ពលរដ្ឋខ្មែរ ១៦នាក់ ត្រូវបានជួយសង្គ្រោះ ឲ្យត្រឡប់កម្ពុជាវិញ

ជាតិ

សង្គមជាតិ

ពលរដ្ឋខ្មែរ ១៦នាក់ ត្រូវបានជួយសង្គ្រោះ ឲ្យត្រឡប់កម្ពុជាវិញ

28, Mar 2018 , 10:19 pm

រូបភាព

ដោយ:

ស្ថានឯកអគ្គរាជទូត-អគ្គកុងស៊ុលកម្ពុជាប្រចាំនៅបរទេស បានអន្តរាគមន៍ និងដោះស្រាយជួយពលរដ្ឋខ្មែរ ១៦នាក់ ដែលពលរដ្ឋខ្មែររងគ្រោះ និងអ្នកចង់ត្រលប់មកកម្ពុជាវិញ។

សេចក្ដីប្រកាសព័ត៌មានក្រសួងការបរទេស និងសហប្រតិបត្តិការអន្តរជាតិកម្ពុជា ថ្ងៃទី២៨ ខែមីនា នេះ បានឲ្យដឹងថា ក្នុងចំណោមពលរដ្ឋខ្មែរទាំង១៦នាក់ មានពលរដ្ឋខ្មែរ ១០នាក់ បានទៅធ្វើការដោយខុសច្បាប់នៅ ម៉ាឡេស៊ី។ ស្ថានតំណាងកម្ពុជា បានជួយពួកគេ ឲ្យត្រឡប់មកវិញ កាលពី ថ្ងៃទី២៥ ខែមីនា។

ចំណែក ស្រី្ត១នាក់ ដែលបម្រើការងារតាមផ្ទះ ក្នុងប្រទេសអារ៉ាប៊ីសាអូឌីត បានមកដល់កម្ពុជាវិញ កាលពីថ្ងៃទី២៦ ខែមីនា នេះ។

រីឯ ស្ត្រីខ្មែរ៥នាក់ទៀត ត្រូវបានមេខ្យល់នាំទៅរៀបការ និងស្នាក់នៅដោយខុសច្បាប់នៅប្រទេសចិន។ បើតាមសេចក្ដីប្រកាសព័ត៌មានក្រសួងការបរទេស ពួកគេនឹងមកដល់កម្ពុជាវិញ នៅថ្ងៃទី៣ ខែឧសភា ឆ្នាំ២0១៨៕