ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ពីនេះ ពីនោះ
ប្រាសាទតាព្រហ្ម រឹងមាំបានដោយសារឫសដើមឈើធំៗដែលព័ទ្ធនៅជុំវិញ
10, Jan 2018 ,
9:59 am
រូបភាព
×
ដោយ:
ថ្មីៗ
ប្រាសាទតាព្រហ្មស្ថិតនៅខាងកើតចម្ងាយប្រមាណ៣ គីឡូម៉ែត្រ ពីច្រកទ្វារជ័យក្រុងអង្គរធំ។ ប្រាសាទនេះសង់ឡើងដោយដីភក់ និងថ្មបាយក្រៀម នៅលើផ្ទៃដីរាបប្រមាណ៦០ ហិកតា។ ព្រះបាទជ័យវរ្ម័នទី៧ បានកសាងប្រាសាទនេះឡើងនៅឆ្នាំ១១៨៦ ដើម្បីឧទ្ទិសថ្វាយព្រះមាតា។ ប្រាសាទតាព្រហ្មមានសភាពខុសប្លែកពីប្រាសាទផ្សេងៗ។ ដើមឈើធំៗបានដុះលើប្រាសាទនេះ សម្រាប់ជួយទ្រទ្រង់ប្រាសាទឱ្យរឹងមាំ។
ប្រាសាទតាព្រហ្មមានឈ្មោះដើមថា«រាជវិហារ»សម្រាប់ឧទ្ទិសចំពោះព្រះពុទ្ធសាសនាមហាយាន និងជាសកលវិទ្យាល័យធំមួយក្នុងរាជធានីអង្គរ។ ក្រៅពីនេះ នៅមានអគាររណបមួយចំនួន រួមមានបណ្ណាល័យ និងរោងទងជាច្រើន ដែលតាំងនៅខ្វាត់ខ្វែងនៅជុំវិញប្រាសាទកណ្តាល។ លើសពីនេះទៅទៀត លក្ខណៈពិសេសរបស់ប្រាសាទនេះ គឺមានដើមឈើដុះលើប្រាសាទ។ ពួកវាដុះចេញពីគ្រាប់ពូជ ដែលសត្វពាំមក។ ដុះបន្តិចម្តងៗ ឫសរបស់វាជ្រែកចូលតាមចន្លោះថ្ម ញែកដុំថ្មឱ្យឃ្លាតពីគ្នា ហើយយូរៗទៅធ្វើឱ្យដុំថ្មរង្គោះជ្រុះ។ ឫសដើមឈើចាក់ស្រេះ វាជួយទប់ថ្មមិនឱ្យរេលជ្រុះ តែបើឫសងាប់ ពុកផុយ ដុំថ្ម ក៏សណ្តកពីគ្នា ហើយប្រាសាទក៏លែងរឹងមាំទៀតដែរ។
ដើម្បីទទួលបានសោភ័ណភាព បច្ចុប្បន្នប្រាសាទនេះត្រូវបានជួសជុល ដោយកាប់ដើមឈើដែលបង្កគ្រោះថ្នាក់ដល់ប្រាសាទ ដោយចាក់ថ្នាំរក្សាទុកឫស និងគុលកុំឱ្យពុកផុយ ជៀសវាងបាត់លំនឹងរបស់ប្រាសាទ។ ចំពោះដើមឈើដទៃទៀតគេគ្រាន់តែកាប់ចោលតែមែកណាដែលគំរាមគំហែង។ គេទល់ទ្រដើមឈើ និងផ្នែកប្រាសាទរួបរឹតដោយឫសឈើឱ្យរឹងមាំតែប៉ុណ្ណោះ។
អ្នកវិទ្យាសាស្ត្របានជួសជុលឡើងវិញ ដើម្បីថែរក្សាប្រាសាទនេះ និងជាសមទ្ធិផលបានពាំនាំនូវភ្ញៀវទេសចរណ៍ជាតិ និងអន្តរជាតិជាច្រើនកុះករដែលមិនអាចមើលរំលងនូវប្រាសាទតាព្រហ្មនេះបានឡើយ។
ប្រាសាទតាព្រហ្មតំណាងឱ្យរូបភាពបង្រួបបង្រួមរបស់ចក្រវាលតាមទ្រឹស្តីព្រះពុទ្ធសាសនា៕
អត្ថបទដកស្រង់ពីសៀវភៅ៖ អាថ៌កំបាំងនៃអង្គរវគ្គ២ របស់អង្គការស៊ីប៉ា
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ប្រាសាទតាព្រហ្ម
ដើមឈើ
ឫស
អ្នកវិទ្យាសាស្ត្រ
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 ថ្ងៃ
អត្ថបទពេញនិយមបន្ថែម