កីឡាអន្តរជាតិ
អន្តរជាតិ
ខ្សែប្រយុទ្ធ Luis Muriel (ឆ្វេង) នៃក្រុម Sevilla មិនអាចទម្លាយសំណាញ់ទីរបស់ Man Utd ដែលមានអ្នកចាំទី David de Gea ដ៏រឹងមាំបានឡើយ។ រូបថត AFP
×![]()
ដោយ: ទេព ពិទូរ្យ
អ្នកចាំទីដៃស្អិត David de Gea បានជួយសង្គ្រោះគ្រាប់បាល់ដ៏ច្រើនពីការវាយសម្រុករបស់ក្រុមម្ចាស់ផ្ទះ Sevilla ដើម្បីជួយក្រុម Manchester United ទទួលលទ្ធផលស្មើគ្នា ០-០ នៃការប្រកួតជើងទី១ វគ្គ១៦ក្រុមចុងក្រោយ ពានរង្វាន់ UEFA Champions League នៅរាត្រីថ្ងៃទី២១ ខែកុម្ភៈ។
ក្រុមមកពីលីកកំពូលអេស្ប៉ាញ Sevilla បានបើកការវាយលុកយ៉ាងខ្លាំងមកលើក្រុមភ្ញៀវ Man Utd តាំងពីដើមតង់ទី១ ជាមួយការស៊ុតចំៗគោលដៅជាច្រើនគ្រាប់ ប៉ុន្តែត្រូវបានសង្គ្រោះដោយអ្នកចាំទី De Gea ទាំងអស់។
ការស៊ុត និងតែត ២៥លើកក្នុង១ប្រកួតនេះនៅតែមិនអាចរំលងដៃអ្នកចាំទីសញ្ជាតិអេស្ប៉ាញបាន ធ្វើឲ្យម្ចាស់ផ្ទះទទួលត្រឹមការខកចិត្តនាជំនួបជើងទី១នេះ តែត្រូវជួបគ្នាម្តងទៀតនៅទឹកដី Old Trafford វិញសម្រាប់ជើងទី២ដើម្បីកាត់សេចក្តីចាញ់ធ្លាក់។
ក្រុមរហស្សនាមបិសាចក្រហមដែលអវត្តមានក្នុងពានរង្វាន់នេះរយៈពេល៤ឆ្នាំមកហើយនោះ មិនបានបង្ហាញភាពខ្លាំងណាមួយទេសម្រាប់ការប្រកូតយប់មិញនេះ បើទោះបីជាចំណាយប្រាក់ដ៏ច្រើនសន្ធឹកនាំយកកីឡាករថ្លៃៗមករួមក្រុមក៏ដោយ។ ក្រុមដែលដឹកនាំដោយអ្នកចាត់ការព័រទុយហ្គាល់ Jose Mourinho មានឱកាសល្អតែមួយលើកប៉ុណ្ណោះនៅមុខទីរបស់ Sevilla តែធ្វើមិនបានសម្រេចពីខ្សែប្រយុទ្ធ Romelu Lukaku។
ដោយឡែកមួយគូទៀត ក្រុមម្ចាស់ផ្ទះ Shakhtar Donetsk មកពីអ៊ុយក្រែនបានយកឈ្នះ AS Roma មកពីអ៊ីតាល ២-១ ក្នុងការប្រកួតជើងទី១ ដូចគ្នា៕
ក្រុមមកពីលីកកំពូលអេស្ប៉ាញ Sevilla បានបើកការវាយលុកយ៉ាងខ្លាំងមកលើក្រុមភ្ញៀវ Man Utd តាំងពីដើមតង់ទី១ ជាមួយការស៊ុតចំៗគោលដៅជាច្រើនគ្រាប់ ប៉ុន្តែត្រូវបានសង្គ្រោះដោយអ្នកចាំទី De Gea ទាំងអស់។
ការស៊ុត និងតែត ២៥លើកក្នុង១ប្រកួតនេះនៅតែមិនអាចរំលងដៃអ្នកចាំទីសញ្ជាតិអេស្ប៉ាញបាន ធ្វើឲ្យម្ចាស់ផ្ទះទទួលត្រឹមការខកចិត្តនាជំនួបជើងទី១នេះ តែត្រូវជួបគ្នាម្តងទៀតនៅទឹកដី Old Trafford វិញសម្រាប់ជើងទី២ដើម្បីកាត់សេចក្តីចាញ់ធ្លាក់។
ក្រុមរហស្សនាមបិសាចក្រហមដែលអវត្តមានក្នុងពានរង្វាន់នេះរយៈពេល៤ឆ្នាំមកហើយនោះ មិនបានបង្ហាញភាពខ្លាំងណាមួយទេសម្រាប់ការប្រកូតយប់មិញនេះ បើទោះបីជាចំណាយប្រាក់ដ៏ច្រើនសន្ធឹកនាំយកកីឡាករថ្លៃៗមករួមក្រុមក៏ដោយ។ ក្រុមដែលដឹកនាំដោយអ្នកចាត់ការព័រទុយហ្គាល់ Jose Mourinho មានឱកាសល្អតែមួយលើកប៉ុណ្ណោះនៅមុខទីរបស់ Sevilla តែធ្វើមិនបានសម្រេចពីខ្សែប្រយុទ្ធ Romelu Lukaku។
ដោយឡែកមួយគូទៀត ក្រុមម្ចាស់ផ្ទះ Shakhtar Donetsk មកពីអ៊ុយក្រែនបានយកឈ្នះ AS Roma មកពីអ៊ីតាល ២-១ ក្នុងការប្រកួតជើងទី១ ដូចគ្នា៕
Tag:
បាល់ទាត់
UEFA Champions League
Manchester United
Sevilla
David de Gea
© រក្សាសិទ្ធិដោយ thmeythmey.com
