អន្តរជាតិ
ឥណ្ឌាសម្រេចបានមីស៊ីលបំពាក់នុយក្លេអ៊ែរដែលអាចបាញ់ដល់គ្រប់ទីកន្លែងទូទាំងប្រទេសចិន
×![]()
ដោយ: ថ្មីៗ
មហាយក្សអាស៊ីខាងត្បូងឥណ្ឌាបានបាញ់សាកល្បងមីស៊ីលរយៈចម្ងាយឆ្ងាយដែលអាចបំពាក់ក្បាលគ្រប់នុយក្លេអ៊ែរបានដោយជោគជ័យនៅថ្ងៃព្រហស្បតិ៍។ ការសម្រេចបានមីស៊ីលឆ្លងទ្វីបថ្មីនេះជួយបង្កើនសមត្ថភាពការពារជាតិឥណ្ឌា ហើយមីស៊ីលនេះថែមទាំងអាចបាញ់ដល់គ្រប់ទីកន្លែងទូទាំងចិនថែមទៀត។
បន្ទាប់ពីប្រកាសនាំចូលអាវុធមានតម្លៃច្រើនជាង៥០០លានដុល្លារសម្រាប់បំពាក់ដល់កងទ័ពនៅតាមព្រំដែនជាមួយចិន ឥណ្ឌាបានសម្រេចជោគជ័យក្នុងការបាញ់សាកល្បងមីស៊ីលឆ្លងទ្វីបដែលអាចបំពាក់ក្បាលគ្រាប់នុយក្លេអ៊ែរបាន។
យោងតាមទីភ្នាក់ងារព័ត៌មាន AP ឥណ្ឌាបាញ់សាកល្បងមីស៊ីលរយៈចម្ងាយឆ្ងាយនេះនៅលើកោះមួយនៅឆកសមុទ្រ Bengal នៅថ្ងៃព្រហស្បតិ៍ ហើយមីស៊ីលឆ្លងទ្វីបនេះបាញ់ចេញពីម៉ាស៊ីនបាញ់ដែលអាចចល័តបានថែមទៀត។
ក្រសួងការបរទេសឥណ្ឌាបានលើកឡើងថា ជោគជ័យដ៏ធំក្នុងការបាញ់សាកល្បងមីស៊ីល Agni-V នេះជួយឲ្យឥណ្ឌាពង្រឹងសមត្ថភាព និងអំណាចយោធារបស់ខ្លួនបានថែមទៀត។
តាមពិតទៅឥណ្ឌាបានបន្តប្រឹងប្រែងអភិវឌ្ឍនុយក្លេអ៊ែរ និងកម្មវិធីមីស៊ីលរបស់ខ្លួនកន្លងមកនេះ ស្របពេលដែលមហាយក្សចិនបន្តពង្រឹងអំណាចយោធារបស់ខ្លួនឥតឈប់ឈរនោះ។ គេជឿជាក់ថា មីស៊ីល Agni-V នេះមានសមត្ថភាពក្នុងហោះហើរទៅដល់ស្ទើរគ្រប់ទីកន្លែងទូទាំងប្រទេសចិនផងដែរ។
ចាប់ពីពេលដែលនាយករដ្ឋមន្ត្រី នារិន្ទ្រា ម៉ូឌី ឡើងកាន់តំណែងឆ្នាំ ២០១៤ មហាយក្សអាស៊ីខាងត្បូងឥណ្ឌានេះប្រឹងប្រែងពង្រឹងឥទ្ធិពល និងអំណាចយោធារបស់ខ្លួនជាលំដាប់តាមរយៈការនាំចូលសព្វាវុធទំនើបៗ និងពង្រឹងឧស្សាហកម្មយោធាក្នុងស្រុកផងក្នុងនោះមានទាំងការស្រាវជ្រាវលើវិស័យការពារជាតិ។ ការពង្រឹងសមត្ថភាពយោធានេះក៏ដើម្បីទប់ទល់ការគំរាមកំហែងសន្តិសុខពីខាងក្រៅផងដែរ។
តាមពិតទៅ ភាពតានតឹងរវាងឥណ្ឌា និងចិនបានកើនឡើង និងមានការប្រឈមមុខគ្នាខ្លាំងនៅតាមព្រំដែនកាលពីឆ្នាំមុន ដោយសារបញ្ហាព្រំដែននៅលើតំបន់ហិមាល័យ។ ប្រឈមមុខដាក់គ្នាខ្លាំងកើតឡើងនៅតាមព្រំដែនតំបន់ស្វយ័តទីបេ និងប្រទេសប៊ូតង់នៅតំបន់ Doklam។ ជម្លោះព្រំដែននៅ Doklam កើតឡើងនៅពាក់កណ្ដាលខែមិថុនា ឆ្នាំ២០១៧ ក្រោយយោធាចិនបញ្ជូនគ្រឿងចក្រឈូសឆាយនៅតំបន់ខ្ពង់រាបលើភ្នំហិមាល័យ ប៉ុន្តែឥណ្ឌាដែលជាសម្ព័ន្ធមិត្តប៊ូតង់បានចូលទៅឃាត់រហូតដល់មានការប្រឈមមុខដាក់គ្នារវាងឥណ្ឌា និងចិនតែម្តង។ ក្រៅពីជម្លោះព្រំដែន ឥណ្ឌាក៏នៅខ្វាយខ្វល់ពីចេតនារបស់ចិនដែលកំពុងបង្កើនឥទ្ធិពលខ្លួននៅមហាសមុទ្រឥណ្ឌាផងដែរ៕
