អន្តរជាតិ
អនុប្រធានាធិបតីអាមេរិក ម៉ៃ ផេន អង្គុយក្បែរលោកស្រី គីម យ៉ូចុង ប្អូនស្រីមេដឹកនាំកូរ៉េខាងជើង អំឡុងព្រឹត្តិការណ៍អូឡាំពិករដូវរងា (រូបភាព៖ AFP)
×![]()
ដោយ: តន ចាន់រិទ្ធារ៉ា
កូរ៉េខាងជើងបានលុបចោលជំនួបរវាងមន្ត្រីកូរ៉េខាងជើងជាមួយអនុប្រធានាធិបតីអាមេរិក ម៉ៃ ផេន (Mike Pence) នៅនាទីចុងក្រោយ ដោយមិនប្រាប់មូលហេតុ។ មន្ត្រីអាមេរិកនិយាយថា ការលុបចោលនេះ ធ្វើឡើងក្រោយលោក ផេន រិះគន់ការដឹកនាំរបស់របបដឹកនាំក្រុងព្យុងយ៉ាងក្នុងដំណើរទស្សនកិច្ចនៅអាស៊ី និងដើម្បីចូលរួមកម្មវិធីបើកព្រឹត្តិការណ៍អូឡាំពិកនៅកូរ៉េខាងត្បូង។ កូរ៉េខាងជើងទំនងជាខឹងសម្បារនឹងសម្ដីរបស់លោក ផេន ទើបលុបចោលជំនួបតែម្ដង។
អនុប្រធានាធិបតីអាមេរិក ម៉ៃ ផេន និងប្រតិភូកូរ៉េខាងជើងដែលចូលរួមព្រឹត្តិការណ៍អូឡាំពិករដូវរងានៅកូរ៉េខាងត្បូង មានគម្រោងជួបគ្នាជាសម្ងាត់។ ប៉ុន្តែជំនួបរវាងលោក ផេន និងក្រុមមន្ត្រីកូរ៉េខាងជើងដែលមានលោកស្រី គីម យ៉ូចុង ប្អូនស្រីមេដឹកនាំកូរ៉េខាងជើងលោក គីម ជុងអ៊ុន ត្រូវកូរ៉េខាងជើងលុបចោលវិញ។ ឯមូលហេតុវិញ ទំនងជាកូរ៉េខាងជើងមិនសប្បាយចិត្តនឹងពាក្យសម្ដីរិះគន់របស់អនុប្រធានាធិបតីអាមេរិក។
យោងតាមទីភ្នាក់ងារព័ត៌មាន AFP អ្នកនាំពាក្យក្រសួងការបរទេសអាមេរិក Heather Nauert និយាយថា អំឡុងពេលទស្សនកិច្ចរបស់អនុប្រធានាធិបតី ផេន នៅកូរ៉េខាងត្បូងដើម្បីបង្ហាញពីការតាំងចិត្តរបស់សម្ព័ន្ធមិត្ត និងការគាំទ្រអត្តពលិកអាមេរិក លទ្ធភាពជួបជាមួយមេដឹកនាំកូរ៉េខាងជើងក៏ផុសឡើង។ ក្នុងសេចក្ដីថ្លែងការណ៍ថ្ងៃទី២០ ខែកុម្ភៈ អ្នកនាំពាក្យដដែលនេះបន្តថា លោក ផេន ត្រៀមខ្លួនដើម្បីលើកភាពចាំបាច់ដែលកូរ៉េខាងជើងត្រូវបោះបង់កម្មវិធីនុយក្លេអ៊ែរខុសច្បាប់របស់ខ្លួន។
«នៅនាទីចុងក្រោយ មន្ត្រីកូរ៉េខាងជើងបែរជាលុបចោលជំនួបនេះ។ យើងសោកស្ដាយដែលកូរ៉េខាងជើងបរាជ័យឆក់យកឱកាសនេះ។» នេះជាបញ្ជាក់របស់លោកស្រី Nauert ។ មន្ត្រីការិយាល័យរបស់លោកអនុប្រធានាធិបតី ផេន លើកឡើងដែរថា កូរ៉េខាងជើងមានបំណងប្រើជំនួបនេះជាមួយក្ដីសង្ឃឹមថា លោក ផេន អាចបន្ទន់សម្ដីរបស់ខ្លួនបាន ដែលនោះអាចជាជោគជ័យរបស់មួយរបស់កូរ៉េខាងជើងអំឡុងពេលព្រឹត្តិការណ៍អូឡាំពិក។
ជំនួសឲ្យការជួបជាមួយមន្ត្រីកូរ៉េខាងជើង លោក ផេន បានជួបជាមួយជនជាតិភៀសខ្លួនកូរ៉េខាងជើង និងលោក Fred Warmbier ឪពុកនិស្សិតអាមេរិកដែលស្លាប់ក្រោយកូរ៉េខាងជើងដោះលែង។ លោក ផេន ក៏រិះគន់មិនដាច់មាត់ការរំលោភបំពានសិទ្ធិមនុស្ស និងការបង្ខំឲ្យប្រជាជនរាប់ពាន់នាក់ក្លាយជាទាសករ ក៏ដូចជាកម្មវិធីនុយក្លេអ៊ែរ និងមីស៊ីលផង។ អនុប្រធានាធិបតីអាមេរិកក៏បានប្រកាសថា ទណ្ឌកម្មសេដ្ឋកិច្ចថ្មីទៀត នឹងលេចជារូបរាងឆាប់ៗ។
