ពីនេះ ពីនោះ
×![]()
ដោយ: ថ្មីៗ
ដោយផ្អែកលើសំណេរដែលស្ថិតនៅលើទំព័រហ្វេសប៊ុករបស់ខ្លួន, លោកបណ្ឌិតសភាចារ្យ ស៊ន សំណាង ទំនងជាចង់ឲ្យកូនខ្មែរជំនាន់បច្ចុប្បន្ន និងជំនាន់ក្រោយប្រែខ្លួនពីការពូកែនិយាយទៅជាការពូកែសរសេរវិញ។ 
ដោយផ្អែកលើបច្ចេកស័ព្ទរដ្ឋបាលនៅកម្ពុជា នាសម័យអាណាព្យាបាលបារាំង លោកបណ្ឌិតសភាចារ្យ ស៊ន សំណាង ដកស្រង់ការពន្យល់ពាក្យ ព្រោកភាព និងប្រាជ្ញភាព ថា, តាមវចនានុក្រមខ្មែររបស់សម្តេចជួនណាត, ពាក្យ«ព្រោក»(កិ) មានន័យថា «និយាយបែកសាពីនេះពីនោះមិនចេះចប់»
គឺពូកែតែនិយាយ មិនពូកែសរសេរទេ។ ចំណែកពាក្យ «ប្រាជ្ញ» (ន) មានន័យ
ថា «អ្នកមានប្រាជ្ញា អ្នកចេះ អ្នកឈ្លាសវៃ» គឺពូកែសរសេរ ដោយផ្អែកលើ
ឯកសារច្បាស់លាស់ ដើម្បីឱ្យបានជាប្រយោជន៍ដល់អ្នកស្តាប់ ឬអ្នកអាន
ជាពិសេសដល់សង្គមជាតិយើង។
ដើម្បីឱ្យស្រួលចងចាំ លោកបណ្ឌិតសភាចារ្យ ស៊ន សំណាង ចង់ឲ្យប្រើប្រាស់ពាក្យ
«ព្រោកភាព» ជំនួសដោយ«ភាពជាអ្នកព្រោក» និង«ប្រាជ្ញភាព» ជំនួសដោយ
«ភាពជាអ្នកប្រាជ្ញ»។
នៅទីបញ្ចប់នៃសំណេររបស់លោក លោក សំណាង ចង់ឃើញពលរដ្ឋខ្មែរបច្ចុប្បន្ន ប្តូរពី«ពូកែតែនិយាយ» មក «ពូកែសរសេរ» វិញម្តង!...៕
Tag:
ពីនេះ ពីនោះ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
