អន្តរជាតិ
បង់ក្លាដែសសុំការគាំទ្រពីបងធំអាស៊ានរឿងជនភៀសខ្លួនរ៉ូហ៊ីងយ៉ា ខណៈកំពុងជួបបញ្ហាច្រើន
ប្រធានាធិបតីបង់ក្លាដែស Md Abdul Hamid ជួបពិភាក្សាជាមួយសមភាគីឥណ្ឌូណេស៊ី Joko Widodo (រូបភាព៖ Dhaka Tribune)
×![]()
រដ្ឋាភិបាលបង់ក្លាដែស បានសុំការគាំទ្របន្ថែមពី ឥណ្ឌូណេស៊ី ពាក់ព័ន្ធនឹងការបញ្ជូនជនភៀសខ្លួនរ៉ូហ៊ីងយ៉ាទៅមីយ៉ាន់ម៉ាដើម្បីឲ្យពួកគេ អាចទទួលបានការធានាសុវត្ថិភាព កិត្តិយស និងនិរន្តភាពក្នុងការវិលត្រលប់ទៅកាន់រដ្ឋ Rakhine របស់មីយ៉ាន់ម៉ាវិញ ។ សំណើនេះ ធ្វើឡើងស្របពេលដែលបង់ក្លាដែស ក៏កំពុងតែមានរឿងថ្នាំងថ្នាក់ខ្លះជាមួយនឹងមីយ៉ា់ន់ម៉ាលើបញ្ហានេះផងដែរ ។
បន្ថែមពីការស្វែងរកកិច្ចសហប្រតិបត្តិការសេដ្ឋកិច្ច ជាមួយនឹងបងធំអាស៊ានឥណ្ឌូណេស៊ី បង់ក្លាដែស នៅថ្ងៃ២៧ មករា បានសុំការជ្រោមជ្រែងពីឥណ្ឌូណេស៊ីពាក់ព័ន្ធនឹងបញ្ហាជនភៀសខ្លួនរ៉ូហ៊ីងយ៉ាទៅមីយ៉ាន់ម៉ាវិញ ។ បង់ក្លាដែស ចង់ឲ្យឥណ្ឌូណេស៊ី ចូលរួមចំណែកក្នុងនីតិវិធីបញ្ជូនជនភៀសខ្លួនទៅមីយ៉ាន់ម៉ាដើម្បីធ្វើឲ្យការវិលត្រលប់របស់ជនភៀសខ្លួនដំណើរទៅដោយមិនមានបញ្ហា ។
តាមការចុះផ្សាយរបស់សារព័ត៌មានបង់ក្លាដែស Dakha Tribune នាជំនួបជាមួយនឹងប្រធានាធិបតីឥណ្ឌូណេស៊ី Joko Widodo ដែលកំពុងបំពេញទស្សនកិច្ចផ្លូវការនៅបង់ក្លាដែស លោកប្រធានាធិបតី Md Abdul Hamid បានឲ្យដឹងថា បច្ចុប្បន្ន បង់ក្លាដែស បានទទួលរាប់រងក្នុងការផ្តល់លំនៅបណ្តោះសម្រាប់ជនភៀសខ្លួនមកពីមីយ៉ាន់ម៉ាជាងមួយលាននាក់ឯណោះ ហើយមានបញ្ហាជាច្រើន ដែលបង់ក្លាដែស បានប្រឈមក្នុងការទទួលខុសត្រូវមនុស្សធម៌មួយនេះ ។
អ្វីគួរកត់សម្គាល់នោះ ការសុំការគាំទ្ររបស់រដ្ឋាភិបាលក្រុងដាហ្កាពីរដ្ឋាភិបាលក្រុងហ្សាការតា ធ្វើឡើងបន្ទាប់ពី រដ្ឋាភិបាលមួយនេះ បានប្រកាសពន្យាពេលក្នុងការបញ្ជូនជនភៀសខ្លួនទៅមីយ៉ាន់ម៉ាវិញ ដោយបានមើលឃើញថា មានកិច្ចការជាច្រើនផ្សេងទៀត ត្រូវបានបំពេញ និងធានាឲ្យបាន មុនពេលបញ្ជូនជនភៀសខ្លួនទៅប្រភពដើមពួកគេវិញ ។
