ពីនេះ ពីនោះ
ធ្វើការច្រើនម៉ោងពេកអាចប្រឈមនឹងជំងឺដាច់សរសៃឈាមខួរក្បាលកាន់តែខ្ពស់
× យោងទៅតាមសេចក្តីរាយការណ៍ពីសារព័ត៌មន BBC News បានឲ្យដឹងថា អ្នកដែលធ្វើការច្រើនម៉ោងទំនងជាងាយមានជំងឺដាច់សរសៃឈាមខួរក្បាលណាស់។ រឿងនេះគឺបានមកពីការិភាគមួយទៅលើមនុស្សចំនួនកន្លះលាននាក់។
អ្នកស្រាវជ្រាវបានប្រមូលទន្នន័យពីការសិក្សាមុនៗប្រមាណចំនួន២៥ ដែលមានមនុស្សចូលរួមច្រើនជាង ៦០០០០០នាក់ ដែលម្នាក់ៗគឺមិនមានជំងឺបេះដូង ឬជំងឺសរសៃឈាមបេះដូងផ្សេងៗទៀតឡើយ។ ពួកគេបានរកឃើញថា ការប្រឈមនឹងជំងឺដាច់សរសៃឈាមខួរក្បាលមានការកើនឡើងរហូទដល់មួយភាគបីលើអ្នកដែលធ្វើការច្រើនម៉ោង ឬច្រើនជាង៥៥ម៉ោងក្នុងមួយសប្តាហ៍ នៅពេលប្រៀបធៀបជាមួយអ្នកដែលធ្វើការម៉ោងធម្មតាត្រឹម ៩ទៅ៥ម៉ោងក្នុងមួយថ្ងៃ។ ទំនាក់ទំនងនៃការធ្វើការច្រើនម៉ោងជាមួយនឹងជំងឺបេះដូងគឺមិនច្រើនទេ គ្រាន់តែ១៣ភាគរយប៉ុណ្ណោះ។
ការសិក្សានេះមានភាពរឹងមាំច្រើនរួមទាំងទំហំនៃការសិក្សា និងការចុះផ្សាយ ប៉ុន្តែវាមានដែនកំណត់ច្រើនដូចគ្នា។ គំនិតដែលថា ការធ្វើការងារច្រើនម៉ោងអាចនាំឲ្យកើតជាជំងឹធ្ងន់ធ្ងរ និងការស្លាប់នោះមិនមែនជារឿងថ្មីឡើយ។ វានៅតែពិបាកក្នុងការផ្តល់អំណះអំណាងដោយផ្ទាល់ទៅលើមូលហេតុ និងឥទ្ធិពលរបស់វាណាស់។
ថ្វីបើអ្នកស្រាវជ្រាវព្យាយាមបញ្ចូលកត្តាសុខភាព និងរបៀបរស់នៅមួយចំនួនដែលមានឥទ្ធិពលទៅលើការប្រឈមមុខក៏ដោយ វានៅតែជាបញ្ហាដែលចង្អុលបង្ហាញលើការធ្វើការច្រើនម៉ោងប្រៀបបានជាមូលហេតុដោយផ្ទាល់មួយចំពោះសុខភាពមនុស្សដែរ។ ទោះបីជាយ៉ាងណាក៏ដោយ អ្វីដែលយើងទទួលបានលទ្ធផលនៃការសិក្សាទាំងនេះបានបង្ហាញនូវទំនាក់ទំនាក់ទំនងមួយរវាងការធ្វើការច្រើនម៉ោង និងការប្រឈមនឹងជំងឺបេះដូង និងដាច់សរសៃឈាមខួរក្បាល៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com