អន្តរជាតិ
អង្គការសហប្រជាជាតិ ថា ជនភៀសខ្លួនដែលត្រូវបញ្ជូនទៅមីយ៉ាន់ម៉ាវិញមិនមានសុវត្ថិភាពឡើយ
រូបភាព៖ Xinhua
×![]()
វិបត្តិជនភៀសខ្លួនរបស់មីយ៉ាន់ម៉ា ស្ទើរតែត្រូវបានបំភ្លេចទៅហើយនៅលើឆាកអន្តរជាតិ ។ ក៏ប៉ុន្តែអង្គការសហប្រជាជាតិ នៅតែបន្តឈឺឆ្អាល ហើយថ្មីៗនេះអង្គការអន្តររដ្ឋាភិបាលនេះថែមទាំងព្រមានថា ផែនការបញ្ជូនជនភៀសខ្លួននៅបង់ក្លាដែសទៅកាន់មីយ៉ាន់ម៉ាវិញ នៅមិនទាន់មានសុវត្ថិភាពពេញលេញឡើយ ។
អ្នកនាំពាក្យភ្នាក់ងារអង្គសហប្រជាជាតិទទួលបន្ទុកជនភៀសខ្លួន Adrian Edwards នៅថ្ងៃ ២៣ ខែមករា បានអះអាងថា គម្រោងបញ្ជូនជនភៀសខ្លួនរ៉ូហ៊ីងយ៉ាទៅមីយ៉ាន់ម៉ាវិញ នៅខ្វះធាតុផ្សំដែលចំបាច់មួយចំនួន។ ភ្នាក់ងារទទួលបន្ទុកជនភៀសខ្លួនក៏បានស្នើមីយ៉ាន់ម៉ាជាថ្មីឲ្យធានាពីសុវត្ថិភាព និងការស្មគ្រ័របស់ជនភៀសខ្លួន ក៏ដូចជាអនុញ្ញាតឲ្យក្រុមមនុស្សធម៌ និងស្ថាប័នពាក់ព័ន្ធអាចចូលទៅកាន់តំបន់មានជម្លោះនៅរដ្ឋ Rakine ផង ។
តាមរយៈសន្និសីទសារព័ត៌មានក្នុងក្រុងហ្សឺណែវ អ្នកនាំពាក្យដដែល បានបន្តទៀតថា ការអនុញ្ញាតឲ្យក្រុមការងារពាក់ព័ន្ធអាចចូលទៅកាន់តំបន់ជម្លោះបាននោះ នឹងផ្តល់លទ្ធភាពឲ្យមានការវាយតម្លៃ និងស្វែងយល់ពីស្ថានភាពពិត ដែលឈានទៅដល់ការបង្កើតគោលនយោបាយមាននិរន្តភាព។ ជាពិសេសនោះ វានឹងជួយផ្តល់សុវត្ថិភាពដល់ពួកគេផងដែរ ។
អ្នកនាំពាក្យដដែលក៏បានទទូចឲ្យរដ្ឋាភិបាលមីយ៉ាន់ម៉ាអនុវត្តឲ្យបានពេញលេញពីអនុសាសន៍របស់អ្នកប្រឹក្សាអង្គការសហប្រជាជាតិ ដែលជាដំណោះស្រាយរយៈពេលវែងនៅក្នុងតំបន់ជម្លោះរដ្ឋ Rakhine ។ អនុសាសន៍ ដែលដឹកនាំ និងធ្វើដោយអតីតអគ្គលេខាធិការអង្គការសហប្រជាជាតិ លោក កូហ្វី អាណាន់ បានណែនាំឲ្យមីយ៉ាន់ម៉ា ផ្តល់សញ្ជាតិ និងភាពជាប្រជាជនស្របច្បាប់ដល់ជនភៀសខ្លួន ដើម្បីធានាថាពួកគេ នឹងមិនទទួលរងការរើសអើងជាដើម ។
