ជាតិ
×![]()
ដោយ: ថ្មីៗ
សៀមរាប៖ ក្រុមមគ្គុទ្ទេសក៍ភាសាចិន ដែលមានតំណាងលោក ធៀម ធឿន បានប្រគល់កុលាលភាជន៍បុរាណច្រើនបំណែក ដល់អាជ្ញាធរជាតិអប្សរា។ ពិធីនេះធ្វើឡើងនៅសារមន្ទីរព្រះនរោត្តម សីហនុ-អង្គរ ដែលបានតម្កល់រាល់វត្ថុបុរាណដែលរកឃើញនៅក្នុងរមណីយដ្ឋានអង្គរ។
បំណែកនៃកុលាលភាជន៍ ដែលក្រុមមគ្គុទ្ទេសក៍ ប្រគល់ជូនដល់អាជ្ញាធរជាតិអប្សរា រួមមានដូចជា ថូ បំណែកក្រឡ រួមនិងបំណែកល្អិតៗមួយចំនួនទៀត។
លោក ធៀម ធឿន តំណាងក្រុមមគ្គុទ្ទេសក៍ទេសចរណ៍ភាសាចិន បានឱ្យដឹងថា បំណែកកុលាលភាជន៍ទាំងនេះ គឺត្រូវបានប្រជាពលរដ្ឋរស់នៅភូមិវាល ឃុំគោកចក បានប្រទះឃើញដោយចែដន្យពេលដែលជីកដីក្នុងភូមិ អំឡុងខែកក្កដា ឆ្នាំ២០១៧។ លោកបន្ថែមថា ពលរដ្ឋនោះបានប្រគល់កុលាលភាជន៍ទាំងនេះមកដល់លោក មុនពេលលោកយកមកប្រគល់ដល់អាជ្ញាធរជាតិអប្សរា៥ថ្ងៃ និងដោយសារដឹងពីគុណប្រយោជន៍ និងចង់ឱ្យវត្ថុដ៏មានតម្លៃនេះនៅកន្លែងមានសុវត្ថិភាព ដើម្បីរក្សាទុកនៅក្នុងសារមន្ទីរ។
ប្រធានការិយាល័យសិក្សាកុលាកភាជន៍នៃមជ្ឈមណ្ឌលអន្តរជាតិ ស្រាវជ្រាវ និងតម្កល់ឯកសារអង្គរ លោក ឆាយ រចនា ដែលបានទទួលកុលាលភាជន៍ នៅថ្ងៃទី២៦ ខែមករា បានលើកឡើងថា វត្ថុទាំងនេះមានអាយុកាល២សម័យកាលផ្សេងគ្នា គឺខ្លះនៅសម័យអង្គរ និងក្រោយអង្គរ។ លោកបន្ថែមថា កុលាលភាជន៍ដែលទទួលបាននៅពេលនេះ គឺប្រភេទកុលាលភាជន៍ខ្មែរ និងបំណែកខ្លះជាកុលាលភាជន៍ចិន។ លោកបន្ថែមទៀតថា ក្រៅពីចេះផលិតខ្លួនឯង ខ្មែរនៅសម័យបុរាណក៏បាននាំចូលពីស្រុកចិនដែរ ដើម្បីប្រើប្រាស់សម្រាប់ពិធីសាសនា និងបម្រើជីវភាពប្រចាំថ្ងៃ៕
បំណែកនៃកុលាលភាជន៍ ដែលក្រុមមគ្គុទ្ទេសក៍ ប្រគល់ជូនដល់អាជ្ញាធរជាតិអប្សរា រួមមានដូចជា ថូ បំណែកក្រឡ រួមនិងបំណែកល្អិតៗមួយចំនួនទៀត។
លោក ធៀម ធឿន តំណាងក្រុមមគ្គុទ្ទេសក៍ទេសចរណ៍ភាសាចិន បានឱ្យដឹងថា បំណែកកុលាលភាជន៍ទាំងនេះ គឺត្រូវបានប្រជាពលរដ្ឋរស់នៅភូមិវាល ឃុំគោកចក បានប្រទះឃើញដោយចែដន្យពេលដែលជីកដីក្នុងភូមិ អំឡុងខែកក្កដា ឆ្នាំ២០១៧។ លោកបន្ថែមថា ពលរដ្ឋនោះបានប្រគល់កុលាលភាជន៍ទាំងនេះមកដល់លោក មុនពេលលោកយកមកប្រគល់ដល់អាជ្ញាធរជាតិអប្សរា៥ថ្ងៃ និងដោយសារដឹងពីគុណប្រយោជន៍ និងចង់ឱ្យវត្ថុដ៏មានតម្លៃនេះនៅកន្លែងមានសុវត្ថិភាព ដើម្បីរក្សាទុកនៅក្នុងសារមន្ទីរ។
ប្រធានការិយាល័យសិក្សាកុលាកភាជន៍នៃមជ្ឈមណ្ឌលអន្តរជាតិ ស្រាវជ្រាវ និងតម្កល់ឯកសារអង្គរ លោក ឆាយ រចនា ដែលបានទទួលកុលាលភាជន៍ នៅថ្ងៃទី២៦ ខែមករា បានលើកឡើងថា វត្ថុទាំងនេះមានអាយុកាល២សម័យកាលផ្សេងគ្នា គឺខ្លះនៅសម័យអង្គរ និងក្រោយអង្គរ។ លោកបន្ថែមថា កុលាលភាជន៍ដែលទទួលបាននៅពេលនេះ គឺប្រភេទកុលាលភាជន៍ខ្មែរ និងបំណែកខ្លះជាកុលាលភាជន៍ចិន។ លោកបន្ថែមទៀតថា ក្រៅពីចេះផលិតខ្លួនឯង ខ្មែរនៅសម័យបុរាណក៏បាននាំចូលពីស្រុកចិនដែរ ដើម្បីប្រើប្រាស់សម្រាប់ពិធីសាសនា និងបម្រើជីវភាពប្រចាំថ្ងៃ៕
Tag:
កុលាលភាជន៍
© រក្សាសិទ្ធិដោយ thmeythmey.com
