អន្តរជាតិ
×![]()
ដោយ: ថ្មីៗ
ស្ថាបនិកក្រុមហ៊ុនអាលីបាបា លោក Jack Ma អះអាងថា បដិវត្តន៍បច្ចេកវិទ្យាអាចនឹងបង្កបញ្ហាច្រើន និងអាចឈានដល់បង្កើតសង្គ្រាមលោកផង បើសិនពិភពលោកមិនយកចិត្តទុកដាក់ដោះស្រាយទេនោះ។
នាវេទិកាសេដ្ឋកិច្ចពិភពលោកឆ្នាំ ២០១៨ នៅក្នុងទីក្រុងដាវ៉ូស ប្រទេសស្វីសស្ថាបនិកនិងប្រធានប្រតិបត្តិក្រុមហ៊ុន អាលីបាបា លោក Jack Ma បានផ្តល់យោបល់ថា ការរីកចម្រើននៃបច្ចេកវិទ្យាពិតជាល្អប៉ុន្តែវាក៏បង្កើតបញ្ហាច្រើនដែរ។ លោករម្លឹកថា បដិវត្តន៍បច្ចេកវិទ្យាកន្លងមកបានបង្កើតសង្គ្រាមលោករួចហើយ។
លោក Jack Ma និយាយដូច្នេះ៖«បដិវត្តន៍បច្ចេកវិទ្យាលើកទីមួយបង្កឲ្យមានសង្គ្រាមលោកលើកទីមួយ បដិវត្តន៍លើកទីពីរបង្កើតសង្គ្រាមលោកលើកទីពីរ ហើយបច្ចុប្បន្ននេះយើងស្ថិតក្នុងបដិវត្តន៍បច្ចេកវិទ្យាលើកទីបី។ វាប្រហែលជាបង្កើតសង្គ្រាមលោកលើកទីបីដែរ»។
បើតាមសម្តីរបស់លោក Jack Ma បញ្ហាធំដែលនឹងអាចកើតឡើងដោយសារការប្រើប្រាស់បញ្ញាសិប្បនិម្មិត ឬ Artificial Intelligence (AI)ផងដែរ។
« បញ្ញាសិប្បនិម្មិត (AI) និងការវិភាគទិន្នន័យទំហំធំ (Big Data) ជាការគំរាមកំហែងមនុស្សលោក។ AI និងមនុស្សយន្តនឹងធ្វើឲ្យមនុស្សបាត់បង់ការងារច្រើន ព្រោះនៅពេលអនាគត ការងារគ្រប់យ៉ាងនឹងត្រូវបំពេញដោយមនុស្សយន្ត។ ខ្ញុំគិតថាបច្ចេកវិទ្យាទាំងនេះត្រូវគាំទ្រមនុស្ស។ បច្ចេកវិទ្យាតែងតែធ្វើអ្វីដែលជួយមនុស្សអាចបំពេញការងាររបស់ខ្លួន មិនបានរារាំងមនុស្សឡើយ»។ នេះជាការពន្យល់របស់លោក Jack Ma។
បើតាមលោកផ្ទាល់គេត្រូវដោះស្រាយបញ្ហាប្រឈម និងធ្វើយ៉ាងណាវិនិយោគក្នុងវិស័យបច្ចេកវិទ្យាដើម្បីធានាថា បច្ចេកវិទ្យានឹងធ្វើឲ្យមនុស្ស មានលទ្ធភាពខ្ពស់ និងធ្វើឲ្យជីវិតគេប្រសើរឡើង។
វាមិនមែនជាលើកទីមួយឡើយដែលស្ថាបនិកអាលីបាបារូបនេះភ្ជាប់ការរីកចម្រើននៃបច្ចេកវិទ្យាជាមួយសង្គ្រាមលោកនោះ។ លោកធ្លាប់លើកឡើងស្រដៀងគ្នាកាលពីឆ្នាំ ២០១៥ និងឆ្នាំ ២០១៧ ក្នុងបទសម្ភាសន៍ជាមួយសារព័ត៌មានអន្តរជាតិនោះ។
-សាកលភាវូបនីយកម្មមិនអាចបញ្ចប់បានឡើយ
បន្ថែមពីលើបច្ចេកវិទ្យា លោក Jack Ma ក៏ផ្តោតសំខាន់ ពាណិជ្ជកម្ម និងសាកលភាវូបនីយកម្មដែរ។ លោកបានចាត់ទុកសាកលភាវូបនីយកម្មជារឿងដែលអស្ចារ្យនិងសំខាន់បំផុតមួយសម្រាប់ពិភពលោក ហើយវាមិនអាចមិនបញ្ឈប់បានឡើយ។
