ពីនេះ ពីនោះ
កុំធ្វើភ្លេចបានអត់ ដើម្បីជីវិតខ្លួនឯង?
× បទ ពាក្យ៦
-ឆ្នាំថ្មីយើងរំពឹងថ្មី ធ្វើអ្វីបានដូចបំណង
ត្រូវប្តូរទង្វើកន្លង ប្អូនបងធ្វើបានដែរទេ?
-ដើម្បីជីវិតខ្លួនឯង កុំក្លែងធ្វើភ្លេចគេចរេ
រឿងហ្នឹងចាយមិនច្រើនទេ ស្រុកគេក៏ធ្វើដូចគ្នា។
-ក្រមានកុំហ៊ានប្រមាថ សង្វាតធ្វើពលរដ្ឋជា
ចៀសផុតស្លុតគ្រោះគ្រោះគ្រា នាំគ្នាគោរពច្បាប់ទៅ។
-គ្រប់ពេលត្រូវធ្វើដំណើរ ទោះដើរថ្ងៃល្ងាចយប់ជ្រៅ
ចាប់ច្បាប់មកត្រាប់ផងពៅ កុំនៅធ្វើពើមិនដឹង។
-ពាក់មួកដាក់ខ្សែក្រវាត់ កុំបាត់បង់ហើយបានប្រឹង
ឈប់បើកបើសិនស្រវឹង កុំខឹងពេលប៉ូលីសឃាត់។
-គោរពសញ្ញាភ្លើងផ្លូវ បើកត្រូវកាន់ស្តាំចាំស្ទាត់
ធ្វើបានថ្កានទាំងរាស្ត្ររដ្ឋ មុខមាត់យើងគ្រប់គ្នាតើ?
© រក្សាសិទ្ធិដោយ thmeythmey.com