អន្តរជាតិ
ប្រធានាធិបតីកូរ៉េខាងត្បូង បញ្ជាឲ្យចាត់វិធានការតបនយោបាយគាំពារនិយមរបស់អាមេរិក
ប្រធានាធិបតីកូរ៉េខាងត្បូង មូន ចេអ៊ីន កំពុងថ្លែងនៅទីក្រុងព្យុងឆាង (រូបភាព៖ AFP)
×![]()
ដោយ: តន ចាន់រិទ្ធារ៉ា
ប្រធានាធិបតីកូរ៉េខាងត្បូង មូន ចេអ៊ីន នៅថ្ងៃទី១៩ ខែកុម្ភៈ បានចេញបញ្ជាឲ្យរដ្ឋាភិបាលចាត់វិធានការគ្រប់យ៉ាងដើម្បីឆ្លើយតបទៅនឹងចំណាត់ការរឹតត្បិតរបស់អាមេរិកលើផលិតផលកូរ៉េខាងត្បូង រាប់ ទាំងយន្តការអង្គការពាណិជ្ជកម្មពិភពលោក (WTO) ។ លោក មូន ចេអ៊ីន ចាត់ទុកចំណាត់ការ របស់ រដ្ឋបាលប្រធានាធិបតី ដូណាល់ ត្រាំ ជារឿងអយុត្តិធម៌។ ក្រៅពីចាត់វិធានការតបវិញ លោក មូន ក៏ ប្រាប់ឲ្យបង្កើនការគាំទ្រលើវិស័យដែលរងប៉ះពាល់ដោយសារនយោបាយអាមេរិកនេះដែរ។
កូរ៉េខាងត្បូងមិនពេញចិត្តឡើយនឹងនយោបាយរឹតត្បិតរបស់អាមេរិកលើផលិតផលរបស់ខ្លួន។ អាមេរិកបានប្រកាសពីការដំឡើងពន្ធនាំចូលរហូតដល់៥០ភាគរយលើផលិតផលម៉ាស៊ីនបោកគក់ និងបន្ទះសូឡារបស់ប្រទេសជាច្រើនរាប់ទាំងកូរ៉េខាងត្បូងផង។ មិនមែនតែផលិតផលនេះឡើយ អាមេរិកក៏មានផែនការបង្កើនពន្ធនាំចូលដែកពីកូរ៉េខាងត្បូងផងដែរ ដើម្បីការពារក្រុមហ៊ុនក្នុងស្រុក និងបង្កើនពន្ធផង។
ក្លាយជាជនរងគ្រោះដោយសារនយោបាយអាមេរិក កូរ៉េខាងត្បូងក៏មិនស្ងៀមដែរ។ ក្នុងកិច្ចប្រជុំជាមួយមន្ត្រីជាន់ខ្ពស់នៅវិមាន Cheong Wa Dae ប្រធានាធិបតីកូរ៉េខាងត្បូង មូន ចេអ៊ីន បានបញ្ជាឲ្យចាត់វិធានការតបតវិញ ដោយប្រើមធ្យោបាយទាំងអស់។ បើតាមទីភ្នាក់ងារព័ត៌មាន Yonhap លោក មូន ចង់ឲ្យស្ថាប័នទាំងអស់ឆ្លើយតបនឹងចំណាត់ការគាំពារនិយមដ៏អយុត្តិធម៌ឲ្យបានម៉ឺងម៉ាត់ និងដោយទំនុកចិត្តខ្ពស់។
ខ្ញុំចង់ឲ្យអ្នកដោះស្រាយបញ្ហា តាមរយៈការពិចារណាដាក់ពាក្យបណ្ដឹងទៅកាន់អង្គការពាណិជ្ជកម្មពិភពលោក និងត្រួតពិនិត្យលទ្ធភាពដែលអាមេរិករំលោភបំពានកិច្ចព្រមព្រៀងពាណិជ្ជកម្មសេរីទ្វេភាគី ព្រមទាំងលើកឡើងពីភាពអយុត្តិធម៌នៃចំណាត់របស់អាមេរិកនៅក្នុងការចរចាកិច្ចព្រមព្រៀងពាណិជ្ជកម្មសេរីឡើងវិញ។ នេះជាបញ្ជារបស់លោក មូន ចេអ៊ីន ទៅកាន់មន្ត្រីរបស់លោក ដោយបានបញ្ជាក់ថា នយោបាយគាំពារនិយមធ្វើឲ្យផលិតផលកូរ៉េខាងត្បូងប្រឈមមុខបញ្ហា។
ទន្ទឹមនឹងឆ្លើយតបអាមេរិក លោក មូន ចេអ៊ីន ក៏ចេញបញ្ជាឲ្យមានការត្រួតពិនិត្យម៉ត់ចត់បំផុតលើកញ្ចប់វិធានការស៊ីជម្រៅមួយដើម្បីជួយវិស័យនាំចេញដែលរងគ្រោះ និងជំរុញភាពប្រកួតប្រជែងរបស់ផលិតផលនាំចេញកូរ៉េខាងត្បូង។ ជាមួយគ្នានោះ ប្រធានាធិបតីកូរ៉េខាងត្បងរូបនេះក៏ព្រលយពាក្យដែរថា រដ្ឋាភិបាលនឹងមិនលូកដៃចូលការបិទរោងចក្រផលិតឡាននៅកូរ៉េខាងត្បូងរបស់ក្រុមហ៊ុន GM របស់អាមេរិកឡើយ។
