ពីនេះ ពីនោះ
សាមញ្ញភាសាខ្លះសម្បូរប្រើ តែមិនអាចប្រើជាផ្លូវការបានទេ
×
សាមញ្ញភាសាខ្លះប្រើក្នុងជីវភាពរស់នៅ ក្នុងការរកស៊ី ឬក្នុងផ្លូវនយោបាយ សម្រាប់និយាយឆ្លងឆ្លើយគ្នាទៅវិញទៅមក តែភាសានេះមិនអាចប្រើជាផ្លូវការបានឡើយ។
ពាក្យដែលជាសាមញ្ញភាសាមានដូចជា តើង៉ៃនេះជាង៉ៃអ្វី? (តើថ្ងៃនេះជាថ្ងៃអ្វី), តូវសារ(ទៅផ្សារ), តើឯងធើការអ្វី(តើអាចធ្វើការអ្វី)។
ចំពោះអ្នករកស៊ី មានពាក្យដូចជា ធ្លាក់ទឹក(រកស៊ីខាត), កោរ( លក់ថ្លៃហួសពីធម្មតា, លក់ហួសពីតម្លៃ), ឡុងចុង(រកស៊ីខាតចុង ខាតដើម)។
សម្រាប់ពាក្យដែលគេតែងតែហៅក្នុងសម័យសាធារណៈរដ្ឋប្រជាមានិតកម្ពុជា រួមមាន ជាប់កៅអី(ប្រលងជាប់ ហើយបានទៅរៀនបន្ត), ធ្លាក់កៅអី(ប្រលងជាប់សញ្ញាប័ត្រ តែមិនអាចបានទៅរៀនបន្តទេ), ទាត់ខ្យល់(ដើរទាត់ខ្យល់ គ្មានការងារធ្វើ), គ្មានទុយយ៉ូប្រលងមិនជាប់ទេ( គ្មានបក្សពួកមិនអាចប្រលងជាប់ទេ)។
ដកស្រង់ពីវេយ្យាករណ៍ខ្មែរសរសេរដោយលោក ជៀប គន្ធា
© រក្សាសិទ្ធិដោយ thmeythmey.com