អន្តរជាតិ
ហ្វីលីពីនសម្លឹងឃើញអាវុធរុស្ស៊ីនិងចិន ក្រោយលែងទិញឧទ្ធម្ភាគចក្រកាណាដា
ឧទ្ធម្ភាគចក្រធុន Bell 412 (រូបភាព៖ Xinhua)
×![]()
ដោយ: តន ចាន់រិទ្ធារ៉ា
កាលពីចុងសប្ដាហ៍មុន ប្រធានាធិបតីហ្វីលីពីន រ៉ូឌ្រីហ្គោ ឌូទើតេ បានប្រកាសលុបចោលកិច្ចព្រមព្រៀងទិញឧទ្ធម្ភាគចក្រពីកាណាដា បន្ទាប់ពីរដ្ឋាភិបាលក្រុងអូតាវ៉ាសម្រេចចិត្តត្រួតពិនិត្យសំណុំរឿងរំលោភសិទ្ធិមនុស្សរបស់លោក ឌូទើតេ ។ នៅថ្ងៃទី១២ ខែកុម្ភៈ រដ្ឋមន្ត្រីការពារជាតិហ្វីលីពីន Delfin Lorenzana និយាយថា ហ្វីលីពីននឹងទិញឧទ្ធម្ភាគចក្រប្រទេសផ្សេងដើម្បីប្រើជំនួសផលិតផលរបស់កាណាដា។
រដ្ឋមន្ត្រីការពារជាតិហ្វីលីពីន Delfin Lorenzana នៅថ្ងៃទី១២ ខែកុម្ភៈ និយាយថា ក្រសួងរបស់លោកកំពុងរៀបចំលិខិតលុបចោលកិច្ចព្រមព្រៀងទិញឧទ្ធម្ភាគចក្រពីកាណាដា ក្រោយលោកប្រធានាធិបតី រ៉ូឌ្រីហ្គោ ឌូទើតេ ចេញបញ្ជាឲ្យលុបចោលនោះ។ កិច្ចព្រមព្រៀងទិញឧទ្ធម្ភាគចក្រចំនួន១៦គ្រឿង តម្លៃ២៣៥លានដុល្លារ ត្រូវលោក ឌូទើតេ ប្រកាសលុបចោល ក្រោយខឹងសម្បារនឹងការសម្រេចចិត្តរបស់កាណាដាក្នុងការត្រួតពិនិត្យស្ថានភាពសិទ្ធិមនុស្សនៅហ្វីលីពីន។
នៅពេលនេះ ក្រសួងការពារជាតិហ្វីលីពីនកំពុងស្វែងរកឧទ្ធម្ភាគចក្រថ្មីពីប្រទេសផ្សេងដើម្បីប្រើប្រាស់ជំនួសវិញ។ បើតាមសារព័ត៌មាន Rappler លោក Lorenzana បញ្ជាក់ថា ហ្វីលីពីនសម្លឹងឃើញឧទ្ធម្ភាគចក្រធុនមធ្យមរបស់រុស្ស៊ី ចិន កូរ៉េខាងត្បូង និងតួកគី។ រដ្ឋមន្ត្រីរូបនេះអះអាងដែរថា ការលុបចោលកិច្ចព្រមព្រៀងជាមួយកាណាដា ប៉ះពាល់ទំនើបកម្មយោធា ព្រោះត្រូវចំណាយពេលរកផលិតផលថ្មី។
