ជាតិ
កម្ពុជាចាប់ផ្ដើមរងឥទ្ធិពលព្យុះសាន់បា (SANBA) ទិដ្ឋភាពចុះអ័ព្ទនៅតាមផ្លូវទៅខេត្តកំពតកាលពីព្រឹកថ្ងៃទី១៧ ខែកុម្ភៈ។ រូបថត ចំប៉ា
× ភ្នំពេញ៖ ចាប់ពីថ្ងៃទី១៨ ដល់ថ្ងៃទី២២ ខែកុម្ភៈ ប្រទេសកម្ពុជា និងទទួលរងឥទ្ធិពលពីខ្យល់ព្យុះសាន់បាន (SANBA) ដែលមកដល់ និងថយឥទ្ធិពល នៅឆ្នេរភាគអាគ្នេយ៍ នៃប្រទេសវៀតណាម នៅយប់ថ្ងៃទី១៧ ខែកុម្ភៈនេះ។
ប្រទេសកម្ពុជា នឹងមានភ្លៀងកក់ខែចាប់ផ្ដើមពីថ្ងៃទី ១៨ ដល់ ថ្ងៃទី២២ ខែកុម្ភៈ។ ភ្លៀងកក់ខែនេះ ដោយសារតែកម្ពុជាទទួលរងឥទ្ធិពលពីព្យុះសាន់បា (SANBA) ដែលនឹងឆ្លងកាត់ឆ្នេរភាគអាគ្នេយ៍នៃប្រទេសវៀតណាម។
សេចក្ដីជូនដំណឹងរបស់ក្រសួងធនធានទឹក បានឲ្យដឹងថា ខេត្តដែលទទួលរងឥទ្ធិពលព្យុះ នឹងបណ្ដាលឲ្យមានភ្លៀងកក់ខែនោះ មានដូចជា រាជធានីភ្នំពេញ ខេត្តត្បូងឃ្មុំ កំពង់ចាម កំពង់ធំ ព្រៃវែង ស្វាយរៀង តាកែវ កណ្ដាល កំពង់ស្ពឺ កំពង់ឆ្នាំង ពោធិ៍សាត់ បាត់ដំបង ប៉ៃលិន សៀមរាប បន្ទាយមានជ័យ និងខេត្តដែលនៅតាមបណ្ដាឆ្នេរក្នុងប្រទេសកម្ពុជា។
យ៉ាងណានៅព្រឹកថ្ងៃទី១៧ ខែកុម្ភៈនេះ រាជធានីភ្នំពេញ កំពង់ស្ពឺ កំពត និងបណ្ដាខេត្តមួយចំនួន មានការចុះអ័ព្ទច្រើនខុសធម្មតាផងដែរ៕
Tag:
ខ្យល់ព្យុះ
សាន់បា
SANBA
© រក្សាសិទ្ធិដោយ thmeythmey.com