អ្នកជំនួញដ៏ជោគជ័យរូបនេះបានថ្លែងថា សង្គ្រាមពាណិជ្ជកម្មជាអ្វីដែលលោកខ្លាចបំផុត ហើយកាលណាបើពាណិជ្ជកម្មលែងមានដំណើរការ សង្គ្រាមច្បាស់ជានឹងកើតឡើងមិនខាន។
«ខ្ញុំគិតថា សាកលភាវូបនីយកម្មមិនអាចបញ្ឈប់បានឡើយ ហើយគ្មានអ្នកណាអាចបញ្ឈប់ដែរ។ គ្មានអ្នកណាម្នាក់អាចបញ្ឈប់ពាណិជ្ជកម្មបានទេ។ បើសិនសិនជាពាណិជ្ជកម្មឈប់ដំណើរការ ពិភពលោកនឹងឈប់ដំណើរការដែរ ហើយសង្គ្រាមចាប់ផ្តើមឡើយ។ មានតែពាណិជ្ជកម្មប៉ុណ្ណោះដែលអាចបំបាត់សង្គ្រាមបាន មិនមែនបង្កើតសង្ក្រាមឡើយ»។ លោក Jack Ma បានសង្កត់ធ្ងន់បែបនេះ។
យ៉ាងណាក៏ដោយ លោកទទួលស្គាល់ថា សាកលភាវូបនីយកម្មពិតជាបានបង្កបញ្ហាច្រើនដែសម្រាប់ពិភពលោកក្នុងនោះមានដូចជា ក្មេងៗជាច្រើនមិនមានឱកាសទទួលបានការងារ ហើយក្រុមហ៊ុនតូចៗជាច្រើនរងគ្រោះក្ស័យធនជាដើម។ ប៉ុន្តែវាមិនមែនមានន័យថា សាកលភាវូបនីយកម្មត្រូវបញ្ចប់ដើម្បីដោះស្រាយបញ្ហាឡើយ។
លោក Jack Ma បានបន្ថែមដូច្នេះ៖ «ពាណិជ្ជកម្មសាកលត្រូវតែសាមញ្ញ និងត្រូវការធ្វើទំនើបកម្ម។ វាត្រូវតែលក្ខណៈបរិយាប័ន្នទើបមនុស្សគ្រប់គ្នាមានឱកាសដូចគ្នា។ សាកលភាវូបនីយកម្មជំនាន់ក្រោយត្រូវតែមានលក្ខណៈបរិយាប័ន្ន»៕
នាវេទិកាសេដ្ឋកិច្ចពិភពលោកឆ្នាំ ២០១៨ នៅក្នុងទីក្រុងដាវ៉ូស ប្រទេសស្វីសស្ថាបនិកនិងប្រធានប្រតិបត្តិក្រុមហ៊ុន អាលីបាបា លោក Jack Ma បានផ្តល់យោបល់ថា ការរីកចម្រើននៃបច្ចេកវិទ្យាពិតជាល្អប៉ុន្តែវាក៏បង្កើតបញ្ហាច្រើនដែរ។ លោករម្លឹកថា បដិវត្តន៍បច្ចេកវិទ្យាកន្លងមកបានបង្កើតសង្គ្រាមលោករួចហើយ។
លោក Jack Ma និយាយដូច្នេះ៖«បដិវត្តន៍បច្ចេកវិទ្យាលើកទីមួយបង្កឲ្យមានសង្គ្រាមលោកលើកទីមួយ បដិវត្តន៍លើកទីពីរបង្កើតសង្គ្រាមលោកលើកទីពីរ ហើយបច្ចុប្បន្ននេះយើងស្ថិតក្នុងបដិវត្តន៍បច្ចេកវិទ្យាលើកទីបី។ វាប្រហែលជាបង្កើតសង្គ្រាមលោកលើកទីបីដែរ»។
បើតាមសម្តីរបស់លោក Jack Ma បញ្ហាធំដែលនឹងអាចកើតឡើងដោយសារការប្រើប្រាស់បញ្ញាសិប្បនិម្មិត ឬ Artificial Intelligence (AI)ផងដែរ។
« បញ្ញាសិប្បនិម្មិត (AI) និងការវិភាគទិន្នន័យទំហំធំ (Big Data) ជាការគំរាមកំហែងមនុស្សលោក។ AI និងមនុស្សយន្តនឹងធ្វើឲ្យមនុស្សបាត់បង់ការងារច្រើន ព្រោះនៅពេលអនាគត ការងារគ្រប់យ៉ាងនឹងត្រូវបំពេញដោយមនុស្សយន្ត។ ខ្ញុំគិតថាបច្ចេកវិទ្យាទាំងនេះត្រូវគាំទ្រមនុស្ស។ បច្ចេកវិទ្យាតែងតែធ្វើអ្វីដែលជួយមនុស្សអាចបំពេញការងាររបស់ខ្លួន មិនបានរារាំងមនុស្សឡើយ»។ នេះជាការពន្យល់របស់លោក Jack Ma។