ការពន្យាររបស់បង់ក្លាដែសលើនីតិវិធីនៃការបញ្ជូនជនភៀសខ្លួននេះ បានបង្កើតរឿងថ្នាក់ថ្នាំងជាមួយនឹងរដ្ឋាភិបាលមីយ៉ាន់ម៉ា ដ្បិត មីយ៉ាន់ម៉ា ដែលកន្លងមក ទទួលបានការថ្កោលទោស និងរិះគន់ខ្លាំងពាក់ព័ន្ធនឹងរឿងសិទ្ធិមនុស្ស បានបញ្ជាក់ថាខ្លួន បានរៀបចំ និងត្រៀមខ្លួនរួចស្រេចហើយនោះសម្រាប់ការទទួលជនភៀសខ្លួន ឲ្យត្រលប់មកប្រទេសវិញនោះ ៕
បន្ថែមពីការស្វែងរកកិច្ចសហប្រតិបត្តិការសេដ្ឋកិច្ច ជាមួយនឹងបងធំអាស៊ានឥណ្ឌូណេស៊ី បង់ក្លាដែស នៅថ្ងៃ២៧ មករា បានសុំការជ្រោមជ្រែងពីឥណ្ឌូណេស៊ីពាក់ព័ន្ធនឹងបញ្ហាជនភៀសខ្លួនរ៉ូហ៊ីងយ៉ាទៅមីយ៉ាន់ម៉ាវិញ ។ បង់ក្លាដែស ចង់ឲ្យឥណ្ឌូណេស៊ី ចូលរួមចំណែកក្នុងនីតិវិធីបញ្ជូនជនភៀសខ្លួនទៅមីយ៉ាន់ម៉ាដើម្បីធ្វើឲ្យការវិលត្រលប់របស់ជនភៀសខ្លួនដំណើរទៅដោយមិនមានបញ្ហា ។
តាមការចុះផ្សាយរបស់សារព័ត៌មានបង់ក្លាដែស Dakha Tribune នាជំនួបជាមួយនឹងប្រធានាធិបតីឥណ្ឌូណេស៊ី Joko Widodo ដែលកំពុងបំពេញទស្សនកិច្ចផ្លូវការនៅបង់ក្លាដែស លោកប្រធានាធិបតី Md Abdul Hamid បានឲ្យដឹងថា បច្ចុប្បន្ន បង់ក្លាដែស បានទទួលរាប់រងក្នុងការផ្តល់លំនៅបណ្តោះសម្រាប់ជនភៀសខ្លួនមកពីមីយ៉ាន់ម៉ាជាងមួយលាននាក់ឯណោះ ហើយមានបញ្ហាជាច្រើន ដែលបង់ក្លាដែស បានប្រឈមក្នុងការទទួលខុសត្រូវមនុស្សធម៌មួយនេះ ។
អ្វីគួរកត់សម្គាល់នោះ ការសុំការគាំទ្ររបស់រដ្ឋាភិបាលក្រុងដាហ្កាពីរដ្ឋាភិបាលក្រុងហ្សាការតា ធ្វើឡើងបន្ទាប់ពី រដ្ឋាភិបាលមួយនេះ បានប្រកាសពន្យាពេលក្នុងការបញ្ជូនជនភៀសខ្លួនទៅមីយ៉ាន់ម៉ាវិញ ដោយបានមើលឃើញថា មានកិច្ចការជាច្រើនផ្សេងទៀត ត្រូវបានបំពេញ និងធានាឲ្យបាន មុនពេលបញ្ជូនជនភៀសខ្លួនទៅប្រភពដើមពួកគេវិញ ។
ការពន្យាររបស់បង់ក្លាដែសលើនីតិវិធីនៃការបញ្ជូនជនភៀសខ្លួននេះ បានបង្កើតរឿងថ្នាក់ថ្នាំងជាមួយនឹងរដ្ឋាភិបាលមីយ៉ាន់ម៉ា ដ្បិត មីយ៉ាន់ម៉ា ដែលកន្លងមក ទទួលបានការថ្កោលទោស និងរិះគន់ខ្លាំងពាក់ព័ន្ធនឹងរឿងសិទ្ធិមនុស្ស បានបញ្ជាក់ថាខ្លួន បានរៀបចំ និងត្រៀមខ្លួនរួចស្រេចហើយនោះសម្រាប់ការទទួលជនភៀសខ្លួន ឲ្យត្រលប់មកប្រទេសវិញនោះ ៕
Tag:
បង់ក្លាដែស
ឥណ្ឌូណេស៊ី
© រក្សាសិទ្ធិដោយ thmeythmey.com
