ជាតិ
WCS បារម្ភពីសុវត្ថិភាពអ្នកការពារសត្វព្រៃ និងព្រៃឈើ ក្រោយមនុស្ស៣នាក់ត្រូវបានបាញ់សម្លាប់
អ្នកទាំងបី ដែលត្រូវគេបាញ់សម្លាប់ រូបភាពពីអង្គការ WCS
×![]()
ភ្នំពេញ៖ ក្រោយការបាញ់សម្លាប់ ក្រុមអភិរក្សព្រៃឈើចំនួន បីនាក់ នៅដែនជម្រកសត្វព្រែកែវសីមា អង្គការសមាគមអភិរក្សសត្វព្រៃនៅកម្ពុជា (WCS) បានចេញសេចក្ដីថ្លែងការណ៍មួយ ដោយបង្ហាញក្តីបារម្ភពីបញ្ហាសុវត្ថិភាពរបស់មន្ត្រីឧទ្យានុរក្ស និងក្រុមអនុវត្តច្បាប់ ដែលបានប្រថុយជីវិតរបស់ខ្លួន ក្នុងការការពារសត្វព្រៃ និងព្រៃឈើ។
តាមរយៈសេចក្ដីថ្លែងការណ៍ ដែលធ្វើឡើងនៅព្រឹកថ្ងៃទី ០២ ខែកុម្ភៈ ឆ្នាំ២០១៨ លោក កើន សេរីរដ្ឋា នាយកអង្គការ WCS បានសម្ដែងការសោកស្ដាយ និងចូលរួមរំលែកទុក្ខដល់ក្រុមគ្រួសាររបស់អ្នកអភិរក្សព្រៃឈើទាំងបីនាក់ ដែលត្រូវបានជនប្រដាប់អាវុធ បាញ់សម្លាប់នៅពេលចុះបំពេញការងារដើរល្បាតព្រៃក្បែរព្រំប្រទល់កម្ពុជា និងវៀតណាម។
អង្គការសមាគមអភិរក្សសត្វព្រៃនៅកម្ពុជា (WCS) បានបញ្ជាក់ក្នុងសេចក្ដីថ្លែងការណ៍ យ៉ាងដូច្នេះថា៖«ជារៀងរាល់ថ្ងៃ មន្ត្រីឧទ្យានុរក្ស និងក្រុមអនុវត្តច្បាប់ បានប្រថុយជីវិតរបស់ខ្លួនដើម្បីការពារសត្វព្រៃ និងព្រៃឈើ។ យើងមិនត្រូវអនុញ្ញាតឲ្យឧក្រិដ្ឋជនកាប់បំផ្លាញព្រៃនៅកម្ពុជា គំរាមកំហែង និងបាញ់សម្លាប់អ្នកការពារសម្បត្តិធម្មជាតិ កើតឡើងជាថ្មីម្តងទៀតឡើយ»។
ផ្អែកតាមសេចក្ដីថ្លែងការណ៍ខាងលើដដែល អង្គការសមាគមអភិរក្សសត្វព្រៃនៅកម្ពុជា បានរៀបរាប់ពីសកម្មភាពការងាររបស់អ្នកអភិរក្សព្រៃឈើទាំងបី ដែលបានបំពេញការងារជាមួយអង្គការWCS នាពេលកន្លងមក។ ទាក់ទងនឹងការបាញ់សម្លាប់មន្ត្រីអាវុធហត្ថ មន្ត្រីក្រសួងបរិស្ថាន និងបុគ្គលិកអង្គការ WCSនេះ អង្គការ WCS នឹងបន្តគាំទ្រដល់រដ្ឋាភិបាលកម្ពុជា និងសហគមន៍ដែគូ ដើម្បីរួមគ្នាបញ្ឈប់ការកាប់ឆ្កាដីព្រៃ ការកាប់ព្រៃឈើ និងបរបាញ់សត្វព្រៃខុសច្បាប់ ព្រមទាំងស្វែងរកយុត្តិធម៌ជូនជនរងគ្រោះ និងក្រុមគ្រួសារ។
អ្នកអភិរក្សព្រៃឈើទាំងបីនាក់ ត្រូវបានបាញ់សម្លាប់ នៅម្តុំប៉ុស្តិ៍អូររលែ ដែលស្ថិតក្នុងឃុំសែនមនោរម្យ ស្រុកអូររាំង ខេត្តមណ្ឌលគិរី កាលពីថ្ងៃទី ៣០ ខែមករា កន្លងទៅ គឺលោក សេក វឌ្ឍនា មន្ត្រីអាវុធហត្ថលើផ្ទៃប្រទេស លោក តឺន សុខណៃ មន្ដ្រីឧទ្យានុរក្សរបស់ក្រសួងបរិស្ថាន និងលោក ថុល ខ្នា បុគ្គលិកអង្គការសមាគមអភិរក្សសត្វព្រៃ (WCS )។
លោក សេក វឌ្ឍនា មន្រ្តីអាវុធហត្ថ រូបភាពពីអង្គការ WCS
លោក តឺន សុខណៃ មន្រ្តីឧទ្យានុរក្សរបស់ក្រសួងបរិស្ថាន រូបភាពពីអង្គការWCS
លោក ថុល ខ្នា បុគ្គលិកអង្គការWCS រូបភាពពីអង្គការ WCS