បន្ទាប់ពីប្រកាសនាំចូលអាវុធមានតម្លៃច្រើនជាង៥០០លានដុល្លារសម្រាប់បំពាក់ដល់កងទ័ពនៅតាមព្រំដែនជាមួយចិន ឥណ្ឌាបានសម្រេចជោគជ័យក្នុងការបាញ់សាកល្បងមីស៊ីលឆ្លងទ្វីបដែលអាចបំពាក់ក្បាលគ្រាប់នុយក្លេអ៊ែរបាន។
យោងតាមទីភ្នាក់ងារព័ត៌មាន AP ឥណ្ឌាបាញ់សាកល្បងមីស៊ីលរយៈចម្ងាយឆ្ងាយនេះនៅលើកោះមួយនៅឆកសមុទ្រ Bengal នៅថ្ងៃព្រហស្បតិ៍ ហើយមីស៊ីលឆ្លងទ្វីបនេះបាញ់ចេញពីម៉ាស៊ីនបាញ់ដែលអាចចល័តបានថែមទៀត។
ក្រសួងការបរទេសឥណ្ឌាបានលើកឡើងថា ជោគជ័យដ៏ធំក្នុងការបាញ់សាកល្បងមីស៊ីល Agni-V នេះជួយឲ្យឥណ្ឌាពង្រឹងសមត្ថភាព និងអំណាចយោធារបស់ខ្លួនបានថែមទៀត។
តាមពិតទៅឥណ្ឌាបានបន្តប្រឹងប្រែងអភិវឌ្ឍនុយក្លេអ៊ែរ និងកម្មវិធីមីស៊ីលរបស់ខ្លួនកន្លងមកនេះ ស្របពេលដែលមហាយក្សចិនបន្តពង្រឹងអំណាចយោធារបស់ខ្លួនឥតឈប់ឈរនោះ។ គេជឿជាក់ថា មីស៊ីល Agni-V នេះមានសមត្ថភាពក្នុងហោះហើរទៅដល់ស្ទើរគ្រប់ទីកន្លែងទូទាំងប្រទេសចិនផងដែរ។
ចាប់ពីពេលដែលនាយករដ្ឋមន្ត្រី នារិន្ទ្រា ម៉ូឌី ឡើងកាន់តំណែងឆ្នាំ ២០១៤ មហាយក្សអាស៊ីខាងត្បូងឥណ្ឌានេះប្រឹងប្រែងពង្រឹងឥទ្ធិពល និងអំណាចយោធារបស់ខ្លួនជាលំដាប់តាមរយៈការនាំចូលសព្វាវុធទំនើបៗ និងពង្រឹងឧស្សាហកម្មយោធាក្នុងស្រុកផងក្នុងនោះមានទាំងការស្រាវជ្រាវលើវិស័យការពារជាតិ។ ការពង្រឹងសមត្ថភាពយោធានេះក៏ដើម្បីទប់ទល់ការគំរាមកំហែងសន្តិសុខពីខាងក្រៅផងដែរ។
តាមពិតទៅ ភាពតានតឹងរវាងឥណ្ឌា និងចិនបានកើនឡើង និងមានការប្រឈមមុខគ្នាខ្លាំងនៅតាមព្រំដែនកាលពីឆ្នាំមុន ដោយសារបញ្ហាព្រំដែននៅលើតំបន់ហិមាល័យ។ ប្រឈមមុខដាក់គ្នាខ្លាំងកើតឡើងនៅតាមព្រំដែនតំបន់ស្វយ័តទីបេ និងប្រទេសប៊ូតង់នៅតំបន់ Doklam។ ជម្លោះព្រំដែននៅ Doklam កើតឡើងនៅពាក់កណ្ដាលខែមិថុនា ឆ្នាំ២០១៧ ក្រោយយោធាចិនបញ្ជូនគ្រឿងចក្រឈូសឆាយនៅតំបន់ខ្ពង់រាបលើភ្នំហិមាល័យ ប៉ុន្តែឥណ្ឌាដែលជាសម្ព័ន្ធមិត្តប៊ូតង់បានចូលទៅឃាត់រហូតដល់មានការប្រឈមមុខដាក់គ្នារវាងឥណ្ឌា និងចិនតែម្តង។ ក្រៅពីជម្លោះព្រំដែន ឥណ្ឌាក៏នៅខ្វាយខ្វល់ពីចេតនារបស់ចិនដែលកំពុងបង្កើនឥទ្ធិពលខ្លួននៅមហាសមុទ្រឥណ្ឌាផងដែរ៕
Tag:
ឥណ្ឌា
ចិន
មីស៊ីល
ព្រំដែន
© រក្សាសិទ្ធិដោយ thmeythmey.com
