ជាតិ
×![]()
ភ្នំពេញ៖ កម្ពុជា និងប្រទេសថៃ បានចុះអនុស្សារណៈនៃការយោគយល់គ្នា (MOU) ស្ដីពីកិច្ចសហប្រតិបត្តិការក្នុងការគ្រប់គ្រងតំបន់ការពារធម្មជាតិ និងអភិរក្សជីវៈចម្រុះឆ្លងដែន នៅថ្ងៃទី៣១ខែមករា។ នេះបើតាមសេចក្ដីប្រកាសព័ត៌មានរបស់ក្រសួងបរិស្ថាន។
អនុស្សារណៈនេះ ត្រូវបានចុះហត្ថលេខារវាងអគ្គនាយកដ្ឋានរដ្ឋបាលការពារ និងអភិរក្សធម្មជាតិ នៃក្រសួងបរិស្ថាន និងនាយកដ្ឋានអភិរក្សឧទ្យានជាតិ សត្វព្រៃ និងរុក្ខជាតិ (DNP) នៃក្រសួងធនធានធម្មជាតិ និងបរិស្ថានប្រទេសថៃ។ រដ្ឋមន្ត្រីក្រសួងបរស្ថានប្រទេសទាំងពីរ បានធ្វើជាអធិបតីក្នុងពិធីចុះអនុស្សារណៈនេះ។
បើតាមសេចក្ដីប្រកាសព័ត៌មានខាងលើ ការចុះអនុស្សារណៈនេះ នឹងនាំទៅរកកិច្ចសហប្រតិបត្តិការល្អរវាងប្រទេសទាំងពីរ ក្នុងការគ្រប់គ្រងតំបន់ការពារធម្មជាតិ និងអភិរក្សជីវៈចម្រុះឆ្លងដែន នាពេលបច្ចុប្បន្ន និងអនាគត៕
© រក្សាសិទ្ធិដោយ thmeythmey.com
