អន្តរជាតិ
អាហ្វ្រិកទាត់ចោលការចោទប្រកាន់របស់បារាំងថា ចិនលួចស៊ើបការណ៍លើសហភាពអាហ្វ្រិក
×![]()
មេដឹកនាំសហភាពអាហ្វ្រិកនាំគ្នាទាត់ចោលការចោទប្រកាន់របស់សារព័ត៌មានបារាំងដែលថា ចិនបានលួចស៊ើបការណ៍នៅទីស្នាក់ការសហភាពអាហ្វ្រិកតាំងពីឆ្នាំ ២០១២មកនោះ។ មេដឹកនាំទាំងនោះអះអាងថា ចិនជាមិត្តល្អ និងជាដៃគូយុទ្ធសាស្ត្រគ្រប់ជ្រុងជ្រោយជាមួយអាហ្វ្រិក ហើយវាគ្មានហេតុផលណាដែលចិនធ្វើបែបនោះឡើយ។
ថ្មីៗនេះ កាសែតបារាំង Le Monde បានចេញផ្សាយថា រដ្ឋាភិបាលចិនបានលួចស៊ើបការណ៍លើទីស្នាក់ការសហភាពអាហ្វ្រិកនៅក្នុងទីក្រុងអាឌីស អាបាបា ប្រទេសអេត្យូពីតាំងពីឆ្នាំ ២០១២ពោលគឺចាប់ពីអាគារនេះត្រូវបានដាក់សម្ពោធឲ្យដំណើរការជាផ្លូវការក្រោមជំនួយចិន។
យ៉ាងណាក៏ដោយ មេដឹកនាំសហភាពអាហ្វ្រិកបាននាំគ្នាចេញមុខទាត់ចោលការចោទប្រកាន់ពីសំណាក់កាសែតបារាំងលើរដ្ឋាភិបាលចិននេះនាថ្ងៃអង្គារទី ៣០ ខែមករានេះ។ មេដឹកនាំអេត្យូពីបានអះអាងថា វាគ្មានហេតុផលអ្វីដែលចិនត្រូវលួចស៊ើបការណ៍លើស្ថាប័នអាហ្វ្រិកឡើយ ខណៈដែលចិនជាមិត្តនិងដៃគូយុទ្ធសាស្ត្ររបស់អាហ្វ្រិកនោះ។
ទីភ្នាក់ងារព័ត៌មាន Xinhua បានស្រង់សម្តីនាយករដ្ឋមន្ត្រីអេត្យូពី Hailemariam Desalegn នៅក្រៅកិច្ចប្រជុំកំពូលសហភាពអាហ្វ្រិកលើកទី៣០ដូច្នេះ៖ «វាគ្មានអ្វីដែលត្រូវលួចស៊ើបយកការណ៍ឡើយព្រោះសម្ព័ន្ធភាពរវាងចិន និងអាហ្វ្រិកគឺស្ថិតក្នុងកម្រិយយុទ្ធសាស្ត្រ និងគ្រប់ជ្រុងជ្រោយ»។
ចំណែកប្រធានគណៈកម្មការអាហ្វ្រិកលោក Moussa Faki បានថ្លែងក្នុងសន្និសីទសារព័ត៌មាន ពេលបញ្ចប់កិច្ចប្រជុំកំពូលខាងលើបានអះអាងថា វាគ្មានភស្តុតាងណាដែលបង្ហាញថាអាគារសហភាពអាហ្វ្រិកត្រូវបានគេលួចស៊ើបការណ៍ឡើយ។
ក្រៅពីនេះ ឯកអគ្គរដ្ឋទូតចិនប្រចាំសហភាពអឺរ៉ុបលោក Kuang Weilin បានហៅការចោទប្រកាន់លើចិនថាជារឿងឆ្កួតឡប់ និងប្រឌិតឡើងសុទ្ធសាធ។ លោកបានរម្លឹកឡើងវិញថា អាគារទីស្នាក់ការសហភាពអាហ្វ្រិកជាអំណោយរបស់ប្រជាជនចិន ហើយវាជានិមិត្តសញ្ញានៃមិត្តភាព និងការគាំទ្ររបស់ចិនចំពោះទ្វីបអាហ្វ្រិកដូចគ្នា។
បន្ថែមពីលើការរិះគន់លោក Kuang ក៏បានចោទសួរពីចេតនារបស់កាសែតបារាំងផងដែរដែលបញ្ចប់របាយការណ៍នេះត្រឹមមួយថ្ងៃប៉ុណ្ណោះមុនកិច្ចប្រជុំកំពូលសហភាពអាហ្វ្រិកចាប់ផ្តើមនោះ។
