កីឡាអន្តរជាតិ
អន្តរជាតិ
Sanchez និង Mkhitaryan ជិតឈានដល់ការប្តូរក្លិបគ្នាទៅវិញទៅមក arsenal manchester united
×
ខ្សែបម្រើ Henrikh Mkhitaryan របស់ Manchester United បានយល់ព្រមចូលរួមជាមួយ Arsenal ដែលផ្នែកមួយនៃដូរដោះ Alexis Sanchez ពីកំភ្លើងធំ ទៅបិសាចក្រហមវិញ។ បើតាមការផ្សាយរបស់ BBC ក្រុមទាំងពីរកាន់តែឈានដល់កិច្ចព្រមព្រៀងផ្លូវការ។
កីឡាករអន្តរជាតិអាម៉េនី Mkhitaryan អាយុ២៨ឆ្នាំ នឹងទទួលការត្រួតពិនិត្យសុខភាពនាអំឡុងថ្ងៃអាទិត្យ ឬថ្ងៃចន្ទ ខណៈកីឡាករអន្តរជាតិស៊ីលី Sanchez អាយុ២៩ឆ្នាំ ក៏នឹងធ្វើបែបនេះនៅដំណាក់កាលដូចគ្នាផងដែរ។
តាមទិន្នន័យក្នុងក្របខណ្ឌ Premier League កីឡាករ Sanchez ជាកីឡាករដែលបញ្ចប់ទីប្រកបដោយប្រសិទ្ធភាព រីឯ Mkhitaryan ជាកីឡាករដែលបញ្ជូនបាល់ចំៗ និងឆាប់រហ័ស។
បិសាចក្រហមបានទិញ Mkhitaryan ពី Borussia Dortmund ទៅ Old Trafford កាលពីខែកក្កដា ឆ្នាំ២០១៦ ក្នុងតម្លៃ២៦.៣លានផោន (ជាង៣៦លានដុល្លារអាមេរិក)។ គេបានបង្ហាញខ្លួន៦៣លើក និង២២លើកនារដូវកាលនេះ ជាមួយនឹងការស៊ុតបាល់បញ្ចូលទីចំនួន១៣គ្រាប់។
ចំណែក Sanchez បានស៊ុតបាល់បញ្ចូលទីចំនួន៨០គ្រាប់ក្នុងការបង្ហាញខ្លួន១៦៦លើកសម្រាប់កាំភ្លើងធំ បន្ទាប់ពីរូបគេបានចាកចេញពី Barcelona កាលពីខែកក្កដា ឆ្នាំ២០១៤ ក្នុងតម្លៃ៣៥លានផោន (ជិត៤៩លានដុល្លារអាមេរិក)៕
Tag:
បាល់ទាត់
Arsenal
Manchester United
© រក្សាសិទ្ធិដោយ thmeythmey.com