តាមពិតទៅ កិច្ចព្រមព្រៀងទិញឧទ្ធម្ភាគចក្រចំនួន១៦គ្រឿងនោះ ត្រូវបានរដ្ឋាភិបាលក្រុងអូតាវ៉ា និងក្រុងម៉ានីលឯកភាពកាលពីសប្ដាហ៍មុន។ ប៉ុន្តែរដ្ឋាភិបាលនាយករដ្ឋមន្ត្រី ចាស្ទីន ទ្រូដូ បែរជាប្រកាសពិនិត្យកិច្ចព្រមព្រៀងនេះសិនព្រោះពាក់ព័ន្ធករណីរំលោភសិទ្ធិមនុស្សរបស់លោក ឌូទើតេ ដែលកំពុងរងបណ្ដឹងនៅតុលាការព្រហ្មទណ្ឌអន្តរជាតិ។ ក្រុមហ៊ុន Bell Helicopter និយាយថា ឧទ្ធម្ភាគចក្រនេះ នឹងត្រូវប្រើក្នុងគោលដៅមនុស្សធម៌ និងដឹកជញ្ជូនប៉ុណ្ណោះ។
យ៉ាងណាមិញ ក្រុងម៉ានីល លើកឡើងថា ឧទ្ធម្ភាគចក្រនេះអាចប្រើប្រាស់ក្នុងប្រតិបត្តិការប្រឆាំងភេរវកម្ម ខណៈដែលយោធាហ្វីលីពីនកំពុងធ្វើយុទ្ធនាការបោសសម្អាតក្រុមឧទ្ទាមកុម្មុយនីស្ត និងក្រុមភេរវករនៅភាគខាងត្បូងប្រទេស។ ត្រង់ចំណុចនេះ លោក ឌូទើតេ បញ្ជាក់ថា ការប្រើប្រាស់ឧទ្ធម្ភាគចក្រក្នុងប្រតិបត្តិការយោធា ជារឿងមិនអាចចៀសបានឡើយ ព្រោះលោកត្រូវការវាដើម្បីកម្ទេចក្រុមជ្រុលនិយម។
នៅពេលប្រកាសលុបចោលកិច្ចព្រមព្រៀង លោក ឌូទើតេ បានចាត់ទុកការសម្រេចចិត្តរបស់លោក ទ្រូដូ ជាការបំពានកិច្ចការផ្ទៃក្នុងរបស់ហ្វីលីពីន ហើយក៏បញ្ជាឲ្យឈប់ទិញអាវុធទៅទៀត។ «ឈប់ទិញអាវុធពីកាណាដា និងអាមេរិកទៀត ព្រោះតែងតែមានលក្ខខណ្ឌជាប់ជានិច្ច។ ប្រសិនបើមិនអាចប្រើកម្ទេចភេរវករបាន ខ្ញុំមានតែប្រគល់រដ្ឋាភិបាលទៅឲ្យពួកគេ»។ នេះជាសម្ដីបង្គាប់ បែបមិនពេញចិត្តរបស់ប្រធានាធិបតីហ្វីលីពីន៕
រដ្ឋមន្ត្រីការពារជាតិហ្វីលីពីន Delfin Lorenzana នៅថ្ងៃទី១២ ខែកុម្ភៈ និយាយថា ក្រសួងរបស់លោកកំពុងរៀបចំលិខិតលុបចោលកិច្ចព្រមព្រៀងទិញឧទ្ធម្ភាគចក្រពីកាណាដា ក្រោយលោកប្រធានាធិបតី រ៉ូឌ្រីហ្គោ ឌូទើតេ ចេញបញ្ជាឲ្យលុបចោលនោះ។ កិច្ចព្រមព្រៀងទិញឧទ្ធម្ភាគចក្រចំនួន១៦គ្រឿង តម្លៃ២៣៥លានដុល្លារ ត្រូវលោក ឌូទើតេ ប្រកាសលុបចោល ក្រោយខឹងសម្បារនឹងការសម្រេចចិត្តរបស់កាណាដាក្នុងការត្រួតពិនិត្យស្ថានភាពសិទ្ធិមនុស្សនៅហ្វីលីពីន។
