ក្រសួងអនុវត្តគម្រោងទី២នៅក្រុងបាត់ដំបង នៃគម្រោងអភិវឌ្ឍន៍សេដ្ឋកិច្ចក្រុងរបៀងខាងត្បូង

ជាតិ

សេដ្ឋកិច្ច

ក្រសួងអនុវត្តគម្រោងទី២នៅក្រុងបាត់ដំបង នៃគម្រោងអភិវឌ្ឍន៍សេដ្ឋកិច្ចក្រុងរបៀងខាងត្បូង

31, Jan 2018 , 9:19 am

រូបភាព

រូបពីក្រសួងសាធារណការ និងដឹកជញ្ជូន

ដោយ:

ភ្នំពេញ៖ ក្រសួងសាធារណការ និងដឹកជញ្ជូន នៅថ្ងៃទី៣០ខែមករានេះ បានចុះកិច្ចសន្យាផ្ដល់សិទ្ធិឲ្យក្រុមហ៊ុន Beijing urban construction group អនុវត្តគម្រោងសាងសង់ប្រព័ន្ធលូ នៅក្រុងបាត់ដំបង ខេត្តបាត់ដំបង់ តម្លៃជាង ៩លានដុល្លារ។

នេះជាគម្រោងទី២ ក្នុងចំណោមគម្រោងចំនួន ៦នៅកម្ពុជា ដែលស្ថិតក្រោមគម្រោងអភិវឌ្ឍន៍សេដ្ឋកិច្ចក្រុងរបៀងខាងត្បូង។ គម្រោងទាំងនេះ ទទួលបានប្រាក់កម្ចីសម្បទានសរុបចំនួន ៤៤លានដុល្លារពីធនាគារអភិវឌ្ឍន៍ជនបទ (ADB)។ ហើយគម្រោងទាំងនេះត្រូវអនុវត្តនៅក្រុងបាវិត ក្រុងបាត់ដំបង និងក្រុងប៉ោយបែត។ នេះបើតាមលោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។

គម្រោងស្ថាបនាបណ្ដាញលូនៅក្រុងបាត់ដំបងនេះ ប្រើប្រាស់ថវិកាជាង ៩លានដុល្លារអាមេរិក លើចម្ងាយ ១៥គីឡូម៉ែត្រ និងត្រូវប្រើរយៈពេល ១៨ខែដើម្បីបញ្ចប់៕