អន្តរជាតិ
រូបភាព៖ AFP
×![]()
ដោយ: តន ចាន់រិទ្ធារ៉ា
នៅថ្ងៃទី១២ ខែកុម្ភៈ សន្និសីទអន្តរជាតិស្ដីពីការកសាងអ៊ីរ៉ាក់ បានចាប់ផ្ដើមនៅឯគុយវ៉ែត។ សន្និសីទអន្តរជាតិនេះមានគោលដៅគៀងគរទឹកប្រាក់ដើម្បីអភិវឌ្ឍអ៊ីរ៉ាក់ឡើងវិញ ក្រោយខ្ទេចខ្ទីក្នុងសង្គ្រាមប្រឆាំងភេរវកម្មរបស់អាមេរិក និងជម្លោះក្នុងស្រុក។ បណ្ដាប្រទេសមានសេដ្ឋកិច្ចរីកចម្រើន និងអង្គការអន្តរជាតិធំៗបានចូលរួមក្នុងសន្និសីទនេះ ខណៈអ៊ីរ៉ាក់នឹងដាក់បង្ហាញគម្រោងអាទិភាព និងសក្តានុពលរបស់ខ្លួនដើម្បីទាក់ទាញអ្នកវិនិយោគបរទេស។
ក្រោយការបាក់ទ័ពរបស់សកម្មជនក្រុមរដ្ឋឥស្លាម ពេលវេលាសាងសង់អ៊ីរ៉ាក់ឡើងវិញបានចាប់ផ្ដើម។ នៅថ្ងៃទី១២ ខែកុម្ភៈ គុយវ៉ែត បានដឹកនាំសន្និសីទអន្តរជាតិដ៏ធំមួយ ដែលធ្វើឡើងរយៈពេលបីថ្ងៃ ដើម្បីប្រមូលទឹកប្រាក់ដើម្បីកសាងអ៊ីរ៉ាក់ដែលខ្ទេចខ្ទាំ។ សន្និសីទអន្តរជាតិនេះមានអ៊ីរ៉ាក់ អឺរ៉ុប ធនាគារពិភពលោក និងអង្គការសហប្រជាជាតិ ជាសហប្រធាន និងបញ្ចប់ទៅវិញនៅថ្ងៃទី១៤ ខែកុម្ភៈ ជាមួយនឹងការប្រកាសពីទឹកប្រាក់ដែលប្រមូលបាន។
តាមរយៈសន្និសីទនេះ ប្រទេសមានសេដ្ឋកិច្ចជឿនលឿនមកពីជុំវិញពិភពលោក ប្រទេសក្នុងតំបន់ អង្គការអន្តរជាតិនានា នឹងពិភាក្សាលើការគៀងគរថវិកាសម្រាប់អ៊ីរ៉ាក់ដូចជាគម្រោងអភិវឌ្ឍ និងការទាក់ទាញក្រុមហ៊ុនបរទេស។ សន្និសីទនេះនឹងផ្ដោតលើអូសទាញក្រុមហ៊ុនឯកជនឲ្យចូលរួមក្នុងការសាងសង់អ៊ីរ៉ាក់ផងដែរ។ ធនាគារពិភពលោកនឹងផ្ដល់ការធានាពីការចាំបាច់នានាសម្រាប់ការវិនិយោគដល់ក្រុមហ៊ុនទាំងនោះ។
បើតាមសារព័ត៌មានគុយវ៉ែត Arab Times ប្រតិភូអ៊ីរ៉ាក់មានរបៀបវារៈអាទិភាពចំនួនបី គឺការសាងសង់ឡើងវិញ និងការវិនិយោគ ការគាំទ្រស្ថិរភាពក្នុងប្រទេស និងជំរុញការរួមរស់ដោយសន្តិសហវិជ្ជមានក្នុងចំណោមសហគមន៍ផ្សេងគ្នារបស់អ៊ីរ៉ាក់។ ការដកថយរបស់ក្រុមរដ្ឋឥស្លាម ក្លាយជាឱកាសសម្រាប់ការកសាងប្រទេសឡើងវិញ ខណៈដែលប្រជាជនអ៊ីរ៉ាក់ផ្ទាល់កំពុងទន្ទឹងចាំជំនួយរបស់អន្តរជាតិដើម្បីស្ថាបនាហេដ្ឋារចនាសម្ព័ន្ធចាំបាច់សម្រាប់ពង្រឹងសេដ្ឋកិច្ច។