លោក មូន ចេអ៊ីន ទទួលស្គាល់ថា ការបិទរោងចក្ររបស់ក្រុមអាមេរិកនេះ នឹងប៉ះពាល់ដល់ស្ថានភាពសេដ្ឋកិច្ចខេត្ត Gunsan មិនខាន។ លោកបានបង្គាប់ឲ្យបង្កើតក្រុមការងារចម្រុះមួយដើម្បីជួយសង្គ្រោះសេដ្ឋកិច្ចខេត្តនេះ និងចាត់វិធានការពិសេសដើម្បីឲ្យខេត្ត Gunsan មានសេដ្ឋកិច្ចរស់ឡើងវិញ។ នេះជាចំណាត់ការសម្រាប់ដោះស្រាយបញ្ហាក្នុងស្រុក ស្របគ្នានឹងការតវ៉ាជាមួយអាមេរិកនៅសង្វៀនអន្តរជាតិ៕
កូរ៉េខាងត្បូងមិនពេញចិត្តឡើយនឹងនយោបាយរឹតត្បិតរបស់អាមេរិកលើផលិតផលរបស់ខ្លួន។ អាមេរិកបានប្រកាសពីការដំឡើងពន្ធនាំចូលរហូតដល់៥០ភាគរយលើផលិតផលម៉ាស៊ីនបោកគក់ និងបន្ទះសូឡារបស់ប្រទេសជាច្រើនរាប់ទាំងកូរ៉េខាងត្បូងផង។ មិនមែនតែផលិតផលនេះឡើយ អាមេរិកក៏មានផែនការបង្កើនពន្ធនាំចូលដែកពីកូរ៉េខាងត្បូងផងដែរ ដើម្បីការពារក្រុមហ៊ុនក្នុងស្រុក និងបង្កើនពន្ធផង។
ក្លាយជាជនរងគ្រោះដោយសារនយោបាយអាមេរិក កូរ៉េខាងត្បូងក៏មិនស្ងៀមដែរ។ ក្នុងកិច្ចប្រជុំជាមួយមន្ត្រីជាន់ខ្ពស់នៅវិមាន Cheong Wa Dae ប្រធានាធិបតីកូរ៉េខាងត្បូង មូន ចេអ៊ីន បានបញ្ជាឲ្យចាត់វិធានការតបតវិញ ដោយប្រើមធ្យោបាយទាំងអស់។ បើតាមទីភ្នាក់ងារព័ត៌មាន Yonhap លោក មូន ចង់ឲ្យស្ថាប័នទាំងអស់ឆ្លើយតបនឹងចំណាត់ការគាំពារនិយមដ៏អយុត្តិធម៌ឲ្យបានម៉ឺងម៉ាត់ និងដោយទំនុកចិត្តខ្ពស់។
ខ្ញុំចង់ឲ្យអ្នកដោះស្រាយបញ្ហា តាមរយៈការពិចារណាដាក់ពាក្យបណ្ដឹងទៅកាន់អង្គការពាណិជ្ជកម្មពិភពលោក និងត្រួតពិនិត្យលទ្ធភាពដែលអាមេរិករំលោភបំពានកិច្ចព្រមព្រៀងពាណិជ្ជកម្មសេរីទ្វេភាគី ព្រមទាំងលើកឡើងពីភាពអយុត្តិធម៌នៃចំណាត់របស់អាមេរិកនៅក្នុងការចរចាកិច្ចព្រមព្រៀងពាណិជ្ជកម្មសេរីឡើងវិញ។ នេះជាបញ្ជារបស់លោក មូន ចេអ៊ីន ទៅកាន់មន្ត្រីរបស់លោក ដោយបានបញ្ជាក់ថា នយោបាយគាំពារនិយមធ្វើឲ្យផលិតផលកូរ៉េខាងត្បូងប្រឈមមុខបញ្ហា។
ទន្ទឹមនឹងឆ្លើយតបអាមេរិក លោក មូន ចេអ៊ីន ក៏ចេញបញ្ជាឲ្យមានការត្រួតពិនិត្យម៉ត់ចត់បំផុតលើកញ្ចប់វិធានការស៊ីជម្រៅមួយដើម្បីជួយវិស័យនាំចេញដែលរងគ្រោះ និងជំរុញភាពប្រកួតប្រជែងរបស់ផលិតផលនាំចេញកូរ៉េខាងត្បូង។ ជាមួយគ្នានោះ ប្រធានាធិបតីកូរ៉េខាងត្បងរូបនេះក៏ព្រលយពាក្យដែរថា រដ្ឋាភិបាលនឹងមិនលូកដៃចូលការបិទរោងចក្រផលិតឡាននៅកូរ៉េខាងត្បូងរបស់ក្រុមហ៊ុន GM របស់អាមេរិកឡើយ។
លោក មូន ចេអ៊ីន ទទួលស្គាល់ថា ការបិទរោងចក្ររបស់ក្រុមអាមេរិកនេះ នឹងប៉ះពាល់ដល់ស្ថានភាពសេដ្ឋកិច្ចខេត្ត Gunsan មិនខាន។ លោកបានបង្គាប់ឲ្យបង្កើតក្រុមការងារចម្រុះមួយដើម្បីជួយសង្គ្រោះសេដ្ឋកិច្ចខេត្តនេះ និងចាត់វិធានការពិសេសដើម្បីឲ្យខេត្ត Gunsan មានសេដ្ឋកិច្ចរស់ឡើងវិញ។ នេះជាចំណាត់ការសម្រាប់ដោះស្រាយបញ្ហាក្នុងស្រុក ស្របគ្នានឹងការតវ៉ាជាមួយអាមេរិកនៅសង្វៀនអន្តរជាតិ៕
Tag:
កូរ៉េខាងត្បូង
អាមេរិក
មូន ចេអ៊ីន
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