បើតាមលោកផ្ទាល់គេត្រូវដោះស្រាយបញ្ហាប្រឈម និងធ្វើយ៉ាងណាវិនិយោគក្នុងវិស័យបច្ចេកវិទ្យាដើម្បីធានាថា បច្ចេកវិទ្យានឹងធ្វើឲ្យមនុស្ស មានលទ្ធភាពខ្ពស់ និងធ្វើឲ្យជីវិតគេប្រសើរឡើង។
វាមិនមែនជាលើកទីមួយឡើយដែលស្ថាបនិកអាលីបាបារូបនេះភ្ជាប់ការរីកចម្រើននៃបច្ចេកវិទ្យាជាមួយសង្គ្រាមលោកនោះ។ លោកធ្លាប់លើកឡើងស្រដៀងគ្នាកាលពីឆ្នាំ ២០១៥ និងឆ្នាំ ២០១៧ ក្នុងបទសម្ភាសន៍ជាមួយសារព័ត៌មានអន្តរជាតិនោះ។
-សាកលភាវូបនីយកម្មមិនអាចបញ្ចប់បានឡើយ
បន្ថែមពីលើបច្ចេកវិទ្យា លោក Jack Ma ក៏ផ្តោតសំខាន់ ពាណិជ្ជកម្ម និងសាកលភាវូបនីយកម្មដែរ។ លោកបានចាត់ទុកសាកលភាវូបនីយកម្មជារឿងដែលអស្ចារ្យនិងសំខាន់បំផុតមួយសម្រាប់ពិភពលោក ហើយវាមិនអាចមិនបញ្ឈប់បានឡើយ។
អ្នកជំនួញដ៏ជោគជ័យរូបនេះបានថ្លែងថា សង្គ្រាមពាណិជ្ជកម្មជាអ្វីដែលលោកខ្លាចបំផុត ហើយកាលណាបើពាណិជ្ជកម្មលែងមានដំណើរការ សង្គ្រាមច្បាស់ជានឹងកើតឡើងមិនខាន។
«ខ្ញុំគិតថា សាកលភាវូបនីយកម្មមិនអាចបញ្ឈប់បានឡើយ ហើយគ្មានអ្នកណាអាចបញ្ឈប់ដែរ។ គ្មានអ្នកណាម្នាក់អាចបញ្ឈប់ពាណិជ្ជកម្មបានទេ។ បើសិនសិនជាពាណិជ្ជកម្មឈប់ដំណើរការ ពិភពលោកនឹងឈប់ដំណើរការដែរ ហើយសង្គ្រាមចាប់ផ្តើមឡើយ។ មានតែពាណិជ្ជកម្មប៉ុណ្ណោះដែលអាចបំបាត់សង្គ្រាមបាន មិនមែនបង្កើតសង្ក្រាមឡើយ»។ លោក Jack Ma បានសង្កត់ធ្ងន់បែបនេះ។
យ៉ាងណាក៏ដោយ លោកទទួលស្គាល់ថា សាកលភាវូបនីយកម្មពិតជាបានបង្កបញ្ហាច្រើនដែសម្រាប់ពិភពលោកក្នុងនោះមានដូចជា ក្មេងៗជាច្រើនមិនមានឱកាសទទួលបានការងារ ហើយក្រុមហ៊ុនតូចៗជាច្រើនរងគ្រោះក្ស័យធនជាដើម។ ប៉ុន្តែវាមិនមែនមានន័យថា សាកលភាវូបនីយកម្មត្រូវបញ្ចប់ដើម្បីដោះស្រាយបញ្ហាឡើយ។
លោក Jack Ma បានបន្ថែមដូច្នេះ៖ «ពាណិជ្ជកម្មសាកលត្រូវតែសាមញ្ញ និងត្រូវការធ្វើទំនើបកម្ម។ វាត្រូវតែលក្ខណៈបរិយាប័ន្នទើបមនុស្សគ្រប់គ្នាមានឱកាសដូចគ្នា។ សាកលភាវូបនីយកម្មជំនាន់ក្រោយត្រូវតែមានលក្ខណៈបរិយាប័ន្ន»៕
Tag:
Jack Ma
បដិវត្តន៍បច្ចេកវិទ្យា
សាកលភាវូបនីយកម្ម
© រក្សាសិទ្ធិដោយ thmeythmey.com
