របាយការណ៍ឆ្នាំ២០១៧៖ បទល្មើសព្រហ្មទណ្ឌ និងចរាចរណ៍ ថយចុះនៅខេត្តព្រះសីហនុ

ជាតិ

សង្គមជាតិ

របាយការណ៍ឆ្នាំ២០១៧៖ បទល្មើសព្រហ្មទណ្ឌ និងចរាចរណ៍ ថយចុះនៅខេត្តព្រះសីហនុ

28, Mar 2018 , 9:39 pm

រូបភាព

រូបភាពហ្វេសប៊ុក ឧត្ដមសេនីយ៍ទោ ជួន ណារិន្ទ

ដោយ:

របាយការណ៍បូកសរុបលទ្ធផលការងារឆ្នាំ២០១៧ នៃស្នងការដ្ឋាននគរបាលខេត្តព្រះសីហនុបានឲ្យដឹងថា បទល្មើសព្រហ្មទណ្ឌ បានកើតឡើងចំនួន ៧៤ករណី ពោលថយចុះ ១២ករណី ស្មើនឹង១៤ភាគរយ។ ចំណែក គ្រោះថ្នាក់ចរាចរណ៍កើតឡើង ២១៣លើក ថយចុះ ៩៨លើក ដែលក្នុងនោះមនុស្សស្លាប់ចំនួន ៧៦នាក់ និងរបួសសរុប ៣៦៧នាក់។ រីឯ អគ្គីភ័យកើតឡើង ១៩លើក មានមនុស្សស្លាប់១នាក់ និងរបួស៤នាក់។

នាសន្និបាតបូកសរុបលទ្ធផលការងារ ឆ្នាំ២០១៧ និងទិសដៅការងារ ឆ្នាំ២០១៨ លោក ជួន ណារិន្ទ ស្នងការនគរបាលខេត្តព្រះសីហនុ បានលើកឡើងអំពីលទ្ធផលនៃកិច្ចប្រតិបត្តិការ បង្ក្រាបបទល្មើសបានចំនួន៧០ករណី ឃាត់ខ្លួន ១៤៧នាក់ ក្នុងនោះមានបទឧក្រិដ្ឋ ១២ករណី ឃាត់ខ្លួនជនសង្ស័យ ២០នាក់។ បទល្មើសមជ្ឈឹម ៥៨ករណី ឃាត់ខ្លួនជនសង្ស័យ ១២៧នាក់ និងបានកសាងសំណុំរឿងតាមនីតិវិធីបញ្ជូនទៅសាលាដំបូង។

នៅក្នុងសន្និបាតនេះដែរ លោក ជួន ណារិន្ទ ស្នងការនគរបាលខេត្តព្រះសីហនុ បានណែនាំមន្ត្រីក្រោមឱវាទ ក៏ដូចជាសមត្ថកិច្ចទាំងអស់ ខិតខំប្រឹងប្រែងបំពេញការងារឲ្យបានល្អ ដោយគោរពតាមផែនការ និងបទបញ្ជារបស់ថ្នាក់លើតាមឋានានុក្រម ហើយនិងមានស្មារតីសាមគ្គីភាព ឯកភាពផ្ទៃក្នុងឲ្យបានល្អ ជាមួយគ្នានេះដែរ ត្រូវធ្វើការប្រកដោយឆន្ទៈ ជាមួយការទទួលខុសត្រូវខ្ពស់៕