ពីនេះ ពីនោះ
«ចក្ខុវិស័យ» និង«ទស្សនវិស័យ»មានន័យប្លែកគ្នាដូចម្តេច?
× ការប្រើប្រាស់ពាក្យ«ចក្ខុវិស័យ» និង«ទស្សនវិស័យ» ពិតជាមិនដូចគ្នាទេ។ ពាក្យ«ចក្ខុវិស័យ» ត្រូវបានប្រើក្នុងន័យ ជាក្តីស្រមៃដែលគេគិតដល់ថ្ងៃអនាគត។ ចំណែក«ទស្សនវិស័យ» សំដៅដោយឱកាសដែលមើលឃើញ។
វចនានុក្រមសម្តេចព្រះសង្ឃរាជ ជួន ណាត បានពន្យល់ពាក្យ «ចក្ខុវិស័យ» ជា ទិដ្ឋភាព ឬរូបភាព ដែលលិចចេញជាក្តីស្រមៃ ឃើញដល់អនាគតកាល ដែលវែងឆ្ងាយ។ ឧទាហរណ៍៖ កម្ពុជាមានចក្ចុវិស័យក្នុងការកសាងប្រទេសឱ្យរីកចម្រើនជឿនលឿននាពេលខាងមុខ ដូចនឹងប្រទេសដទៃទៀតដែរ។
ចំណែក «ទស្សនវិស័យ» ជាឱកាសដែលមើលឃើញ គឺចម្ងាយដែលមើលឃើញនឹងភ្នែកបាន ចម្ងាយពីមួយក្រឡេក គឺមួយកន្ទុយភ្នែក។ ជនជាតិចិនមានទស្សនវិស័យមើលឃើញទីផ្សារកម្ពុជា ដែលអាចបោះទុនរកស៊ីបានយ៉ាងឆាប់រហ័ស៕
© រក្សាសិទ្ធិដោយ thmeythmey.com