នៅពេលនេះ ក្រសួងការពារជាតិហ្វីលីពីនកំពុងស្វែងរកឧទ្ធម្ភាគចក្រថ្មីពីប្រទេសផ្សេងដើម្បីប្រើប្រាស់ជំនួសវិញ។ បើតាមសារព័ត៌មាន Rappler លោក Lorenzana បញ្ជាក់ថា ហ្វីលីពីនសម្លឹងឃើញឧទ្ធម្ភាគចក្រធុនមធ្យមរបស់រុស្ស៊ី ចិន កូរ៉េខាងត្បូង និងតួកគី។ រដ្ឋមន្ត្រីរូបនេះអះអាងដែរថា ការលុបចោលកិច្ចព្រមព្រៀងជាមួយកាណាដា ប៉ះពាល់ទំនើបកម្មយោធា ព្រោះត្រូវចំណាយពេលរកផលិតផលថ្មី។
តាមពិតទៅ កិច្ចព្រមព្រៀងទិញឧទ្ធម្ភាគចក្រចំនួន១៦គ្រឿងនោះ ត្រូវបានរដ្ឋាភិបាលក្រុងអូតាវ៉ា និងក្រុងម៉ានីលឯកភាពកាលពីសប្ដាហ៍មុន។ ប៉ុន្តែរដ្ឋាភិបាលនាយករដ្ឋមន្ត្រី ចាស្ទីន ទ្រូដូ បែរជាប្រកាសពិនិត្យកិច្ចព្រមព្រៀងនេះសិនព្រោះពាក់ព័ន្ធករណីរំលោភសិទ្ធិមនុស្សរបស់លោក ឌូទើតេ ដែលកំពុងរងបណ្ដឹងនៅតុលាការព្រហ្មទណ្ឌអន្តរជាតិ។ ក្រុមហ៊ុន Bell Helicopter និយាយថា ឧទ្ធម្ភាគចក្រនេះ នឹងត្រូវប្រើក្នុងគោលដៅមនុស្សធម៌ និងដឹកជញ្ជូនប៉ុណ្ណោះ។
យ៉ាងណាមិញ ក្រុងម៉ានីល លើកឡើងថា ឧទ្ធម្ភាគចក្រនេះអាចប្រើប្រាស់ក្នុងប្រតិបត្តិការប្រឆាំងភេរវកម្ម ខណៈដែលយោធាហ្វីលីពីនកំពុងធ្វើយុទ្ធនាការបោសសម្អាតក្រុមឧទ្ទាមកុម្មុយនីស្ត និងក្រុមភេរវករនៅភាគខាងត្បូងប្រទេស។ ត្រង់ចំណុចនេះ លោក ឌូទើតេ បញ្ជាក់ថា ការប្រើប្រាស់ឧទ្ធម្ភាគចក្រក្នុងប្រតិបត្តិការយោធា ជារឿងមិនអាចចៀសបានឡើយ ព្រោះលោកត្រូវការវាដើម្បីកម្ទេចក្រុមជ្រុលនិយម។
នៅពេលប្រកាសលុបចោលកិច្ចព្រមព្រៀង លោក ឌូទើតេ បានចាត់ទុកការសម្រេចចិត្តរបស់លោក ទ្រូដូ ជាការបំពានកិច្ចការផ្ទៃក្នុងរបស់ហ្វីលីពីន ហើយក៏បញ្ជាឲ្យឈប់ទិញអាវុធទៅទៀត។ «ឈប់ទិញអាវុធពីកាណាដា និងអាមេរិកទៀត ព្រោះតែងតែមានលក្ខខណ្ឌជាប់ជានិច្ច។ ប្រសិនបើមិនអាចប្រើកម្ទេចភេរវករបាន ខ្ញុំមានតែប្រគល់រដ្ឋាភិបាលទៅឲ្យពួកគេ»។ នេះជាសម្ដីបង្គាប់ បែបមិនពេញចិត្តរបស់ប្រធានាធិបតីហ្វីលីពីន៕
Tag:
ហ្វីលីពីន
អាមេរិក
កាណាដា
រុស្ស៊ី
ចិន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