សូមរម្លឹកបន្តិចថា នៅថ្ងៃ១៦ មករា កន្លងទៅ ក្រសួងការបរទេសមីយ៉ាន់ម៉ា បានប្រកាសថា ខ្លួននឹងត្រៀមរៀបចំទទួលជនភៀសខ្លួនពីបង់ក្លាដែសចំនួន ១២០០នាក់ ដែលជាជនជាតិហិណ្ឌូផង និងរ៉ូហ៊ីងយ៉ាផង។ ពួកគេ គឺជាជនភៀសខ្លួនដំបូងដែលត្រូវបានរដ្ឋាភិបាលប្រទេសទាំងពីររៀបចំឲ្យត្រឡប់មកមីយ៉ាន់ម៉ាវិញ ៕
អ្នកនាំពាក្យភ្នាក់ងារអង្គសហប្រជាជាតិទទួលបន្ទុកជនភៀសខ្លួន Adrian Edwards នៅថ្ងៃ ២៣ ខែមករា បានអះអាងថា គម្រោងបញ្ជូនជនភៀសខ្លួនរ៉ូហ៊ីងយ៉ាទៅមីយ៉ាន់ម៉ាវិញ នៅខ្វះធាតុផ្សំដែលចំបាច់មួយចំនួន។ ភ្នាក់ងារទទួលបន្ទុកជនភៀសខ្លួនក៏បានស្នើមីយ៉ាន់ម៉ាជាថ្មីឲ្យធានាពីសុវត្ថិភាព និងការស្មគ្រ័របស់ជនភៀសខ្លួន ក៏ដូចជាអនុញ្ញាតឲ្យក្រុមមនុស្សធម៌ និងស្ថាប័នពាក់ព័ន្ធអាចចូលទៅកាន់តំបន់មានជម្លោះនៅរដ្ឋ Rakine ផង ។
តាមរយៈសន្និសីទសារព័ត៌មានក្នុងក្រុងហ្សឺណែវ អ្នកនាំពាក្យដដែល បានបន្តទៀតថា ការអនុញ្ញាតឲ្យក្រុមការងារពាក់ព័ន្ធអាចចូលទៅកាន់តំបន់ជម្លោះបាននោះ នឹងផ្តល់លទ្ធភាពឲ្យមានការវាយតម្លៃ និងស្វែងយល់ពីស្ថានភាពពិត ដែលឈានទៅដល់ការបង្កើតគោលនយោបាយមាននិរន្តភាព។ ជាពិសេសនោះ វានឹងជួយផ្តល់សុវត្ថិភាពដល់ពួកគេផងដែរ ។
អ្នកនាំពាក្យដដែលក៏បានទទូចឲ្យរដ្ឋាភិបាលមីយ៉ាន់ម៉ាអនុវត្តឲ្យបានពេញលេញពីអនុសាសន៍របស់អ្នកប្រឹក្សាអង្គការសហប្រជាជាតិ ដែលជាដំណោះស្រាយរយៈពេលវែងនៅក្នុងតំបន់ជម្លោះរដ្ឋ Rakhine ។ អនុសាសន៍ ដែលដឹកនាំ និងធ្វើដោយអតីតអគ្គលេខាធិការអង្គការសហប្រជាជាតិ លោក កូហ្វី អាណាន់ បានណែនាំឲ្យមីយ៉ាន់ម៉ា ផ្តល់សញ្ជាតិ និងភាពជាប្រជាជនស្របច្បាប់ដល់ជនភៀសខ្លួន ដើម្បីធានាថាពួកគេ នឹងមិនទទួលរងការរើសអើងជាដើម ។
សូមរម្លឹកបន្តិចថា នៅថ្ងៃ១៦ មករា កន្លងទៅ ក្រសួងការបរទេសមីយ៉ាន់ម៉ា បានប្រកាសថា ខ្លួននឹងត្រៀមរៀបចំទទួលជនភៀសខ្លួនពីបង់ក្លាដែសចំនួន ១២០០នាក់ ដែលជាជនជាតិហិណ្ឌូផង និងរ៉ូហ៊ីងយ៉ាផង។ ពួកគេ គឺជាជនភៀសខ្លួនដំបូងដែលត្រូវបានរដ្ឋាភិបាលប្រទេសទាំងពីររៀបចំឲ្យត្រឡប់មកមីយ៉ាន់ម៉ាវិញ ៕
Tag:
មីយ៉ាន់ម៉ា
អាស៊ាន
រ៉ូហ៊ីងយ៉ា
© រក្សាសិទ្ធិដោយ thmeythmey.com
