អន្តរជាតិ
នាវាដឹកយន្តហោះអាមេរិក USS Carl Vinson (រូបភាព៖ AFP)
×![]()
ដោយ: តន ចាន់រិទ្ធារ៉ា
នាវាដឹកយន្តហោះអាមេរិក USS Carl Vinson បានចូលចតនៅឯកំពង់ផែដាណាង នៅថ្ងៃទី៥ ខែមីនា។ នេះជាលើកដំបូងក្នុងរយៈពេល៤៣ឆ្នាំក្រោយចប់សង្គ្រាមឥណ្ឌូចិនលើកទី២ ដែលនាវាដឹកយន្តហោះអាមេរិកចូលចតនៅទឹកដីវៀតណាម។ វត្តមាននាវាអាមេរិកពេលនេះ បង្ហាញពីការខិតជិតគ្នារវាងអតីតគូសត្រូវទាំងពីរ ខណៈដែលវៀតណាមចង់ប្រើប្រាស់អាមេរិកដើម្បីថ្លឺងថ្លែងឥទ្ធិពលជាមួយចិន ដែលកំពុងកើនឡើងខ្លាំង។
នាវាដឹកយន្តហោះដើរដោយថាមពលនុយក្លេអ៊ែរ USS Carl Vinson នឹងឈប់សំចតនៅទឹកដីវៀតណាមរយៈពេល៥ថ្ងៃ ដោយចាប់ផ្ដើមពីថ្ងៃទី៥ ខែមីនាទៅ។ នេះជាលើកទីមួយចាប់តាំងពីឆ្នាំ១៩៧៥ ដែលនាវាធុនធ្ងន់របស់អាមេរិកចូលចតនៅកំពង់ផែរបស់វៀតណាម។ កំពង់ផែដាណាង គឺជាទីតាំងឡើងគោករបស់ទាហានអាមេរិកកាលពីជាង៤០ឆ្នាំមុន ដើម្បីប្រយុទ្ធក្នុងសង្គ្រាមវៀតណាម ដែលសម្លាប់មនុស្សរាប់លាននាក់។
ទោះធ្លាប់ប្រយុទ្ធស៊ីសាច់ហុតឈាមនាពេលកន្លងមកក្ដី ទំនាក់ទំនងរវាងវៀតណាម និងអាមេរិក បានប្រសើរគួរឲ្យកត់សម្គាល់។ ការទៅដល់នៃនាវាដឹកយន្តហោះ USS Carl Vinson ជាសញ្ហាបង្ហាញពីភាពរីកចម្រើនក្នុងទំនាក់ទំនងយោធាទ្វេភាគីប្រទេសទាំងពីរនេះ។ ហើយវាក៏ជាសារជាក់លាក់មួយទៅកាន់ក្រុងប៉េកាំង ដែលកំពុងមានជម្លោះមិនដាចស្រេចជាមួយក្រុងហាណូយលើដែនអធិបតេយ្យនៅសមុទ្រចិនខាងត្បូង។
ដូចដឹងស្រាប់ ចិនបានទាមទារតំបន់សមុទ្រនេះស្ទើរទាំងស្រុងទៅហើយ មិនថាតំបន់ថ្មប៉ប្រះទឹក ឬប្រជុំកោះឡើយ។ ចំណែកឯវៀតណាម ដែលជាភាគីមួយក្នុងចំណោមភាគីពាក់ព័ន្ធផ្ទាល់ចំនួនបួន បានទាមទារសិទ្ធិគ្រប់គ្រងប្រជុំកោះធំពីរ គឺ Paracel និង Spratly ។ ប៉ុន្តែវៀតណាមមិនអាចប្រជែងជាមួយចិន ដែលមានឥទ្ធិពលយោធាលើសលប់បានទេ។ វៀតណាមបានពង្រឹងទំនាក់ទំនងយោធាជាមួយអាមេរិក ដោយសង្ឃឹមថា អាមេរិកអាចទប់ស្កាត់មហិច្ឆតាវាតទីរបស់ចិនបាន។
បើនិយាយពីជម្លោះនៅតំបន់ប្រទាញប្រទង់មួយនេះ អាមេរិកមិនភាគីពាក់ព័ន្ធអ្វីសោះឡើយ។ ប៉ុន្តែជារឿយៗ អាមេរិកបានបញ្ជូននាវាចម្បាំង ឬយន្តហោះទៅកាន់តំបន់នោះក្រោមហេតុផលអនុវត្តសេរីភាពនាវាចរណ៍ក្រោមច្បាប់អន្តរជាតិ។ សកម្មភាពរបស់អាមេរិក គឺជាការប្រឆាំងមហិច្ឆតាយ៉ាងច្បាស់តែម្ដង។ នាវាដឹកយន្តហោះ USS Carl Vinson នេះទៀតសោត តែងមានមុខនៅសមុទ្រចិនខាងត្បូងញឹកញាប់ ដែលធ្វើឲ្យចិនមិនសូវរីករាយឡើយ។
យ៉ាងណាមិញ ក្រុងហាណូយបានប្រុងប្រយ័ត្នចំពោះការទំនាក់ទំនងជាមួយមហាអំណាចទាំងពីរ។ ម្ខាង គឺជាចិន ដែលជាដៃគូពាណិជ្ជកម្មដ៏ធំ និងជាអ្នកជិតខាង ទោះជាមានជម្លោះទឹកដី និងម្ខាងទៀត គឺអាមេរិក ដែលវៀតណាមត្រូវការដើម្បីធ្វើជាកូនជញ្ជីងរក្សាតុល្យភាពជាមួយចិន។ ស្របគ្នានឹងការព្យាយាមរក្សាទំនាក់ទំនងជាមួយចិន វៀតណាមបានបន្តពង្រឹងសមត្ថភាពការពារជាតិរបស់ខ្លួនដោយបានទិញសម្ភារច្រើនពីអាមេរិក ឥណ្ឌា និងអ៊ីស្រាអែលផងដែរ៕
