ពីនេះ ពីនោះ
«នៅ»និង«នូវ»មានន័យខុសគ្នាដូចម្តេច?
× នៅមានសាធារណជនមួយចំនួន សរសេរពាក្យទាំងនេះ ដោយមិនដឹងថា ពាក្យណាសម្រាប់ប្រើក្នុងន័យណាឡើយ។ «នៅ»ជាកិរិយាសព្ទ ប្រែមកថា ស្ថិត, ឋិត។ ចំណែក «នូវ»ប្រែមកថា ជាដំណើរសម្រេចប្រាប់ពីអំពើដែលគេត្រូវធ្វើ។
វចនានុក្រមសម្តេចព្រះសង្ឃរាជ ជួន ណាត បានពន្យល់ពាក្យ «នៅ»ជាកិរិយាសព្ទ មានន័យថា ស្ថិត, ឋិត, ។ ឧទាហរណ៍៖ នៅឯណា? នៅផ្ទះ, នៅក្នុងបន្ទប់ការិយាល័យ, នៅមាត់សមុទ្រ ជាដើម។
«នៅ»ជាកិរិយាវិសេស មានន័យថា ដែលមិនទាន់, ដែលមានទៀត។ ឧទាហរណ៍៖ អស់ហើយឬនៅ? នៅ! នៅឡើយ,នៅទេ។
ចំណែកឯ «នូវ»មានន័យថា ជាដំណើរប្រាប់ពីសេចក្តីសម្រេចដែលគេត្រូវធ្វើ។ ឧទាហរណ៍៖ បុគ្គលធ្វើនូវអំពើល្អ ដោយវាចា ចិត្ត នឹងទទួលបាននូវផលល្អ៕
© រក្សាសិទ្ធិដោយ thmeythmey.com