មកដល់ពេលនេះ ជនសង្ស័យម្នាក់ឈ្មោះ ផល ពេញ ដែលជានាយនគរបាលប៉ុស្តិ៍អូររលែ ត្រូវបានចាប់ខ្លួន។ លោកឧត្តមសេនីយ៍ត្រី សូ សុវណ្ណ ស្នងការរងនៃខេត្តមណ្ឌលគីរី បានប្រាប់ Fresh News ថា ជនសង្ស័យរូបនេះ បានសារភាពហើយថា ខ្លួន បានបាញ់សម្លាប់ជនរងគ្រោះទាំងបីនាក់ ដោយសារតែការទាស់ទែងគ្នា៕
តាមរយៈសេចក្ដីថ្លែងការណ៍ ដែលធ្វើឡើងនៅព្រឹកថ្ងៃទី ០២ ខែកុម្ភៈ ឆ្នាំ២០១៨ លោក កើន សេរីរដ្ឋា នាយកអង្គការ WCS បានសម្ដែងការសោកស្ដាយ និងចូលរួមរំលែកទុក្ខដល់ក្រុមគ្រួសាររបស់អ្នកអភិរក្សព្រៃឈើទាំងបីនាក់ ដែលត្រូវបានជនប្រដាប់អាវុធ បាញ់សម្លាប់នៅពេលចុះបំពេញការងារដើរល្បាតព្រៃក្បែរព្រំប្រទល់កម្ពុជា និងវៀតណាម។
អង្គការសមាគមអភិរក្សសត្វព្រៃនៅកម្ពុជា (WCS) បានបញ្ជាក់ក្នុងសេចក្ដីថ្លែងការណ៍ យ៉ាងដូច្នេះថា៖«ជារៀងរាល់ថ្ងៃ មន្ត្រីឧទ្យានុរក្ស និងក្រុមអនុវត្តច្បាប់ បានប្រថុយជីវិតរបស់ខ្លួនដើម្បីការពារសត្វព្រៃ និងព្រៃឈើ។ យើងមិនត្រូវអនុញ្ញាតឲ្យឧក្រិដ្ឋជនកាប់បំផ្លាញព្រៃនៅកម្ពុជា គំរាមកំហែង និងបាញ់សម្លាប់អ្នកការពារសម្បត្តិធម្មជាតិ កើតឡើងជាថ្មីម្តងទៀតឡើយ»។
ផ្អែកតាមសេចក្ដីថ្លែងការណ៍ខាងលើដដែល អង្គការសមាគមអភិរក្សសត្វព្រៃនៅកម្ពុជា បានរៀបរាប់ពីសកម្មភាពការងាររបស់អ្នកអភិរក្សព្រៃឈើទាំងបី ដែលបានបំពេញការងារជាមួយអង្គការWCS នាពេលកន្លងមក។ ទាក់ទងនឹងការបាញ់សម្លាប់មន្ត្រីអាវុធហត្ថ មន្ត្រីក្រសួងបរិស្ថាន និងបុគ្គលិកអង្គការ WCSនេះ អង្គការ WCS នឹងបន្តគាំទ្រដល់រដ្ឋាភិបាលកម្ពុជា និងសហគមន៍ដែគូ ដើម្បីរួមគ្នាបញ្ឈប់ការកាប់ឆ្កាដីព្រៃ ការកាប់ព្រៃឈើ និងបរបាញ់សត្វព្រៃខុសច្បាប់ ព្រមទាំងស្វែងរកយុត្តិធម៌ជូនជនរងគ្រោះ និងក្រុមគ្រួសារ។
អ្នកអភិរក្សព្រៃឈើទាំងបីនាក់ ត្រូវបានបាញ់សម្លាប់ នៅម្តុំប៉ុស្តិ៍អូររលែ ដែលស្ថិតក្នុងឃុំសែនមនោរម្យ ស្រុកអូររាំង ខេត្តមណ្ឌលគិរី កាលពីថ្ងៃទី ៣០ ខែមករា កន្លងទៅ គឺលោក សេក វឌ្ឍនា មន្ត្រីអាវុធហត្ថលើផ្ទៃប្រទេស លោក តឺន សុខណៃ មន្ដ្រីឧទ្យានុរក្សរបស់ក្រសួងបរិស្ថាន និងលោក ថុល ខ្នា បុគ្គលិកអង្គការសមាគមអភិរក្សសត្វព្រៃ (WCS )។
លោក សេក វឌ្ឍនា មន្រ្តីអាវុធហត្ថ រូបភាពពីអង្គការ WCS
លោក តឺន សុខណៃ មន្រ្តីឧទ្យានុរក្សរបស់ក្រសួងបរិស្ថាន រូបភាពពីអង្គការWCS
លោក ថុល ខ្នា បុគ្គលិកអង្គការWCS រូបភាពពីអង្គការ WCS
មកដល់ពេលនេះ ជនសង្ស័យម្នាក់ឈ្មោះ ផល ពេញ ដែលជានាយនគរបាលប៉ុស្តិ៍អូររលែ ត្រូវបានចាប់ខ្លួន។ លោកឧត្តមសេនីយ៍ត្រី សូ សុវណ្ណ ស្នងការរងនៃខេត្តមណ្ឌលគីរី បានប្រាប់ Fresh News ថា ជនសង្ស័យរូបនេះ បានសារភាពហើយថា ខ្លួន បានបាញ់សម្លាប់ជនរងគ្រោះទាំងបីនាក់ ដោយសារតែការទាស់ទែងគ្នា៕
Tag:
WCS
មណ្ឌលគិរី
បាញ់សម្លាប់
ដែនជម្រកសត្វព្រៃកែវសីមា
© រក្សាសិទ្ធិដោយ thmeythmey.com
