ជាតិ
សេដ្ឋកិច្ច
ឱកាសដល់ចុងឆ្នាំ២០១៨សម្រាប់ក្រុមហ៊ុនដែលមិនទាន់ចុះបញ្ជីឡើងវិញក្នុងប្រព័ន្ធស្វ័យប្រវត្តិកម្ម
×![]()
ភ្នំពេញ៖ ក្រសួងពាណិជ្ជកម្ម ប្រកាសទុកពេលដល់ក្រុមហ៊ុនមួយចំនួន ដែលមិនទាន់ចុះបញ្ជីឡើងវិញ តាមប្រព័ន្ធស្វ័យប្រវត្តិកម្ម រហូតដល់ថ្ងៃទី៣១ខែធ្នូឆ្នាំ២០១៨។ នេះបើតាមសេចក្ដីជូនដំណឹង របស់ក្រសួងពាណិជ្ជកម្ម ចុះថ្ងៃទី២២ ខែមករា។
ដើម្បីផ្ដល់ឱកាសដល់ក្រុមហ៊ុន ឬទីភ្នាក់ងារទាំងឡាយណា ដែលមិនទាន់បានចុះបញ្ជីសារឡើងវិញ ក្នុងប្រព័ន្ធស្វ័យប្រវត្តិកម្ម ក្រសួងពាណិជ្ជកម្ម បានប្រកាសទុកពេលវេលាចុះបញ្ជី រហូតដល់ដំណាច់ឆ្នាំនេះ។ នេះបើតាមសេចក្ដីជូនដំណឹងដដែលនេះ។
សេចក្ដីជូនដំណឹងខាងលើបន្ថែមថា ក្រុមហ៊ុន ឬទីភ្នាក់ងារ ត្រូវភ្ជាប់ប្រតិវេទន៍ អំពីស្ថានភាពសហគ្រាសពាណិជ្ជកម្មប្រចាំឆ្នាំ២០១៥ ២០១៦ និងឆ្នាំ២០១៧ ដើម្បីចុះបញ្ជី។ ក្នុងករណីមិនមានប្រតិវេទន៍ក្នុងឆ្នាំទាំងនោះទេ ក្រុមហ៊ុនត្រូវបង់កម្រៃសេវា តម្កល់ប្រតិវេទន៍ទាំង៣ឆ្នាំ និងការពិន័យចំពោះការមិនតម្កល់ប្រតិវេទន៍ប្រចាំឆ្នាំ នៅក្រសួងពាណិជ្ជកម្ម។
មុនមានសេចក្ដីជូនដំណឹងថ្មីនេះ ការចុះបញ្ជីសារឡើងវិញ ក្នុងប្រព័ន្ធស្វ័យប្រវត្តិកម្មត្រូវបានកំណត់ដោយប្រកាសរបស់ក្រសួងពាណិជ្ជកម្ម កាលពីឆ្នាំ២០១៥ បន្ទាប់មកក្រសួងបានចេញសេចក្ដីជូនដំណឹងទុកពេលដល់ ខែធ្នូ ឆ្នាំ២០១៧៕
ដើម្បីផ្ដល់ឱកាសដល់ក្រុមហ៊ុន ឬទីភ្នាក់ងារទាំងឡាយណា ដែលមិនទាន់បានចុះបញ្ជីសារឡើងវិញ ក្នុងប្រព័ន្ធស្វ័យប្រវត្តិកម្ម ក្រសួងពាណិជ្ជកម្ម បានប្រកាសទុកពេលវេលាចុះបញ្ជី រហូតដល់ដំណាច់ឆ្នាំនេះ។ នេះបើតាមសេចក្ដីជូនដំណឹងដដែលនេះ។
សេចក្ដីជូនដំណឹងខាងលើបន្ថែមថា ក្រុមហ៊ុន ឬទីភ្នាក់ងារ ត្រូវភ្ជាប់ប្រតិវេទន៍ អំពីស្ថានភាពសហគ្រាសពាណិជ្ជកម្មប្រចាំឆ្នាំ២០១៥ ២០១៦ និងឆ្នាំ២០១៧ ដើម្បីចុះបញ្ជី។ ក្នុងករណីមិនមានប្រតិវេទន៍ក្នុងឆ្នាំទាំងនោះទេ ក្រុមហ៊ុនត្រូវបង់កម្រៃសេវា តម្កល់ប្រតិវេទន៍ទាំង៣ឆ្នាំ និងការពិន័យចំពោះការមិនតម្កល់ប្រតិវេទន៍ប្រចាំឆ្នាំ នៅក្រសួងពាណិជ្ជកម្ម។
មុនមានសេចក្ដីជូនដំណឹងថ្មីនេះ ការចុះបញ្ជីសារឡើងវិញ ក្នុងប្រព័ន្ធស្វ័យប្រវត្តិកម្មត្រូវបានកំណត់ដោយប្រកាសរបស់ក្រសួងពាណិជ្ជកម្ម កាលពីឆ្នាំ២០១៥ បន្ទាប់មកក្រសួងបានចេញសេចក្ដីជូនដំណឹងទុកពេលដល់ ខែធ្នូ ឆ្នាំ២០១៧៕
Tag:
ចុះបញ្ជី
© រក្សាសិទ្ធិដោយ thmeythmey.com
