Carrasco និង Gaitan របស់ AT-Madrid ទៅចូលរួមជាមួយក្លិបទើបឡើងលីកកំពូលចិន

កីឡាអន្តរជាតិ

អន្តរជាតិ

Carrasco និង Gaitan របស់ AT-Madrid ទៅចូលរួមជាមួយក្លិបទើបឡើងលីកកំពូលចិន

28, Feb 2018 , 8:39 am

រូបភាព

ដោយ: ទេព ពិទូរ្យ

កីឡាកររបស់ Atletico Madrid ពីររូបរួមមាន Yannick Carrasco និង Nicolas Gaitan បានបញ្ចប់ការផ្ទេររួចរាល់ហើយដើម្បីផ្លាស់ទៅកាន់ក្រុម Dalian Yifang នៃលីកកីឡាបាល់ទាត់កំពូលចិន Chinese Super League កាលពីថ្ងៃចន្ទទី ២៦ ខែកុម្ភៈនេះ។

យោងទៅតាមសារព័ត៌មានអេស្ប៉ាញ ខ្សែប្រយុទ្ធវ័យ ២៤ឆ្នាំ Carrasco ត្រូវបានផ្ទេរចេញទៅកាន់ក្រុម Dalian Yifang ក្នុងតម្លៃ ២៦.៥លានផោន ប្រហែល ៣៧លានដុល្លារអាមេរិក។ ប៉ុន្តែក្នុងតម្លៃនេះក្លិប AT-Madrid ត្រូវបង់ឲ្យក្លិបចាស់របស់កីឡាករអន្តរជាតិប៊ែលហ្ស៊ិកនេះ គឺ AS Monaco ២៥ភាគវិញតាមលក្ខខណ្ឌកិច្ចសន្យាកាលពីឆ្នាំ២០១៥។

បើតាមប្រភពដរដែល Carrasco នឹងទទួលបានថ្លៃឈ្នួល ៨.៨លានផោន ប្រហែលជាង ១២លាដុល្លារក្នុង១ឆ្នាំនៅក្លិបថ្មីនេះ។

ចំណែកខ្សែបម្រើសញ្ជាតិអាហ្សង់ទីន វ័យ៣០ឆ្មាំ Gaitan មានតម្លៃខ្លួន ១៥.៨លានផោន (២២លានដុល្លារ)។

សូមបញ្ជាក់ថា Dalian Yifang ជាក្លិបដែលបានបង្កើតឡើងនៅឆ្នាំ ២០០៩ ហើយបានដំឡើងខ្លួនទៅកាន់ក្របខណ្ឌកំពូលចិនក្នុងរដូវកាល ២០១២។ សម្រាប់រដូវកាលនេះក្រុមដែលមានរហស្សនាម Blue Hawks ក៏បានទិញខ្សែការពារពី West Ham ម្នាក់ដែរ គឺកីឡាករសញ្ជាតិព័រទុយហ្គាល់ José Fonte កាលពីថ្ងៃសុក្រទី២៣ សប្តាហ៍មុន មុនពេលទិញបាន Carrasco និង Gaitan ពី AT-Madrid ។

សម្រាប់ការទិញដូរកីឡាករនៅប្រទេសចិនគឺត្រូវបិទទ្វារនៅយប់ថ្ងៃពុធទី២៨ ខែកុម្ភៈស្អែកនេះ៕