ជាតិ
ពលករខ្មែរ ១៨នាក់ ត្រូវបានជួយសង្គ្រោះ និងបញ្ជូនមកកម្ពុជាវិញ
× ឯកអគ្គរាជទូត និងអគ្គកុងស៊ុលកម្ពុជាប្រចាំនៅបរទេសចំនួន បានជួយអន្តរាគមសង្គ្រោះពលករ-ពលការិនីខ្មែរ ១៨នាក់ បញ្ជូនមកកម្ពុជាវិញ ។ នេះបើតាមសេចក្ដីប្រកាសព័ត៌មាន ក្រសួងការបរទសកម្ពុជា ថ្ងៃទី៨ ខែកុម្ភៈ ឆ្នាំ២០១៨។
សេចក្ដីប្រកាសព័ត៌មានខាងលើបានបន្តថា ក្នុងចំណោមពលករទាំង ១៨នាក់នេះ មានពលករ៦នាក់បម្រើការងារនៅប្រទេសម៉ាឡេស៊ី ៦នាក់ ,ពលករ៩នាក់ចូលទៅស្នាក់នៅនិងប្រកបរបរលក់ឆ្នោតនៅប្រទេសវៀតណាម និងស្ត្រី ៣នាក់ ចាញ់បោកមេខ្យល់ទៅប្រទេសចិន ក្នុងស្ថានភាពរស់នៅដោយខុសច្បាប់។ ពលករខ្មែរទាំងនេះ ត្រូវបានឯកអគ្គរាជទូត និងអគ្គកុងស៊ុលកម្ពុជា ជួយសង្គ្រោះនិងបញ្ជូនមកកម្ពុជាវិញ ជាបន្តបន្ទាប់តាំងពីថ្ងៃទី២ ដល់៨ ខែកុម្ភៈនេះ៕
© រក្សាសិទ្ធិដោយ thmeythmey.com