ជាតិ
រដ្ឋមន្ត្រីបរិស្ថាន ស្នើឲ្យប៉ូលិសអន្តរជាតិ ជួយបង្ក្រាបបទល្មើសព្រៃឈើ និងការនាំសត្វព្រៃ ចេញពីកម្ពុជា
×![]()
ដោយ: ថ្មីៗ
ភ្នំពេញ៖ លោក សាយ សំអាល់ រដ្ឋមន្ត្រីក្រសួងបរិស្ថាន ស្នើដល់ស្ថាប័នអន្តរជាតិនានា ជាពិសេសស្ថាប័ននគរបាលអន្តរជាតិ (Interpol) ឲ្យជួយកម្ពុជា ក្នុងការទប់ស្កាត់បទល្មើសព្រៃឈើ និងការនាំសត្វព្រៃគ្រប់ប្រភេទ ទៅក្រៅប្រទេសដោយខុសច្បាប់។ នេះបើតាមការចុះផ្សាយក្នុងគេហទំព័ររបស់អគ្គស្នងការនគរបាលជាតិ។
បើតាមអគ្គស្នងការនគរបាលជាតិដដែល លោក សាយ សំអាល់ បានលើកឡើងថា ពេលនេះជាពេលដ៏សមរម្យ ដែលត្រូវប្រយុទ្ធប្រឆាំងនឹងបទល្មើសព្រៃឈើ និងការនាំសត្វព្រៃឆ្លងដែន។ លោក បន្តថា បញ្ហាបទល្មើសព្រៃឈើ និងការនាំសត្វព្រៃឆ្លងដែននេះ គឺកើនឡើងគ្រប់ទីកន្លែង ដូច្នេះគួរតែគ្រប់ភាគី សហការគ្នា ដើម្បីទប់ស្កាត់។
អគ្គស្នងការនគរបាលជាតិ ស្រង់ប្រសាសន៍របស់រដ្ឋមន្ត្រីក្រសួងបរិស្ថានរូបនេះ ទៅចុះផ្សាយយ៉ាងដូច្នេះថា៖«ជនល្មើស កំពុងតែប្រើគ្រប់កល្បិច ដូចជាតាមរូបភាពដាក់ក្នុងវ៉ាលី ដាក់ក្នុងកប៉ាល់គ្រប់សព្វបែបយ៉ាង ដើម្បីនាំសត្វព្រៃទាំងអស់នោះ មកឬយកសត្វទាំងអស់នោះ ឆ្លងដែនដោយខុសច្បាប់។ ប៉ុន្តែ សម័យនេះ ជាសម័យបច្ចេកវិទ្យា ជឿនលឿន ដូច្នេះសូមឲ្យសមត្ថកិច្ចគ្រប់ថ្នាក់ ដូចជាសមត្ថកិច្ចគយ នគរបាលសេដ្ឋកិច្ច កងរាជអាវុធហត្ថ កម្លាំងយោធា ក្រសួងបរិស្ថាន និងនគរបាល Interpol សហការគ្នា ដើម្បីទប់ស្កាត់បទល្មើសព្រៃឈើ និងសត្វព្រៃឆ្លងដែន»។
ការថ្លែងខាងលើរបស់លោក សាយ សំអាល់ គឺធ្វើឡើងក្នុងសិក្ខាសាលាស្តីពី «សន្តិសុខបរិស្ថានជាតិ បទល្មើសព្រៃឈើ និងសត្វព្រៃ» ដែលរៀបចំដោយក្រសួងបរិស្ថាន និងស្ថាប័ន Interpol នៅថ្ងៃទី២៧ ខែមីនា ឆ្នាំ២០១៨។
អគ្គស្នងការនគរបាលជាតិ បានចុះផ្សាយពីការលើកឡើងរបស់លោក សាយ សំអាល់ ទៀតថា បើនៅតែបន្តមានបទល្មើសព្រៃឈើ និងសត្វព្រៃ នឹងធ្វើឲ្យប៉ះពាល់ ឬបាត់បង់ធនធានធម្មជាតិទាំងក្នុងតំបន់ និងពិភលោក។ លោក ជំរុញឲ្យ មានការពិភាក្សាពីគ្រប់ភាគី ដែលចូលរួមក្នុងសិក្ខាសាលានេះ ដើម្បីរិះរកមធ្យោបាយសមស្រប សម្រាប់ទប់ស្កាត់ការជួញដូរព្រៃឈើ និងសត្វព្រៃឆ្លងដែន នៅក្នុងតំបន់ និងពិភពលោក៕