នាវាដឹកយន្តហោះដើរដោយថាមពលនុយក្លេអ៊ែរ USS Carl Vinson នឹងឈប់សំចតនៅទឹកដីវៀតណាមរយៈពេល៥ថ្ងៃ ដោយចាប់ផ្ដើមពីថ្ងៃទី៥ ខែមីនាទៅ។ នេះជាលើកទីមួយចាប់តាំងពីឆ្នាំ១៩៧៥ ដែលនាវាធុនធ្ងន់របស់អាមេរិកចូលចតនៅកំពង់ផែរបស់វៀតណាម។ កំពង់ផែដាណាង គឺជាទីតាំងឡើងគោករបស់ទាហានអាមេរិកកាលពីជាង៤០ឆ្នាំមុន ដើម្បីប្រយុទ្ធក្នុងសង្គ្រាមវៀតណាម ដែលសម្លាប់មនុស្សរាប់លាននាក់។
ទោះធ្លាប់ប្រយុទ្ធស៊ីសាច់ហុតឈាមនាពេលកន្លងមកក្ដី ទំនាក់ទំនងរវាងវៀតណាម និងអាមេរិក បានប្រសើរគួរឲ្យកត់សម្គាល់។ ការទៅដល់នៃនាវាដឹកយន្តហោះ USS Carl Vinson ជាសញ្ហាបង្ហាញពីភាពរីកចម្រើនក្នុងទំនាក់ទំនងយោធាទ្វេភាគីប្រទេសទាំងពីរនេះ។ ហើយវាក៏ជាសារជាក់លាក់មួយទៅកាន់ក្រុងប៉េកាំង ដែលកំពុងមានជម្លោះមិនដាចស្រេចជាមួយក្រុងហាណូយលើដែនអធិបតេយ្យនៅសមុទ្រចិនខាងត្បូង។
ដូចដឹងស្រាប់ ចិនបានទាមទារតំបន់សមុទ្រនេះស្ទើរទាំងស្រុងទៅហើយ មិនថាតំបន់ថ្មប៉ប្រះទឹក ឬប្រជុំកោះឡើយ។ ចំណែកឯវៀតណាម ដែលជាភាគីមួយក្នុងចំណោមភាគីពាក់ព័ន្ធផ្ទាល់ចំនួនបួន បានទាមទារសិទ្ធិគ្រប់គ្រងប្រជុំកោះធំពីរ គឺ Paracel និង Spratly ។ ប៉ុន្តែវៀតណាមមិនអាចប្រជែងជាមួយចិន ដែលមានឥទ្ធិពលយោធាលើសលប់បានទេ។ វៀតណាមបានពង្រឹងទំនាក់ទំនងយោធាជាមួយអាមេរិក ដោយសង្ឃឹមថា អាមេរិកអាចទប់ស្កាត់មហិច្ឆតាវាតទីរបស់ចិនបាន។
បើនិយាយពីជម្លោះនៅតំបន់ប្រទាញប្រទង់មួយនេះ អាមេរិកមិនភាគីពាក់ព័ន្ធអ្វីសោះឡើយ។ ប៉ុន្តែជារឿយៗ អាមេរិកបានបញ្ជូននាវាចម្បាំង ឬយន្តហោះទៅកាន់តំបន់នោះក្រោមហេតុផលអនុវត្តសេរីភាពនាវាចរណ៍ក្រោមច្បាប់អន្តរជាតិ។ សកម្មភាពរបស់អាមេរិក គឺជាការប្រឆាំងមហិច្ឆតាយ៉ាងច្បាស់តែម្ដង។ នាវាដឹកយន្តហោះ USS Carl Vinson នេះទៀតសោត តែងមានមុខនៅសមុទ្រចិនខាងត្បូងញឹកញាប់ ដែលធ្វើឲ្យចិនមិនសូវរីករាយឡើយ។
យ៉ាងណាមិញ ក្រុងហាណូយបានប្រុងប្រយ័ត្នចំពោះការទំនាក់ទំនងជាមួយមហាអំណាចទាំងពីរ។ ម្ខាង គឺជាចិន ដែលជាដៃគូពាណិជ្ជកម្មដ៏ធំ និងជាអ្នកជិតខាង ទោះជាមានជម្លោះទឹកដី និងម្ខាងទៀត គឺអាមេរិក ដែលវៀតណាមត្រូវការដើម្បីធ្វើជាកូនជញ្ជីងរក្សាតុល្យភាពជាមួយចិន។ ស្របគ្នានឹងការព្យាយាមរក្សាទំនាក់ទំនងជាមួយចិន វៀតណាមបានបន្តពង្រឹងសមត្ថភាពការពារជាតិរបស់ខ្លួនដោយបានទិញសម្ភារច្រើនពីអាមេរិក ឥណ្ឌា និងអ៊ីស្រាអែលផងដែរ៕
Tag:
វៀតណាម
ចិន
អាមេរិក
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
