ជាតិ
ជប៉ុន ផ្តល់ហិបឆ្នោតចំនួន១.៥ម៉ឺន ដែលមានតម្លៃប្រមាណ៧លានដុល្លារ ដល់គ.ជ.ប
លោក ស៊ិក ប៊ុនហុក ប្រធានគ.ជ.ប ដឹកនាំកិច្ចប្រជុំកន្លងមក
×![]()
ដោយ: ថ្មីៗ
ភ្នំពេញ៖ រដ្ឋាភិបាលជប៉ុន ផ្តល់ហិបឆ្នោតចំនួន១ម៉ឺ៥ពាន់ ដល់គណៈកម្មាធិការជាតិរៀបចំការបោះឆ្នោត (គ.ជ.ប) សម្រាប់បម្រើឲ្យការបោះឆ្នោតជ្រើសតាំងតំណាងរាស្ត្រ នីតិកាលទី៦ ដែលនឹងប្រព្រឹត្តទៅនៅថ្ងៃទី២៩ ខែកុម្ភៈ ឆ្នាំ២0១៨។ នេះបើតាមការអះអាងរបស់លោក ស៊ិក ប៊ុនហុក ប្រធានគ.ជ.ប។
កាលពីថ្ងៃទី២១ ខែកុម្ភៈ ឆ្នាំ២0១៨ លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា និង លោក ហូរីណូអ៊ូជិ ហ៊ីដេហ៊ីសា ឯកអគ្គរាជទូតជប៉ុនប្រចាំកម្ពុជា បានចុះហត្ថលេខាលើឯកសារស្ដីពីការផ្ដល់ហិរញ្ញប្បទានឥតសំណងមួយចំនួន សម្រាប់អនុវត្តគម្រោង អភិវឌ្ឍសេដ្ឋកិច្ចនិងសង្គមនៅកម្ពុជា។ ការផ្តល់ហិបឆ្នោតដល់គ.ជ.ប ក៏ធ្វើឡើងក្នុងពិធីនេះដែរ។
ក្រោយបញ្ចប់ការចុះហត្ថលេខា ក្នុងការទទួលជំនួយពីជប៉ុន លោក ស៊ិក ប៊ុនហុក ដែលបានចួលរួមដែលនោះ បានប្រាប់អ្នកកាសែតថា ការបោះឆ្នោតជ្រើសតាំងតំណាងរាស្ត្រនីតិកាល៦ នឹងត្រូវប្រើហិបឆ្នោតសរុបប្រហែលជា៣ម៉ឺនឯណោះ។ លោក បន្តថា ពេលនេះ គ.ជ.ប បានទទួលហិបឆ្នោតចំនួនពាក់កណ្តាលហើយ ដែលជាជំនួយពីភាគីជប៉ុន។
លោក ហង្ស ពុទ្ធា អ្នកនាំពាក្យគ.ជ.ប បានប្រាប់សារព័ត៌មានថ្មីៗតាមទូរសព្ទ នៅរសៀលថ្ងៃទី២២ ខែកុម្ភៈនេះថា ហិបឆ្នោតទាំងនោះ មានតម្លៃប្រមាណ៧លានដុល្លារ។ លោក បញ្ជាក់ដូច្នេះថា៖«គ.ជ.ប មិនដែលទទួលឬកាន់ថវិកាផ្ទាល់ពីម្ចាស់ជំនួយទេ។ តែ បើយើង លើកគម្រោងណាមួយ ទៅម្ចាស់ជំនួយ នោះគេ នឹងចំណាយថវិកា លើគម្រោងឬទិញសម្ភារបច្ចេក ដែលយើងស្នើសុំ»។
អ្នកនាំពាក្យគ.ជ.បរូបនេះ បន្ថែមថា ទោះស្ថិតក្នុងកាលៈទេសៈណាក៏ដោយ ក៏ជប៉ុន នៅតែបន្តជួយកម្ពុជាលើគ្រប់វិស័យដដែល មិនមែនតែការបោះឆ្នោតនោះទេ។ លោក បានសរសើរជប៉ុនយ៉ាងដូច្នេះថា៖«ជប៉ុន នៅតែចង់ពង្រឹងទំនាក់ទំនងជាមួយយើង។ ជប៉ុនជាមិត្តស្លាប់រស់របស់យើង»។
មុននឹងការបោះឆ្នោតជ្រើសតាំងតំណាងរាស្ត្រឈានមកដល់ កម្ពុជា ត្រូវរៀបចំការបោះឆ្នោតជ្រើសតាំងសមាជិកព្រឹទ្ធសភាជាមុនសិន ដែលនឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២0១៨នេះ។
