ពីនេះ ពីនោះ
ព័ត៍មានសុខភាព
គន្លឹះដើម្បីថែរក្សាសន្លាក់ឲ្យមានសុខភាពល្អ
×
ត្រូវមានភាពសកម្ម
គោលការណ៍ដ៏សំខាន់ដើម្បីសន្លាក់មានសុខភាពល្អ៖ កាលណាអ្នកធ្វើចលនាកាន់តែច្រើន ភាពគាំងសន្លាក់កាន់តែតិច។ មិនខ្វល់ថាអ្នកកំពុងតែអានសៀវភៅ ធ្វើការ ឬមើលទូរទស្សន៍ទេ ចូរធ្វើចលនារាងកាយឲ្យបានញឹកញាប់បន្តិច។ ចូរសម្រាកពីការងារបន្តិច ហើយធ្វើចលនាឲ្យបានច្រើនទៅ។
សុវត្ថិភាពជាចំបង
ការដែលប្រើទ្រនាប់ការពារគឺជារឿងដ៏សំខាន់ដែលអ្នកគួរតែមាន។ ចូរស្លៀកសម្លៀកបំពាក់ឲ្យបានសមស្របទៅនឹងសកម្មភាពដែលអ្នកនឹងធ្វើជាពិសេការលេងកីឡាតែម្តង។ បើសិនជាសន្លាក់ឈឺស្រាប់ហើយ យកល្អគួរតែប្រើទ្រនាបអបសន្លាក់ឲ្យហើយនៅពេលអ្នកលេងតេណីស ឬវាយកូនហ្គោល។
សម្រកទម្ងន់
ការដែលមានទម្ងន់រាងកាយធ្ងន់ពេកអាចដាក់សម្ពាធទោលើសន្លាក់ត្រគាក ជង្គង់ និងខ្នងបាន។ ទោះបីជាស្រកទម្ងន់តិចតួចក៏អាចជួយដល់សុខភាពសន្លាក់បានដែរ។ ការដែលស្រកទម្ងន់ វានឹងជួយបន្ថយសម្ពាធនៅលើជង្គង់។
ពុតពែនខ្លួនមុនពេលហាត់ប្រាណ
ភាពបត់បែននឹងជួយឲ្យអ្នកធ្វើចលនាបានកាន់តែស្រួល។ ចូរព្យាយាមពុតពែនខ្លួនរាល់ថ្ងៃ ឬយ៉ាងហោចណាស់បីដងក្នុងមួយសប្តាហ៍។ ប៉ុន្តែមិនត្រូវធ្វើបែបនេះទេនៅពេលសាច់ដុំកំពុងតែឈឺហើយ។ យកល្អគួរតែកម្តៅសាច់ដុំតិចតួចដូចជា ការដើររយៈពេល ១០នាទី ដើម្បីឲ្យសន្លាក់ សរសៃចងឆ្អឹង និងសរសៃចងសាច់ដុំធូរ។
យល់ដឹងអំពីដែនកំណត់ខ្លួនឯង
វាគឺជារឿងធម្មតាទេដែលត្រូវឈឺសាច់ដុំក្រោយពីហាត់ប្រាណរួច។ ប៉ុន្តែបើសិនជាអ្នកឈឺចាប់លើសពី ៤៨ម៉ោង អ្នកប្រហែលជាហាត់ប្រាណច្រើនជ្រុលពេកហើយ។ ដូច្នេះលើកក្រោយចូរកុំខំហាត់ប្រាណខ្លាំងពេកអី។ ការដែលខំប្រឹងហាត់ប្រាណទាំងឈឺចាប់អាចនាំឲ្យមានរបួស ឬខូចខាតកាន់តែច្រើនថែមទៀត។
ញ៉ាំត្រី
បើសិនជាអ្នកមានការឈឺចាប់សន្លាក់ដោយសារតែជំងឺ Rheumatoid Arthritis ការញ៉ាំត្រីប្រហែលជាអាចជួយដោះស្រាយបញ្ហាបាន។ ត្រីសាលម៉ុនគឺជាប្រភពដ៏ល្អនៃអាស៊ីតខ្លាញ់អូមេហ្គាបី ដែលអាចជួយឲ្យសន្លាក់មានសុខភាពល្អបាន។ វាក៏ជួយបន្ថយការរលាក ដែលធ្វើឲ្យឈឺសន្លាក់ និងតឹងសន្លាក់លើអ្នកជំងឺ Rheumatoid Arthritis បានដែរ។
រក្សាឆ្អឹងឲ្យរឹងមាំ
ជាតិកាលស្យូម និងវីតាមីន D អាចជួយបាន។ ផលិតផលធ្វើពីទឹកដោះគោគឺជាប្រភពដ៏ល្អបំផុតនៃជាតិកាលស្យូម ប៉ុន្តែជម្រើសផ្សេងៗទៀតដូចជា បន្លែពណ៌បៃតងក៏មានប្រយោជន៍ដូចគ្នាដែរ។ បើសិនជាអ្នកទទួលបានជាតិកាលស្យូមពីអាហារមិនគ្រប់គ្រាន់ទេ ចូរពិគ្រោះជាមួយគ្រូពេទ្យអំពីថ្នាំបំប៉នជាតិកាលស្យូមបន្ថែម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com