«ខ្ញុំពិតជាឆ្ងល់ពីចេតនាពិតប្រាកដរបស់សារព័ត៌មានបារាំង។ ខ្ញុំគិតថា វានឹងធ្វើឲ្យប៉ះពាល់ និងផ្ញើសារអវិជ្ជមានទៅប្រជាជន ហើយវាបង្ហាញរូបភាពមិនល្អរបស់កាសែតខ្លួនឯងដូចគ្នា»។ នេះជាការបញ្ជាក់របស់លោក Kuang៕
ថ្មីៗនេះ កាសែតបារាំង Le Monde បានចេញផ្សាយថា រដ្ឋាភិបាលចិនបានលួចស៊ើបការណ៍លើទីស្នាក់ការសហភាពអាហ្វ្រិកនៅក្នុងទីក្រុងអាឌីស អាបាបា ប្រទេសអេត្យូពីតាំងពីឆ្នាំ ២០១២ពោលគឺចាប់ពីអាគារនេះត្រូវបានដាក់សម្ពោធឲ្យដំណើរការជាផ្លូវការក្រោមជំនួយចិន។
យ៉ាងណាក៏ដោយ មេដឹកនាំសហភាពអាហ្វ្រិកបាននាំគ្នាចេញមុខទាត់ចោលការចោទប្រកាន់ពីសំណាក់កាសែតបារាំងលើរដ្ឋាភិបាលចិននេះនាថ្ងៃអង្គារទី ៣០ ខែមករានេះ។ មេដឹកនាំអេត្យូពីបានអះអាងថា វាគ្មានហេតុផលអ្វីដែលចិនត្រូវលួចស៊ើបការណ៍លើស្ថាប័នអាហ្វ្រិកឡើយ ខណៈដែលចិនជាមិត្តនិងដៃគូយុទ្ធសាស្ត្ររបស់អាហ្វ្រិកនោះ។
ទីភ្នាក់ងារព័ត៌មាន Xinhua បានស្រង់សម្តីនាយករដ្ឋមន្ត្រីអេត្យូពី Hailemariam Desalegn នៅក្រៅកិច្ចប្រជុំកំពូលសហភាពអាហ្វ្រិកលើកទី៣០ដូច្នេះ៖ «វាគ្មានអ្វីដែលត្រូវលួចស៊ើបយកការណ៍ឡើយព្រោះសម្ព័ន្ធភាពរវាងចិន និងអាហ្វ្រិកគឺស្ថិតក្នុងកម្រិយយុទ្ធសាស្ត្រ និងគ្រប់ជ្រុងជ្រោយ»។
ចំណែកប្រធានគណៈកម្មការអាហ្វ្រិកលោក Moussa Faki បានថ្លែងក្នុងសន្និសីទសារព័ត៌មាន ពេលបញ្ចប់កិច្ចប្រជុំកំពូលខាងលើបានអះអាងថា វាគ្មានភស្តុតាងណាដែលបង្ហាញថាអាគារសហភាពអាហ្វ្រិកត្រូវបានគេលួចស៊ើបការណ៍ឡើយ។
ក្រៅពីនេះ ឯកអគ្គរដ្ឋទូតចិនប្រចាំសហភាពអឺរ៉ុបលោក Kuang Weilin បានហៅការចោទប្រកាន់លើចិនថាជារឿងឆ្កួតឡប់ និងប្រឌិតឡើងសុទ្ធសាធ។ លោកបានរម្លឹកឡើងវិញថា អាគារទីស្នាក់ការសហភាពអាហ្វ្រិកជាអំណោយរបស់ប្រជាជនចិន ហើយវាជានិមិត្តសញ្ញានៃមិត្តភាព និងការគាំទ្ររបស់ចិនចំពោះទ្វីបអាហ្វ្រិកដូចគ្នា។
បន្ថែមពីលើការរិះគន់លោក Kuang ក៏បានចោទសួរពីចេតនារបស់កាសែតបារាំងផងដែរដែលបញ្ចប់របាយការណ៍នេះត្រឹមមួយថ្ងៃប៉ុណ្ណោះមុនកិច្ចប្រជុំកំពូលសហភាពអាហ្វ្រិកចាប់ផ្តើមនោះ។
«ខ្ញុំពិតជាឆ្ងល់ពីចេតនាពិតប្រាកដរបស់សារព័ត៌មានបារាំង។ ខ្ញុំគិតថា វានឹងធ្វើឲ្យប៉ះពាល់ និងផ្ញើសារអវិជ្ជមានទៅប្រជាជន ហើយវាបង្ហាញរូបភាពមិនល្អរបស់កាសែតខ្លួនឯងដូចគ្នា»។ នេះជាការបញ្ជាក់របស់លោក Kuang៕
Tag:
សហភាពអាហ្វ្រិក
បារាំង
ចិន
Le Monde
© រក្សាសិទ្ធិដោយ thmeythmey.com
