World Cup៖ បារាំង ម្ចាស់ជើងឯកកាលពី២០ឆ្នាំមុនតាំងចិត្តធ្វើឲ្យបានម្តងទៀត

កីឡាអន្តរជាតិ

អន្តរជាតិ

World Cup៖ បារាំង ម្ចាស់ជើងឯកកាលពី២០ឆ្នាំមុនតាំងចិត្តធ្វើឲ្យបានម្តងទៀត

29, Mar 2018 , 8:39 am

រូបភាព

Antoine Griezmann អបអរគ្រាប់បាល់បញ្ចូលទីខ្លួនលើវេលស៍ នាជំនួបមិត្តភាពកាលពីខែវិច្ឆិកា ឆ្នាំ២០១៧។ រូបថត AFP

ដោយ: ទេព ពិទូរ្យ

ម្ចាស់ជើងឯកឆ្នាំ១៩៩៨ បារាំង ដែលមានកីឡាករល្អៗច្រើនកំពុងប្រកបអាជីពក្នុងក្លិបល្បីៗនៅតំបន់អឺរ៉ុប បានកៅអីទៅរុស្ស៊ីសម្រាប់ការប្រកួតពានរង្វាន់ពិភពលោក FIFA World Cup ឆ្នាំ២០១៨ ស្ថិតក្នុងពូល C ដែលត្រូវជួបអូស្ត្រាលីក្រុមមកពីតំបន់អាស៊ី ប៉េរូ មកពីអាមេរិកឡាទីន និងដាណឺម៉ាកពីអឺរ៉ុប។ នេះជាការបង្ហាញខ្លួនលើកទី ១៥ហើយ របស់ក្រុមមកពីតំបន់អឺរ៉ុបមួយនេះ តាំងពីចូលរួមលើកដំបូងក្នុងឆ្នាំ ១៩៣០។

អ្នកចាត់ការទូទៅ៖ Didier Deschamps (បារាំង)
Deschamps ជាសមាជិកម្នាក់ដែលបានជួយក្រុមជម្រើសជាតិបារាំងលើកពាន World Cup កាលពីឆ្នាំ១៩៩៨ ក្នុងនាមលោកជាប្រធានក្រុម ហើយអ្នកចាត់ការវ័យ៤៩ឆ្នាំរូបនេះឡើងដឹកនាំក្រុមរហ្សនាមមាន់គកនៅឆ្នាំ២០១២។ អតីតគ្រូ Monaco, Juventus និង Marseille បានដឹកនាំក្រុមនេះឈានទៅរុស្ស៊ីបន្ទាប់ពីនាំមុខពិន្ទុគេក្នុងវគ្គជម្រុះពូល A ប្រចាំតំបន់អឺរ៉ុប។

កីឡាករឆ្នើម៖ Antoine Griezmann
ខ្សែប្រយុទ្ធរបស់ Atletico Madrid រូបនេះ ធ្លាប់ជាកីឡាករល្អ និងស៊ុតបញ្ចូលទីច្រើនជាងគេនៃការប្រកួតក្នុងព្រឹត្តិការណ៍ Uefa Euro ឆ្នាំ២០១៦ ដែលបារាំងធ្វើជាម្ចាស់ផ្ទះ។ Griezmann ដែលបច្ចុប្បន្នមានវ័យ ២៧ឆ្នាំ រកបាន៤គ្រាប់ និងបញ្ជូនបាល់ឲ្យដៃគូសម្រេចទី៤ដងនៅក្នុងការប្រកួតវគ្គជម្រុះដើម្បីនាំបារាំងបានកៅអីទៅរុស្ស៊ីឆ្នាំ២០១៨។

ប្រវត្តិក្នុង World Cup ៖
នេះជាវត្តមានលើកទី ១៥ របស់ក្រុមជម្រើសជាតិបារាំងសម្រាប់ក្រុមដែលបានកៅអីពីតំបន់អឺរ៉ុបបន្ទាប់ពីបង្ហាញខ្លួនលើកដំបូងក្នុងឆ្នាំ ១៩៣០ និងចុងក្រោយឆ្នាំ២០១៤។ លទ្ធផលល្អបំផុតដែលពួកគេទទួលបាន គឺលើកពាននេះនៅឆ្នាំ១៩៩៨ ក្នុងប្រវត្តិសាស្ត្រក្នុងនាមជាម្ចាស់ផ្ទះ។
បារាំង ស្ថិតនៅចំណាត់ថ្នាក់លេខ ៩ ពិភពលោកក្នុងតារាង FIFA Ranking៕