ពីនេះ ពីនោះ
×![]()
ដោយ: ថ្មីៗ
បទ ពាក្យ៧
-អំណាន សម្រាប់យើងគ្រប់គ្នា
អំណាន បើកទ្វារមិនរើសអើង
អំណាន នាំលាភយសស័ក្តិថ្កើង
អំណាន តម្កើងភាពចេះដឹង។
-អំណាន នាំឲ្យចិត្តទូលាយ
អំណាន ថ្នាំងាយទប់កំហឹង
អំណាន នាំឲ្យចេះរិះថ្លឹង
អំណាន អ្នកប្រឹងដឹងមិនខាត។
-អំណាន ជាមិត្តដែលយល់ចិត្ត
អំណាន តែងឋិតផ្តល់ ឱវាទ
អំណាន ជួយគ្រប់អ្នកឱហាត
អំណាន ល្អស្អាតមិនហ្មងសៅ។
-អំណាន នាំឲ្យស្គាល់លោកីយ៍
អំណាន សិរីតពូជផៅ
អំណាន នាំញាតិឃ្លាតចាកខ្លៅ
អំណាន រណ្តៅកប់កង្វល់។
-អំណាន នាំឲ្យកើនវិជ្ជា
អំណាន គ្រប់គ្នាចាប់បានផល
អំណាន ជួយជាតិគ្មានអ្វីឆ្ងល់
អំណាន នាំដល់អភិវឌ្ឍន៍៕
ប៉ាកកាខ្មៅ!
© រក្សាសិទ្ធិដោយ thmeythmey.com
