ពីនេះ ពីនោះ
ល្បែងជល់មាន់ និងជល់ជ្រូកមានតាំងពីពេលណា?
× នៅសតវត្សទី១២ នៃសម័យអង្គរ ប្រជាជនខ្មែរប្រារព្ធពិធីផ្សេងៗ ដើម្បីកម្សាន្តសប្បាយ ដូចជា ល្បែងជល់មាន់ និងជល់ជ្រូក។ ល្បែងទាំងនោះមានលេងនៅតាមដងផ្លូវ។ ល្បែង សិល្បៈ និងទស្សនីយភាពជាច្រើនទៀត ដែលមាននៅក្នុងរូបចម្លាក់នាប្រាសាទបាយ័ន បានឆ្លុះបញ្ជាំងពីឆាកជីវិតប្រចាំថ្ងៃរបស់ប្រជាពលរដ្ឋខ្មែរនាសម័យនោះ។
កាលពីមុន ល្បែងនេះតែងតែមានជាធម្មតានៅតាមផ្សារ។ ដែលល្បែងទាំងនោះ ពួកគេលត់ជង្គង់ផ្ទាល់ដី អង្គែលថ្នមៗ កម្លាមាន់ និងសូត្រមន្តអាគមប្រសិទ្ធីដើម្បីឱ្យសត្វរបស់ខ្លួនជល់ឈ្នះ។ ចំពោះល្បែងជល់ជ្រូក ម្ចាស់ជ្រូកតែងតែប្រុងប្រយ័ត្ន ដែលចងខ្សែភ្ជាប់យ៉ាងរឹងមាំ ដោយម្ចាស់ពួកវាកាន់ជាប់ ដើម្បីឱ្យជ្រូកត្រៀមប្រយុទ្ធគ្នាដោយប្រយ័ត្នប្រយែងមិនឱ្យមានគ្រោះថ្នាក់កើតឡើងជាយថាហេតុណាមួយឡើយ។
តាមកំណត់ហេតុរបស់លោកជីតាក្វាន់ក្នុងពិធីបុណ្យផ្សេងៗ ក្រៅពីល្បែងជល់មាន់ ជល់ជ្រូកព្រៃ ក៏មានរៀបចំល្បែងជល់ដំរីផងដែរ។ ទស្សនីយភាពទាំងនេះ មាននៅទីលានជល់ដំរី៕
ដកស្រង់ពីសៀវភៅ៖ យើងទៅទស្សនាប្រាសាទអង្គរ អង្គរវត្ត និងបាយ័ន ភាគ២ របស់អង្គការស៊ីប៉ា
Tag:
ល្បែងជល់មាន់
ជល់ជ្រូក
ជល់ដំរី
© រក្សាសិទ្ធិដោយ thmeythmey.com