោក ត្រាំ បានសរសេរលើបណ្ដាញសង្គម Twitter ថា៖ «ទណ្ឌកម្ម និងសម្ពាធផ្សេងទៀតចាប់ផ្ដើមមានឥទ្ធិពលលើកូរ៉េខាងជើងហើយ។ យោធាកូរ៉េខាងជើងរត់ភៀសខ្លួនចូលកូរ៉េខាងត្បូង។ បុរសរ៉ុក្កែតចង់ចរចាជាមួយកូរ៉េខាងត្បូងជាលើកដំបូង។ អាចជារឿងល្អ និងអាចជារឿងអាក្រក់។ យើងចាំមើល»។
ជាមួយគ្នានោះ ប្រធានាធិបតីអាមេរិកក៏វាយបកការគំរាមរបស់លោក គីម ជុងអ៊ុន ដែលគំរាមថា នុយក្លេអ៊ែរកូរ៉េខាងជើងអាចបាញ់ដល់ទឹកដីអាមេរិក ហើយប៊ូតុងនុយក្លេអ៊ែរស្ថិតលើតុធ្វើការលោកជានិច្ច។ លោក ត្រាំ បានប្រាប់ឲ្យមនុស្សមកពីរដ្ឋកូរ៉េខាងជើងដែលក្រីក្រី និងអត់ឃ្លាន ជួយរំឭកលោក គីម ជុងអ៊ុន ថា លោកក៏មានប៊ូតុងនុយក្លេអ៊ែរដាក់លើតុធ្វើការដែរ តែវាធំជាង និងខ្លាំងជាង ហើយវាក៏ដំណើការទៅទៀត។
នេះជាការឆ្លើយឆ្លងពាក្យសម្ដីលើកដំបូងក្នុងឆ្នាំថ្មីរវាងមេដឹកនាំទាំងពីរ ខណៈដែលកាលពីឆ្នាំ២០១៧ សង្គ្រាមពាក្យសម្ដីរវាងលោក ត្រាំ និងលោក គីម ជុងអ៊ុន លាយឡំនឹងការគំរាមកម្ទេចគ្នាទៅវិញទៅមក។ រដ្ឋបាលក្រុងវ៉ាស៊ីនតោន ក៏ព្យាយាមដាក់សម្ពាធលើក្រុងព្យុងយ៉ាងតាមរយៈការដាក់ទណ្ឌកម្មជាបន្តបន្ទាប់ ដើម្បីបង្ខំឲ្យរដ្ឋឯកោមួយនេះបោះបង់មហិច្ឆតាអភិវឌ្ឍនុយក្លេអ៊ែរ និងត្រឡប់ចូលតុចរចាឡើងវិញ។
យ៉ាងណាក្ដី ការថ្លែងសាររបស់លោក គីម ជុងអ៊ុន អាចជាសញ្ញាល្អសម្រាប់សន្តិភាព និងស្ថិរភាពនៅឧបទ្វីបកូរ៉េ បើទោះជាជំហាននៃការចរចារវាងកូរ៉េទាំងពីរផ្ដោតលើព្រឹត្តិការណ៍កីឡាក្ដី។ ជំហានបន្ទាប់អាចជាការចាប់ផ្ដើមការចរចារអន្តរកូរ៉េឡើងវិញ សំដៅបន្ថយកម្ដៅតានតឹងរវាងបងប្អូនកូរ៉េទាំងពីរ មុននឹងឈានដល់ការចរចាស្ដីពីការរំសាយអាវុធនុយក្លេអ៊ែរនៅឧបទ្វីបកូរ៉េ ដែលជាគោលដៅចុងក្រោយ៕
ចូលឆ្នាំថ្មី ២០១៨ មេដឹកនាំវ័យក្មេងកូរ៉េខាងជើង គីម ជុងអ៊ុន បានផ្ញើសារពីរផ្សេងគ្នា ទន់ភ្លន់ផង និងគំរាមផង។ លោក គីម ជុងអ៊ុន ផ្ញើសារទន់ភ្លន់ដាក់កូរ៉េខាងត្បូង ដោយបង្ហាញបំណងចរចា និងចង់បញ្ជូនប្រតិភូកូរ៉េខាងជើងឲ្យចូលរួមក្នុងព្រឹត្តិការណ៍កីឡាអូឡាំពិករដូវរងារឆ្នាំ២០១៨ ដែលកូរ៉េខាងត្បូងធ្វើជាម្ចាស់ផ្ទះ។ លោកក៏ឆ្លៀតគំរាមអាមេរិក និងបានចេញបញ្ជាឲ្យផលិតនុយក្លេអ៊ែរ និងមីស៊ីលឲ្យបានច្រើនថែមទៀត។
ឆ្លើយតបនឹងសារឆ្នាំថ្មីរបស់ប្រមុខដឹកនាំក្រុងព្យុងយ៉ាង ប្រធានាធិបតីអាមេរិក ដូណាល់ ត្រាំ ចាត់ទុកការបន្ទន់ជំហរនេះ ជាលទ្ធផលនៃទណ្ឌកម្មរបស់សហគមន៍អន្តរជាតិ។ ដូចសព្វមួយដង លោក ត្រាំ បានសរសេរលើបណ្ដាញសង្គម Twitter ថា៖ «ទណ្ឌកម្ម និងសម្ពាធផ្សេងទៀតចាប់ផ្ដើមមានឥទ្ធិពលលើកូរ៉េខាងជើងហើយ។ យោធាកូរ៉េខាងជើងរត់ភៀសខ្លួនចូលកូរ៉េខាងត្បូង។ បុរសរ៉ុក្កែតចង់ចរចាជាមួយកូរ៉េខាងត្បូងជាលើកដំបូង។ អាចជារឿងល្អ និងអាចជារឿងអាក្រក់។ យើងចាំមើល»។