អ្នកនាំពាក្យអនុប្រធានាធិបតីលោក Nick Ayers អះអាងថា ក្រុងព្យុងយ៉ាងមិនចង់ឃើញលោកអនុប្រធានាធិបតីយកវេទិកាអន្តរជាតិដើម្បីអំពាវនាវឲ្យមានការចាប់អារម្មណ៍លើការរំលោភបំពានរបស់ខ្លួន ឬក៏សម្ញែងពីការភាពរឹងមាំរបស់សម្ព័ន្ធមិត្តឡើយ។ បើតាមអ្នកនាំពាក្យរូបនេះ កូរ៉េខាងជើងប្រហែលមិនសប្បាយចិត្តនឹងសម្ដីរបស់លោក ផេន ឬក៏គ្មានបំណងអង្គុយចរចាដោយស្មោះត្រង់ជាមួយអាមេរិកតាំងពីដើមតែម្ដង៕
អនុប្រធានាធិបតីអាមេរិក ម៉ៃ ផេន និងប្រតិភូកូរ៉េខាងជើងដែលចូលរួមព្រឹត្តិការណ៍អូឡាំពិករដូវរងានៅកូរ៉េខាងត្បូង មានគម្រោងជួបគ្នាជាសម្ងាត់។ ប៉ុន្តែជំនួបរវាងលោក ផេន និងក្រុមមន្ត្រីកូរ៉េខាងជើងដែលមានលោកស្រី គីម យ៉ូចុង ប្អូនស្រីមេដឹកនាំកូរ៉េខាងជើងលោក គីម ជុងអ៊ុន ត្រូវកូរ៉េខាងជើងលុបចោលវិញ។ ឯមូលហេតុវិញ ទំនងជាកូរ៉េខាងជើងមិនសប្បាយចិត្តនឹងពាក្យសម្ដីរិះគន់របស់អនុប្រធានាធិបតីអាមេរិក។
យោងតាមទីភ្នាក់ងារព័ត៌មាន AFP អ្នកនាំពាក្យក្រសួងការបរទេសអាមេរិក Heather Nauert និយាយថា អំឡុងពេលទស្សនកិច្ចរបស់អនុប្រធានាធិបតី ផេន នៅកូរ៉េខាងត្បូងដើម្បីបង្ហាញពីការតាំងចិត្តរបស់សម្ព័ន្ធមិត្ត និងការគាំទ្រអត្តពលិកអាមេរិក លទ្ធភាពជួបជាមួយមេដឹកនាំកូរ៉េខាងជើងក៏ផុសឡើង។ ក្នុងសេចក្ដីថ្លែងការណ៍ថ្ងៃទី២០ ខែកុម្ភៈ អ្នកនាំពាក្យដដែលនេះបន្តថា លោក ផេន ត្រៀមខ្លួនដើម្បីលើកភាពចាំបាច់ដែលកូរ៉េខាងជើងត្រូវបោះបង់កម្មវិធីនុយក្លេអ៊ែរខុសច្បាប់របស់ខ្លួន។
«នៅនាទីចុងក្រោយ មន្ត្រីកូរ៉េខាងជើងបែរជាលុបចោលជំនួបនេះ។ យើងសោកស្ដាយដែលកូរ៉េខាងជើងបរាជ័យឆក់យកឱកាសនេះ។» នេះជាបញ្ជាក់របស់លោកស្រី Nauert ។ មន្ត្រីការិយាល័យរបស់លោកអនុប្រធានាធិបតី ផេន លើកឡើងដែរថា កូរ៉េខាងជើងមានបំណងប្រើជំនួបនេះជាមួយក្ដីសង្ឃឹមថា លោក ផេន អាចបន្ទន់សម្ដីរបស់ខ្លួនបាន ដែលនោះអាចជាជោគជ័យរបស់មួយរបស់កូរ៉េខាងជើងអំឡុងពេលព្រឹត្តិការណ៍អូឡាំពិក។
ជំនួសឲ្យការជួបជាមួយមន្ត្រីកូរ៉េខាងជើង លោក ផេន បានជួបជាមួយជនជាតិភៀសខ្លួនកូរ៉េខាងជើង និងលោក Fred Warmbier ឪពុកនិស្សិតអាមេរិកដែលស្លាប់ក្រោយកូរ៉េខាងជើងដោះលែង។ លោក ផេន ក៏រិះគន់មិនដាច់មាត់ការរំលោភបំពានសិទ្ធិមនុស្ស និងការបង្ខំឲ្យប្រជាជនរាប់ពាន់នាក់ក្លាយជាទាសករ ក៏ដូចជាកម្មវិធីនុយក្លេអ៊ែរ និងមីស៊ីលផង។ អនុប្រធានាធិបតីអាមេរិកក៏បានប្រកាសថា ទណ្ឌកម្មសេដ្ឋកិច្ចថ្មីទៀត នឹងលេចជារូបរាងឆាប់ៗ។
អ្នកនាំពាក្យអនុប្រធានាធិបតីលោក Nick Ayers អះអាងថា ក្រុងព្យុងយ៉ាងមិនចង់ឃើញលោកអនុប្រធានាធិបតីយកវេទិកាអន្តរជាតិដើម្បីអំពាវនាវឲ្យមានការចាប់អារម្មណ៍លើការរំលោភបំពានរបស់ខ្លួន ឬក៏សម្ញែងពីការភាពរឹងមាំរបស់សម្ព័ន្ធមិត្តឡើយ។ បើតាមអ្នកនាំពាក្យរូបនេះ កូរ៉េខាងជើងប្រហែលមិនសប្បាយចិត្តនឹងសម្ដីរបស់លោក ផេន ឬក៏គ្មានបំណងអង្គុយចរចាដោយស្មោះត្រង់ជាមួយអាមេរិកតាំងពីដើមតែម្ដង៕
Tag:
អាមេរិក
កូរ៉េខាងជើង
Mike Pence
Olympic2018
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