បើតាមអគ្គស្នងការនគរបាលជាតិដដែល លោក សាយ សំអាល់ បានលើកឡើងថា ពេលនេះជាពេលដ៏សមរម្យ ដែលត្រូវប្រយុទ្ធប្រឆាំងនឹងបទល្មើសព្រៃឈើ និងការនាំសត្វព្រៃឆ្លងដែន។ លោក បន្តថា បញ្ហាបទល្មើសព្រៃឈើ និងការនាំសត្វព្រៃឆ្លងដែននេះ គឺកើនឡើងគ្រប់ទីកន្លែង ដូច្នេះគួរតែគ្រប់ភាគី សហការគ្នា ដើម្បីទប់ស្កាត់។
អគ្គស្នងការនគរបាលជាតិ ស្រង់ប្រសាសន៍របស់រដ្ឋមន្ត្រីក្រសួងបរិស្ថានរូបនេះ ទៅចុះផ្សាយយ៉ាងដូច្នេះថា៖«ជនល្មើស កំពុងតែប្រើគ្រប់កល្បិច ដូចជាតាមរូបភាពដាក់ក្នុងវ៉ាលី ដាក់ក្នុងកប៉ាល់គ្រប់សព្វបែបយ៉ាង ដើម្បីនាំសត្វព្រៃទាំងអស់នោះ មកឬយកសត្វទាំងអស់នោះ ឆ្លងដែនដោយខុសច្បាប់។ ប៉ុន្តែ សម័យនេះ ជាសម័យបច្ចេកវិទ្យា ជឿនលឿន ដូច្នេះសូមឲ្យសមត្ថកិច្ចគ្រប់ថ្នាក់ ដូចជាសមត្ថកិច្ចគយ នគរបាលសេដ្ឋកិច្ច កងរាជអាវុធហត្ថ កម្លាំងយោធា ក្រសួងបរិស្ថាន និងនគរបាល Interpol សហការគ្នា ដើម្បីទប់ស្កាត់បទល្មើសព្រៃឈើ និងសត្វព្រៃឆ្លងដែន»។
ការថ្លែងខាងលើរបស់លោក សាយ សំអាល់ គឺធ្វើឡើងក្នុងសិក្ខាសាលាស្តីពី «សន្តិសុខបរិស្ថានជាតិ បទល្មើសព្រៃឈើ និងសត្វព្រៃ» ដែលរៀបចំដោយក្រសួងបរិស្ថាន និងស្ថាប័ន Interpol នៅថ្ងៃទី២៧ ខែមីនា ឆ្នាំ២០១៨។
អគ្គស្នងការនគរបាលជាតិ បានចុះផ្សាយពីការលើកឡើងរបស់លោក សាយ សំអាល់ ទៀតថា បើនៅតែបន្តមានបទល្មើសព្រៃឈើ និងសត្វព្រៃ នឹងធ្វើឲ្យប៉ះពាល់ ឬបាត់បង់ធនធានធម្មជាតិទាំងក្នុងតំបន់ និងពិភលោក។ លោក ជំរុញឲ្យ មានការពិភាក្សាពីគ្រប់ភាគី ដែលចូលរួមក្នុងសិក្ខាសាលានេះ ដើម្បីរិះរកមធ្យោបាយសមស្រប សម្រាប់ទប់ស្កាត់ការជួញដូរព្រៃឈើ និងសត្វព្រៃឆ្លងដែន នៅក្នុងតំបន់ និងពិភពលោក៕
Tag:
សាយ សំអាល់
បរិស្ថាន
Interpol
© រក្សាសិទ្ធិដោយ thmeythmey.com
