ពីនេះ ពីនោះ
×![]()
ដោយ: ថ្មីៗ
«Drama» ក្នុងវចនានុក្រមអង់គ្លេស បកប្រែថា ជាការសម្តែងសិល្បៈបែបណាមួយ ដែលឱ្យទស្សនិកជនទទួលបាននូវផ្ទាំងទស្សនីយភាពអ្វីមួយ។ តែនាប៉ុន្មានឆ្នាំចុងក្រោយនេះ យុវវ័យបានងាកមកប្រើពាក្យ «Drama» នេះ សម្រាប់បង្ហាញអារម្មណ៍របស់ខ្លួន តាមរយៈមធ្យោបាយនានាទៅវិញ។
«Drama»សំដៅដោយការសម្តែងដោយកាយវិការ ការបញ្ចេញសំឡេង ការបង្ហាញនូវទស្សនីយភាពដ៏អស្ចារ្យ ដូចជា ការសម្តែងល្ខោន, សិល្បៈ។ល។ ហត់នឿយ, ឈឺចាប់, ស្អប់, ស្រឡាញ់, អូនបង, ស្នេហា ជាដើម ជាពាក្យ «Drama» ដែលយុវវ័យនាសម័យថ្មីនេះ បានកំណត់ទុកថាពាក្យនេះ ជាការបង្ហាញអារម្មណ៍ទៅលើអ្វីមួយ។
ពាក្យថា ត្អូញត្អែរ ដោយនិយាយថា «ខ្ញុំហត់ណាស់, ខ្ញុំតែងតែឈឺចាប់, ខ្ញុំតែងតែទទួលបាននូវសេចក្តីស្រឡាញ់ដែលមនុស្សគ្រប់គ្នាមិនមានដូចខ្ញុំមាន»។ ពាក្យទាំងអស់នេះហើយ ដែលយុវវ័យសម័យបច្ចេកវិជ្ជាទំនើបនេះ តែងតែបង្ហាញនូវអារម្មណ៍របស់ខ្លួន។ ហើយការបង្ហាញអារម្មណ៍ទាំងនោះភាគច្រើនធ្វើឡើង តាមរយៈបណ្តាញផ្សព្វផ្សាយរបស់សង្គម។
យុវវ័យខ្លះ ចាត់ទុកពាក្យ«Drama»សម្រាប់សម្តែងចំពោះអារម្មណ៍ខ្លួន ទៅឱ្យអ្នកផ្សេងទៀតបានដឹង។ ដោយឡែកយុវវ័យខ្លះទៀត មិនពេញចិត្តនឹងការសម្តែងបែបនេះឡើយ ដែលគិតថាជារឿងមិនល្អដែលបណ្តាលឱ្យអាប់ឱនកិត្តិយសរបស់ខ្លួននៅលើបណ្តាញសង្គម ក៏ដូចជាមជ្ឃដ្ឋានរស់នៅ៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
