ពីនេះ ពីនោះ
ព័ត៍មានសុខភាព
ឪពុកដែលបាក់ទឹកចិត្តទំនងជាធ្វើឲ្យកូនកើតមិនគ្រប់ខែ
× យោងទៅតាមសេចក្តីរាយការណ៍របស់សារព័ត៌មាន The Independent បានឲ្យដឹងថា បុរសដែលត្រឹមធ្វើជាឪពុកគេហើយតែបាក់ទឹកចិត្តទំនងជាជាប់ទាក់ទងនឹងការធ្វើឲ្យកូនក្នុងផ្ទៃរបស់ប្រពន្ធកើតមិនគ្រប់ខែ។ ការសិក្សារបស់ Swedish បានរកឃើញទំនាក់ទំនងមួយរវាងឪពុកដែលបាក់ទឹកចិត្តកើតឡើងដំបូង និងការប្រឈមកាន់តែខ្ពស់នឹងការសម្រាលកូនមិនគ្រប់ខែ។
ការសិក្សាដែលពិនិត្យទៅលើកូនដែលរួចប្រមាណ ៣៦៦៤៩៩នាក់ ហើយក៏បានបញ្ជាក់ថា ស្ត្រីដែលមានការបាក់ទឹកចិត្តមុនពេល ឬក្នុងពេលមានផ្ទៃពោះ ទំនងជាងាយនឹងធ្វើឲ្យសម្រាលកូនមិនគ្រប់ខែណាស់។ យ៉ាងណាមិញ ហេតុផលសម្រាប់ទំនាក់ទំនងជាមយយនឹងការបាក់ទឹកចិត្តនេះមិនច្បាស់លាស់ឡើយ។ ទ្រឹស្តីមួយទៅលើទំនាក់ទំនងរវាងការសម្រាលកូនមិនគ្រប់ខែ និងការបាក់ទឹកចិត្តលើស្ត្រីគឺថា វាប្រហែលជាបង្កឡើងដោយសារតែការព្យាបាលដោយថ្នាំប្រឆាំងការបាក់ទឹកចិត្តជាងជំងឺ។
ដូច្នេះ រាល់ឥទ្ធិពលទាំងឡាយរបស់បុរសដែលកំពុងតែមានការបាក់ទឹកចិត្ត ការស្រាវជ្រាវនិយាយថា វាប្រហែលជាមានរឿងច្រើនដែលត្រូវធ្វើជាមួយនឹងឥទ្ធិពលនៃភាពតានតឹង ដែលកើតឡើងលើប្តីរបស់ស្ត្រីមានផ្ទៃពោះ។ អ្នកស្រាវជ្រាវក៏បាននិយាយទៀតថា ថ្នាំប្រឆាំងការបាក់ទឹកចិត្តមានឥទ្ធិពលមួយទៅលើមេជីវិតឈ្មោលដែរ ប៉ុន្តែវាដូចជាមិនទំនងសោះ។
ស្ត្រីមានផ្ទៃពោះអាចនឹងមានភាពស្ត្រេសច្រើនចំពោះដៃគូទាំងពីរនាក់ ដូច្នេះអ្នកមិនគួរណាមានអារម្មណ៍ថាមានកំហុសឬអៀនខ្មាស់ឡើយបើសិនជាអ្នកពិតជាធ្លាប់មានអាការៈបាក់ទឹកចិត្តក្នុងពេលនេះមែន។ អ្វីដែលសំខាន់នោះគឺថា អ្នកត្រូវតែស្វែងរកជំនួយពីគ្រូពេទ្យ៕
ផ្ដល់សិទ្ធដោយ៖www.health.com.kh
© រក្សាសិទ្ធិដោយ thmeythmey.com