នៅថ្ងៃទីមួយ សន្និសីទនេះនឹងពិភាក្សាវាយតម្លៃការខូចខាតដោយសារសង្គ្រាម និងបញ្ហាត្រូវដោះស្រាយ ក៏ដូចជាគម្រោងនានាដែលគាំទ្រស្ថិរភាព និងការផ្សះផ្សាជាតិ។ ថ្ងៃទីពីរ ប្រទេស និងអង្គការទាំងឡាយ នឹងជជែកលើដំណើការបង្កើតបរិយាកាសស្ថិរភាពសម្រាប់ការវិនិយោគ ជាពិសេសការបង្ហាញគម្រោងចំនួន២១២ ដើម្បីលើកស្ទួយសេដ្ឋកិច្ចអ៊ីរ៉ាក់។ ឯថ្ងៃចុងក្រោយ សហប្រធានសន្និសីទនឹងប្រកាសពីចំនួនទឹកប្រាក់ដែលប្រមូលបាន។
ក្រុងបាក់ដាតសង្ឃឹមថា ខ្លួននឹងប្រមូលទឹកប្រាក់រាប់ពាន់លានដុល្លារពីសន្និសីទនេះ ទាំងក្រោមក្របខណ្ឌជំនួយ និងការវិនិយោគពីបរទេសនេះ។ ដើម្បីសាងសង់ប្រទេសឡើងវិញ អ៊ីរ៉ាក់ពិតជាត្រូវការទឹកប្រាក់ច្រើន ដ្បិតហេដ្ឋារចនាសម្ព័ន្ធត្រូវបានបំផ្លាញក្នុងសង្គ្រាមរបស់អាមេរិក និងបន្តមកក្នុងយុទ្ធនាការបោសសម្អាតក្រុមរដ្ឋឥស្លាម។ នាយករដ្ឋមន្ត្រីអ៊ីរ៉ាក់ Haider al-Abadi ធ្លាប់និយាយថា អ៊ីរ៉ាក់ត្រូវការទឹកប្រាក់ដល់ទៅ១០០ពាន់លានដុល្លារដើម្បីសាងសង់ប្រទេសឡើងវិញ៕
ក្រោយការបាក់ទ័ពរបស់សកម្មជនក្រុមរដ្ឋឥស្លាម ពេលវេលាសាងសង់អ៊ីរ៉ាក់ឡើងវិញបានចាប់ផ្ដើម។ នៅថ្ងៃទី១២ ខែកុម្ភៈ គុយវ៉ែត បានដឹកនាំសន្និសីទអន្តរជាតិដ៏ធំមួយ ដែលធ្វើឡើងរយៈពេលបីថ្ងៃ ដើម្បីប្រមូលទឹកប្រាក់ដើម្បីកសាងអ៊ីរ៉ាក់ដែលខ្ទេចខ្ទាំ។ សន្និសីទអន្តរជាតិនេះមានអ៊ីរ៉ាក់ អឺរ៉ុប ធនាគារពិភពលោក និងអង្គការសហប្រជាជាតិ ជាសហប្រធាន និងបញ្ចប់ទៅវិញនៅថ្ងៃទី១៤ ខែកុម្ភៈ ជាមួយនឹងការប្រកាសពីទឹកប្រាក់ដែលប្រមូលបាន។
