ពីនេះ ពីនោះ
ព័ត៍មានសុខភាព
ញ៉ាំផ្លែប័រជួយដល់ការសម្រកទម្ងន់
× អាហារដែលមានជាតិខ្លាញ់ ឬសរសៃខ្ពស់ អាចជួយឲ្យអ្នកមានអារម្មណ៍ថាឆាប់ឆ្អែត និងឆ្ងាញ់ក្រោយពីញ៉ាំរួច។ នេះដោយសារតែជាតិខ្លាញ់និងសរសៃនឹងបន្ថយការបញ្ចេញពីក្រពះទៅពោះវៀនតូច។ អាហារពិសេសមួយនេះត្រូវបានគេរកឃើញក្នុងផ្លែប័រតែម្តង។
កាលណាអាហារក្រចេញពីក្រពះ វានឹងធ្វើឲ្យអ្នកមានអារម្មណ៍ថាឆ្អែតបានយូរ ហើយក៏អាចមានន័យថា អ្នកលែងចង់ញ៉ាំអាហារបន្ថែម ជាពិសេសអាហារដែលធ្វើឲ្យឆាប់ឡើងទម្ងន់ដែរ។ ផ្លែប័រគឺមានទាំងជាតិសរសៃ និងខ្លាញ់ មានន័យថា វាគួរតែមានឥទ្ធិពលខ្លាំងក្លាមួយជួយឲ្យមានអារម្មណ៍ថាឆ្អែតបានយូរនៅពេលទទួលទានរួច។
ការសិក្សាមួយដែលបានពិនិត្យទៅលើរបៀបនៃការញ៉ាំអាហារដែលមានទាំងផ្លែប័រដែរនោះគឺថា វាមានឥទ្ធិពលទៅលើការឃ្លានអាហាររបស់អ្នកធាត់ និងធាត់ជ្រុល។ អ្នកដែលបានញ៉ាំផ្លែប័រមួយចំហៀងនៅពេលញ៉ាំអាហារថ្ងៃត្រង់ គឺមានការថយចុះការចងចញ៉ាំអាហារទៀតក្រោយពីញ៉ាំរួចបាន ៥ម៉ោង ថ្វីបើឥទ្ធិពលរបស់ផ្លែឈើមួយនេះខ្លាំងបំផុតមានត្រឹមតែ ៣ម៉ោងដំបូងក៏ដោយ។
អ្នកចូលរួមសិក្សាក៏មានអារម្មណ៍ថា ក្រោយពីញ៉ាំអាហារមានផ្លែប័ររួចគឺមានអារម្មណ៍ពេញចិត្តជាងពេលពួកគេញ៉ាំអាហារដោយគ្មានផ្លែប័រ ២៣ភាគរយដែរ។ ហេតុដូច្នេះហើយ វាអាចបញ្ជាក់បាន្ថា ផ្លែប័រគឺជារបស់ដ៏មានតម្លៃមួយនៅពេលចង់និយាយអំពីការសម្រួលដល់ការញ៉ាំអាហារ និងសម្រកទម្ងន់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com