ព័ត៍មានសុខភាព
អន្តរជាតិ
បុរសអាល្លឺម៉ង់ម្នាក់ត្រូវផឹកទឹកយ៉ាងហោច២០លីត្រក្នុងមួយថ្ងៃដើម្បីអាចបន្តរស់បាន
×![]()
ដោយ: ធីតា
ដោយសារតែកើតជំងឺទឹកនោមប្រៃ (Diabetes Insipidus) ដ៏កម្រ បុរសជនជាតិអាល្លឺម៉ង់ម្នាក់ វ័យ៣៦ឆ្នាំ ត្រូវបានតម្រូវឲ្យផឹកទឹក២០លីត្រជារៀងរាល់ថ្ងៃ ដើម្បីអាចបន្តជីវិតរបស់ខ្លួនបាន។ លោក Marc Wubbenhorst បានរៀបរាប់ពីផលលំបាករបស់ខ្លួនក្នុងបទសម្ភាសមួយជាមួយទស្សនាវដ្តី Neue Westfalische។
ថ្វីត្បិតតែទឹកពិតជាមានសារសំខាន់សម្រាប់មនុស្ស ប៉ុន្តែតម្រូវការប្រចាំថ្ងៃរបស់លោក Marc Wubbenhorst ពិតជាច្រើនលើសលុប និងគួរឲ្យហត់នឿយបំផុត។ កាលពីក្មេងបុរសអាល្លឺម៉ង់រូបនេះ ផឹកតែប្រមាណ១.៥លីត្រប៉ុណ្ណោះជារឿងរាល់ថ្ងៃ ប៉ុន្តែបច្ចុប្បន្នលោកត្រូវបានតម្រូវឲ្យផឹក២០លីត្រ។
ដោយសារតែកើតជំងឺទឹកនោមប្រៃ លោក Marc ត្រូវការបំពេញទឹកក្នុងខ្លួនជាប់ជានិច្ច។ លោកមិនដែលបានគេងលក់ពីរម៉ោងជាប់គ្នានោះឡើយ ដោយសារលោកត្រូវផឹកទឹកជាប្រចាំ និងធ្វើឲ្យលោកចេញចូលបន្ទប់ទឹកយ៉ាងហោចណាស់៥០លើកក្នុង១ថ្ងៃ។
ជំងឺទឹកនោមប្រៃដែលលោក Marc កើតដោយកម្រនេះ អាចលេបត្របាក់ជីវិតគាត់គ្រប់ពេល ប្រសិនបើទុកខ្លួនឲ្យខ្សោះជាតិទឹក។ យោងតាមគេហទំព័រ health.com.kh ទឹកនោមប្រៃ គឺជាជំងឺតម្រងនោម ដែលបណ្ដាលអោយរាងកាយបាត់បង់ជាតិនូវជាតិប្រូតេអ៊ីនយ៉ាងច្រើនទៅតាមទឹកនោម។ ជំងឺមានជាតិប្រូតេអ៊ីននៅក្នុងទឹកនោម (ឬជំងឺទឹកនោមប្រៃនេះ) ជាធម្មតា ត្រូវបានបង្កឡើងដោយការខូចសរសៃឈាមតូចៗនៅក្នុងតម្រងនោម ដែលវាមាននាទីក្នុងការច្រោះកាកសំណល់ និងជាតិទឹកដែលលើលចេញពីរាងកាយ។
លោក Marc បានរៀបរាប់ប្រាប់ Neue Westfalische ថា លោកមិនដែលបណ្តោយឲ្យជាតិជាតិខ្សោះពីខ្លួននោះឡើយ ព្រោះលោកចង់គេចផុតពីសេចក្តីស្លាប់ ហើយលោកចង់ឲ្យមនុស្សទាំងអស់ដឹងពីផលវិបាកនៃការកើតជំងឺនេះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