តាមរយៈសន្និសីទនេះ ប្រទេសមានសេដ្ឋកិច្ចជឿនលឿនមកពីជុំវិញពិភពលោក ប្រទេសក្នុងតំបន់ អង្គការអន្តរជាតិនានា នឹងពិភាក្សាលើការគៀងគរថវិកាសម្រាប់អ៊ីរ៉ាក់ដូចជាគម្រោងអភិវឌ្ឍ និងការទាក់ទាញក្រុមហ៊ុនបរទេស។ សន្និសីទនេះនឹងផ្ដោតលើអូសទាញក្រុមហ៊ុនឯកជនឲ្យចូលរួមក្នុងការសាងសង់អ៊ីរ៉ាក់ផងដែរ។ ធនាគារពិភពលោកនឹងផ្ដល់ការធានាពីការចាំបាច់នានាសម្រាប់ការវិនិយោគដល់ក្រុមហ៊ុនទាំងនោះ។
បើតាមសារព័ត៌មានគុយវ៉ែត Arab Times ប្រតិភូអ៊ីរ៉ាក់មានរបៀបវារៈអាទិភាពចំនួនបី គឺការសាងសង់ឡើងវិញ និងការវិនិយោគ ការគាំទ្រស្ថិរភាពក្នុងប្រទេស និងជំរុញការរួមរស់ដោយសន្តិសហវិជ្ជមានក្នុងចំណោមសហគមន៍ផ្សេងគ្នារបស់អ៊ីរ៉ាក់។ ការដកថយរបស់ក្រុមរដ្ឋឥស្លាម ក្លាយជាឱកាសសម្រាប់ការកសាងប្រទេសឡើងវិញ ខណៈដែលប្រជាជនអ៊ីរ៉ាក់ផ្ទាល់កំពុងទន្ទឹងចាំជំនួយរបស់អន្តរជាតិដើម្បីស្ថាបនាហេដ្ឋារចនាសម្ព័ន្ធចាំបាច់សម្រាប់ពង្រឹងសេដ្ឋកិច្ច។
នៅថ្ងៃទីមួយ សន្និសីទនេះនឹងពិភាក្សាវាយតម្លៃការខូចខាតដោយសារសង្គ្រាម និងបញ្ហាត្រូវដោះស្រាយ ក៏ដូចជាគម្រោងនានាដែលគាំទ្រស្ថិរភាព និងការផ្សះផ្សាជាតិ។ ថ្ងៃទីពីរ ប្រទេស និងអង្គការទាំងឡាយ នឹងជជែកលើដំណើការបង្កើតបរិយាកាសស្ថិរភាពសម្រាប់ការវិនិយោគ ជាពិសេសការបង្ហាញគម្រោងចំនួន២១២ ដើម្បីលើកស្ទួយសេដ្ឋកិច្ចអ៊ីរ៉ាក់។ ឯថ្ងៃចុងក្រោយ សហប្រធានសន្និសីទនឹងប្រកាសពីចំនួនទឹកប្រាក់ដែលប្រមូលបាន។
ក្រុងបាក់ដាតសង្ឃឹមថា ខ្លួននឹងប្រមូលទឹកប្រាក់រាប់ពាន់លានដុល្លារពីសន្និសីទនេះ ទាំងក្រោមក្របខណ្ឌជំនួយ និងការវិនិយោគពីបរទេសនេះ។ ដើម្បីសាងសង់ប្រទេសឡើងវិញ អ៊ីរ៉ាក់ពិតជាត្រូវការទឹកប្រាក់ច្រើន ដ្បិតហេដ្ឋារចនាសម្ព័ន្ធត្រូវបានបំផ្លាញក្នុងសង្គ្រាមរបស់អាមេរិក និងបន្តមកក្នុងយុទ្ធនាការបោសសម្អាតក្រុមរដ្ឋឥស្លាម។ នាយករដ្ឋមន្ត្រីអ៊ីរ៉ាក់ Haider al-Abadi ធ្លាប់និយាយថា អ៊ីរ៉ាក់ត្រូវការទឹកប្រាក់ដល់ទៅ១០០ពាន់លានដុល្លារដើម្បីសាងសង់ប្រទេសឡើងវិញ៕
Tag:
គុយវ៉ែត
អ៊ីរ៉ាក់
អាមេរិក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