Sanctions and “other” pressures are beginning to have a big impact on North Korea. Soldiers are dangerously fleeing to South Korea. Rocket man now wants to talk to South Korea for first time. Perhaps that is good news, perhaps not - we will see! — Donald J. Trump (@realDonaldTrump) January 2, 2018
ជាមួយគ្នានោះ ប្រធានាធិបតីអាមេរិកក៏វាយបកការគំរាមរបស់លោក គីម ជុងអ៊ុន ដែលគំរាមថា នុយក្លេអ៊ែរកូរ៉េខាងជើងអាចបាញ់ដល់ទឹកដីអាមេរិក ហើយប៊ូតុងនុយក្លេអ៊ែរស្ថិតលើតុធ្វើការលោកជានិច្ច។ លោក ត្រាំ បានប្រាប់ឲ្យមនុស្សមកពីរដ្ឋកូរ៉េខាងជើងដែលក្រីក្រី និងអត់ឃ្លាន ជួយរំឭកលោក គីម ជុងអ៊ុន ថា លោកក៏មានប៊ូតុងនុយក្លេអ៊ែរដាក់លើតុធ្វើការដែរ តែវាធំជាង និងខ្លាំងជាង ហើយវាក៏ដំណើការទៅទៀត។
North Korean Leader Kim Jong Un just stated that the “Nuclear Button is on his desk at all times.” Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works! — Donald J. Trump (@realDonaldTrump) January 3, 2018
នេះជាការឆ្លើយឆ្លងពាក្យសម្ដីលើកដំបូងក្នុងឆ្នាំថ្មីរវាងមេដឹកនាំទាំងពីរ ខណៈដែលកាលពីឆ្នាំ២០១៧ សង្គ្រាមពាក្យសម្ដីរវាងលោក ត្រាំ និងលោក គីម ជុងអ៊ុន លាយឡំនឹងការគំរាមកម្ទេចគ្នាទៅវិញទៅមក។ រដ្ឋបាលក្រុងវ៉ាស៊ីនតោន ក៏ព្យាយាមដាក់សម្ពាធលើក្រុងព្យុងយ៉ាងតាមរយៈការដាក់ទណ្ឌកម្មជាបន្តបន្ទាប់ ដើម្បីបង្ខំឲ្យរដ្ឋឯកោមួយនេះបោះបង់មហិច្ឆតាអភិវឌ្ឍនុយក្លេអ៊ែរ និងត្រឡប់ចូលតុចរចាឡើងវិញ។
យ៉ាងណាក្ដី ការថ្លែងសាររបស់លោក គីម ជុងអ៊ុន អាចជាសញ្ញាល្អសម្រាប់សន្តិភាព និងស្ថិរភាពនៅឧបទ្វីបកូរ៉េ បើទោះជាជំហាននៃការចរចារវាងកូរ៉េទាំងពីរផ្ដោតលើព្រឹត្តិការណ៍កីឡាក្ដី។ ជំហានបន្ទាប់អាចជាការចាប់ផ្ដើមការចរចារអន្តរកូរ៉េឡើងវិញ សំដៅបន្ថយកម្ដៅតានតឹងរវាងបងប្អូនកូរ៉េទាំងពីរ មុននឹងឈានដល់ការចរចាស្ដីពីការរំសាយអាវុធនុយក្លេអ៊ែរនៅឧបទ្វីបកូរ៉េ ដែលជាគោលដៅចុងក្រោយ៕
Tag:
អាមេរិក
កូរ៉េខាងជើង
ដូណាល់ ត្រាំ
គីម ជុងអ៊ុន
នុយក្លេអ៊ែរ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
