ជាតិ
WJP៖ នីតិរដ្ឋនៅកម្ពុជាជាប់ចំណាត់ថ្នាក់ទី១១២លើ១១៣
× នីតិរដ្ឋនៅកម្ពុជាមានចំណាត់ថ្នាក់លើវេណេស៊ុយអេឡាតែប៉ុណ្ណោះក្នុងចំណោម១១៣ប្រទេសលើពិភពលោក។ នេះបើតាមសន្ទស្សន៍ស្តីពីនីតិរដ្ឋ (Rule of Law Index) របស់គម្រោងយុត្តិធម៌ពិភពលោក (World Justice Project) សម្រាប់ឆ្នាំ២០១៧-២០១៨ ។
សន្ទស្សន៍ស្តីពីនីតិរដ្ឋ (Rule of Law Index) របស់គម្រោងយុត្តិធម៌ពិភពលោក (WJP) ប្រចាំឆ្នាំ២០១៧-២០១៨ បានសិក្សាលើប្រទេសចំនួន១១៣លើពិភពលោក។ ការសិក្សាផ្តោតលើចំណុចសំខាន់ចំនួន៨ ដែលរួមមាន អំណាចរដ្ឋាភិបាល អវត្តមាននៃអំពើពុករលួយ រដ្ឋាភិបាលបើកចំហរ សិទ្ធិជាមូលដ្ឋាន សណ្តាប់ធ្នាប់និងសន្តិសុខ ការអនុវត្តបទបញ្ញត្តិ យុត្តិធម៌ស៊ីវិល និងយុត្តិធម៌ព្រហ្មទណ្ឌ។
សន្ទស្សន៍ស្តីពីនីតិរដ្ឋរបស់ WJP បង្ហាញថា ដាណឺម៉ាកមានពិន្ទុល្អជាងគេ បន្ទាប់មកមាន ន័រវេស ហ្វាំងឡង់ ស៊ុយអែត ហូឡង់ អាល្លឺម៉ង់ នូវែលសេឡង់ អូទ្រីស កាណាដា និងអូស្ត្រាលី។ សិង្ហបុរី ស្ថិតនៅលេខ១៣ សហរដ្ឋអាមេរិកស្ថិតនៅលេខ១៩។
កម្ពុជាស្ថិតនៅចំណាត់ថ្នាក់លេខ១១២ ដោយឈរពីលើវេណេស៊ុយអេឡា តែមួយប៉ុណ្ណោះ។ ខណៈអ៊ូហ្គង់ដា ប៉ាគីស្ថាន បូលីវី អេក្យូពី ស៊ីមបាវ៉េ កាមេរូន អេហ្ស៊ីប និងអាហ្វហ្គានីស្ថាន បែរជាត្រូវបាន WJP វាយតម្លៃឃើញថា មានចំណាត់ថ្នាក់គ្រាន់បើជាងកម្ពុជា៕
Tag:
នីតិរដ្ឋ
Rule of Law Index
© រក្សាសិទ្ធិដោយ thmeythmey.com