កីឡាជាតិ
ជាតិ
អ្នកជំនាញ៖ ការហ្វឹកហាត់កាយសម្បទាមានឧបករណ៍ជំនួយជោគជ័យជាងការហ្វឹកហាត់ធម្មតា
×![]()
គ្រូបង្វឹកជនជាតិថៃជំនាញខាងផ្នែកកាយសម្បទា លោក Kamonchai Rattanadechakul ដែលមានបទពិសោធបង្វឹកជាង១០ឆ្នាំបានអះអាងថា ការហ្វឹកហាត់កាយសម្បទាមានប្រើប្រាស់ឧបករណ៍ជំនួយមានលក្ខណៈប្រសើរជាងការហ្វឹកហាត់គ្មានប្រើប្រាស់ឧបករណ៍។ ការអះអាងបែបនេះ ធ្វើឡើងពេលលោកចែករំលែកបទពិសោធពីរបៀបហ្វឹកហាត់ដោយប្រើឧបករណ៍ដល់យុវជននិងគ្រូបង្វឹកកាលពីថ្ងៃទី១០ កុម្ភៈ នៅតារាងបាល់ទាត់ប្ល៊ូស្ពត(Blue Sports)។
ការហ្វឹកហាត់បាត់ទាត់ផ្នែកកាយសម្បទាដោយមានប្រើឧបករណ៍ជំនួយ នឹងជួយឲ្យកីឡាករមានកាយសម្បទារឹងមាំ មានល្បឿនលឿន អំណត់ និងរហ័សរហួន។ នេះជាការអះអាងរបស់អ្នកជំនាញជនជាតិថៃ គឺលោក Kamonchai Rattanadechakul ដែលមានបទពិសោធបង្វឹក១៥ឆ្នាំខាងផ្នែកកាយសម្បទា។
«ប្រាកដណាស់ការហ្វឹកហាត់មូលដ្ឋានដំបូងយើងចាប់ផ្តើមជាមួយដោយគ្មានឧបករណ៍ជំនួយក៏យើងធ្វើបាន តែប្រសិនបើយើងហ្វឹកហាត់ដោយមានឧបករណ៍ជំនួយ វានឹងធ្វើឲ្យយើងកាន់តែខ្លាំងនិងជោគជ័យជាងមុន។ ឧទាហរណ៍ ឧបករណ៍ខ្សែក្រវាត់យឺត ប្រសិនបើយើងរត់ធម្មតាមានន័យថាយើងប្រើកាយសម្បទាទាំងស្រុង តែបើមានឧបករណ៍នេះវាជួយទាញយើងកាន់តែតឹង នឹងធ្វើឲ្យរត់កាន់តែលឿន និងរហ័យរហួនជាមុន»។ នេះជាការបញ្ជាក់របស់គ្រូជំនាញកាយសម្បទាខាងលើ។
លោកបានបន្ថែមថា៖«យើងដឹងហើយថា ពីមួយឆ្នាំទៅមួយឆ្នាំការហ្វឹកហាត់ផ្នែកកាយសម្បទាតែងតែមានលក្ខណៈខុសៗគ្នា។ អ្វីដែលល្អយើងគួរតែណែនាំកីឡាករយើងពីរបៀបហ្វឹកហាត់ថ្មីដល់ពួកគេ បច្ចុប្បន្នមានឧបករណ៍ទំនើបៗដែលអាចជួយជំរុញដល់ការហ្វឹកហាត់របស់កីឡាករ ដែលអាចទទួលបានជោគជ័យឆាប់រហ័យ និងប្រសើរជាងមុន»។
នាពិធីចែករំលែកបទពិសោធពីរបៀបកំដៅសាច់ដុំត្រៀមមុនការប្រកួតនិងអំឡុងការប្រកួតនៅទីលានប្ល៊ូស្ពតកាលពីព្រឹកថ្ងៃទី១០ កុម្ភៈ គ្រូកាយសម្បទារបស់ Fitness Innovations Limited រូបនេះបាននិយាយថា បណ្តាក្លិបល្បីៗនៅប្រទេសថៃ និងលើពិភពលោកក៏ប្រើប្រាស់ឧបករណ៍ជំនួយក្នុងការហ្វឹកហាត់ដែរ។ លោកជឿជាក់ថា ប្រសិនបើតាមបណ្តាក្លិបនៅកម្ពុជាប្រើប្រាស់ឧបករណ៍ជំនួយដល់ការហ្វឹកហាត់ នឹងទទួលបានទម្រង់លេងដ៏ប្លែកមួយជាក់ជាមិនខាន៕
Tag:
បាល់ទាត់
Kamonchai Rattanadechakul
© រក្សាសិទ្ធិដោយ thmeythmey.com