បណ្តាសហគមន៍អន្តរជាតិនិងបរទេសនានា បានស្តីបន្ទោសរដ្ឋាភិបាលកម្ពុជា ក្រោយការចាប់លោក កឹម សុខា ប្រធានគណបក្សសង្គ្រោះជាតិ ដាក់ពន្ធនាគារ និងការរំលាយគណបក្សប្រឆាំងដ៏ធំមួយនេះ។ ក្នុងនោះ សហរដ្ឋអាមេរិកនិងសហភាពអឺរ៉ុប បានសម្រេចផ្តាច់ជំនួយលើការបោះឆ្នោតមកកម្ពុជា។ ប្រទេសធំៗទាំងពីរនេះ នឹងមិនទទួលស្គាល់ការបោះឆ្នោតឡើយ បើអវត្តមានរបស់គណបក្សសង្គ្រោះជាតិ៕
កាលពីថ្ងៃទី២១ ខែកុម្ភៈ ឆ្នាំ២0១៨ លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា និង លោក ហូរីណូអ៊ូជិ ហ៊ីដេហ៊ីសា ឯកអគ្គរាជទូតជប៉ុនប្រចាំកម្ពុជា បានចុះហត្ថលេខាលើឯកសារស្ដីពីការផ្ដល់ហិរញ្ញប្បទានឥតសំណងមួយចំនួន សម្រាប់អនុវត្តគម្រោង អភិវឌ្ឍសេដ្ឋកិច្ចនិងសង្គមនៅកម្ពុជា។ ការផ្តល់ហិបឆ្នោតដល់គ.ជ.ប ក៏ធ្វើឡើងក្នុងពិធីនេះដែរ។
ក្រោយបញ្ចប់ការចុះហត្ថលេខា ក្នុងការទទួលជំនួយពីជប៉ុន លោក ស៊ិក ប៊ុនហុក ដែលបានចួលរួមដែលនោះ បានប្រាប់អ្នកកាសែតថា ការបោះឆ្នោតជ្រើសតាំងតំណាងរាស្ត្រនីតិកាល៦ នឹងត្រូវប្រើហិបឆ្នោតសរុបប្រហែលជា៣ម៉ឺនឯណោះ។ លោក បន្តថា ពេលនេះ គ.ជ.ប បានទទួលហិបឆ្នោតចំនួនពាក់កណ្តាលហើយ ដែលជាជំនួយពីភាគីជប៉ុន។
លោក ហង្ស ពុទ្ធា អ្នកនាំពាក្យគ.ជ.ប បានប្រាប់សារព័ត៌មានថ្មីៗតាមទូរសព្ទ នៅរសៀលថ្ងៃទី២២ ខែកុម្ភៈនេះថា ហិបឆ្នោតទាំងនោះ មានតម្លៃប្រមាណ៧លានដុល្លារ។ លោក បញ្ជាក់ដូច្នេះថា៖«គ.ជ.ប មិនដែលទទួលឬកាន់ថវិកាផ្ទាល់ពីម្ចាស់ជំនួយទេ។ តែ បើយើង លើកគម្រោងណាមួយ ទៅម្ចាស់ជំនួយ នោះគេ នឹងចំណាយថវិកា លើគម្រោងឬទិញសម្ភារបច្ចេក ដែលយើងស្នើសុំ»។
អ្នកនាំពាក្យគ.ជ.បរូបនេះ បន្ថែមថា ទោះស្ថិតក្នុងកាលៈទេសៈណាក៏ដោយ ក៏ជប៉ុន នៅតែបន្តជួយកម្ពុជាលើគ្រប់វិស័យដដែល មិនមែនតែការបោះឆ្នោតនោះទេ។ លោក បានសរសើរជប៉ុនយ៉ាងដូច្នេះថា៖«ជប៉ុន នៅតែចង់ពង្រឹងទំនាក់ទំនងជាមួយយើង។ ជប៉ុនជាមិត្តស្លាប់រស់របស់យើង»។
មុននឹងការបោះឆ្នោតជ្រើសតាំងតំណាងរាស្ត្រឈានមកដល់ កម្ពុជា ត្រូវរៀបចំការបោះឆ្នោតជ្រើសតាំងសមាជិកព្រឹទ្ធសភាជាមុនសិន ដែលនឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២0១៨នេះ។
បណ្តាសហគមន៍អន្តរជាតិនិងបរទេសនានា បានស្តីបន្ទោសរដ្ឋាភិបាលកម្ពុជា ក្រោយការចាប់លោក កឹម សុខា ប្រធានគណបក្សសង្គ្រោះជាតិ ដាក់ពន្ធនាគារ និងការរំលាយគណបក្សប្រឆាំងដ៏ធំមួយនេះ។ ក្នុងនោះ សហរដ្ឋអាមេរិកនិងសហភាពអឺរ៉ុប បានសម្រេចផ្តាច់ជំនួយលើការបោះឆ្នោតមកកម្ពុជា។ ប្រទេសធំៗទាំងពីរនេះ នឹងមិនទទួលស្គាល់ការបោះឆ្នោតឡើយ បើអវត្តមានរបស់គណបក្សសង្គ្រោះជាតិ៕
Tag:
គជប
ជំនួយជប៉ុន
ហិបឆ្នោត
© រក្សាសិទ្ធិដោយ thmeythmey.com
