អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ ហាក់អន្ទះអន្ទែងចង់ជួបមេដឹកនាំកំពូលកូរ៉េខាងជើង គីម ជុងអ៊ុន កាន់តែខ្លាំង ក្រោយលោក គីម ជុងអ៊ុន ជួបប្រធានាធិបតីចិន ស៊ី ជិនភីង រួចមក។ លោក ស៊ី បានប្រាប់លោក ត្រាំ ពីជោគជ័យនៃជំនួបជាមួយមេដឹកនាំកូរ៉េខាងជើង និងពីជំហររបស់លោក គីម ដែលចង់ជួបលោក ត្រាំ ដូចគ្នា។ តាមគម្រោងជំនួបរវាងលោក ត្រាំ និងលោក គីម នឹងធ្វើឡើងនៅខែឧសភាខាងមុខ តែពេលវេលា និងទីតាំងជាក់លាក់មិនទាន់កំណត់នៅឡើយ។
ជំនួបកំពូលលើកដំបូងរវាងមេដឹកនាំអាមេរិក និងកូរ៉េខាងជើង ដែលបានព្រមព្រៀងគ្នាកន្លងមក កាន់តែលេចពន្លឺខ្លាំងឡើងហើយ។ ទាំងប្រធានាធិបតីអាមេរិក ដូណាល់ ត្រាំ ទាំងមេដឹកនាំកំពូលកូរ៉េខាងជើង គីម ជុងអ៊ុន សុទ្ធតែបានទន្ទឹងរង់ចាំជំនួបទ្វេភាគីនេះ ដោយមានកម្មវិធីនុយក្លេអ៊ែររបស់កូរ៉េខាងជើង ជាប្រធានបទសំខាន់។ ប៉ុន្តែទណ្ឌកម្ម និងសម្ពាធទាំងឡាយនឹងនៅតែបន្តអនុវត្តលើកូរ៉េខាងជើងដដែលក្នុងរយៈពេលនេះ។
ក្នុងជំនួបនៅទីក្រុងប៉េកាំង លោក គីម ជុងអ៊ុន បានប្រាប់ប្រធាធិបតីចិន ស៊ី ជិនភីង ពីបំណងចង់ជួបលោក ត្រាំ ហើយលោក ស៊ី ក៏បានប្រាប់លោក ត្រាំ ពីរឿងនេះ។ នេះបើតាមការប្រកាសរបស់លោក ត្រាំ តាមបណ្ដាញ Twitter នៅថ្ងៃទី២៨ ខែមីនា។ មិនត្រឹមតែជំនួបជាមួយលោក ត្រាំ មេដឹកនាំកូរ៉េខាងជើងក៏រង់ចាំជួបជាមួយប្រធានាធិបតីកូរ៉េខាងត្បូង មូន ចេអ៊ីន និងថែមទាំងសន្យារំសាយនុយក្លេអ៊ែរទៀតផង។
ប្រធានាធិបតីអាមេរិកបានស្វាគមន៍ដំណើរការទៅមុខជុំវិញជំនួបរវាងមេដឹកនាំចិន និងកូរ៉េខាងជើង ដែលជាជំនួបសម្ងាត់ និងត្រូវបានទម្លាយក្រោយលោក គីម ចាកចេញពីទឹកដីចិននោះ។ លោក គីម និងភរិយា បានធ្វើទស្សនកិច្ចដ៏កម្រមួយនៅប៉េកាំងរយៈពេលបួនថ្ងៃ ចាប់ពីថ្ងៃទី២៥ ដល់ថ្ងៃទី២៨ ខែមីនាកន្លងទៅ។
សម្រាប់គម្រោងជំនួបជាមួយមេដឹកនាំកូរ៉េខាងជើង លោក ត្រាំ អះអាងថា ដំណើរឆ្ពោះទៅកាន់ការលុបបំបាត់នុយក្លេអ៊ែរមានលទ្ធភាពកាន់តែធំហើយ ហើយវាជារឿងល្អសម្រាប់លោក គីម ។ ក្នុងសារមួយទៀតតាម Twitter ប្រធានាធិបតីអាមេរិកលើកឡើងថា អស់ពេលច្រើនឆ្នាំ និងច្រើនរដ្ឋាភិបាលអាមេរិក លទ្ធភាពនៃការកសាងសន្តិភាព និងការលុបបំបាត់នុយក្លេអ៊ែរសឹងតែគ្មានសោះ។ ឥឡូវឱកាសល្អមកដល់សម្រាប់លោក គីម ធ្វើរឿងត្រឹមត្រូវសម្រាប់ប្រជាជន និងមនុស្សជាតិ។
យ៉ាងណាមិញ អាមេរិកនឹងនៅតែបន្តដាក់ទណ្ឌកម្មជាអតិបរមាលើកូរ៉េខាងជើង នៅជំនួបទ្វេភាគីកើតឡើង។ ក្រុងវ៉ាស៊ីនតោនចង់ឲ្យក្រុងព្យុងយ៉ាងធ្វើសកម្មភាពជាក់លាក់ជាមុនសិន មុននឹងខ្លួនពិចារណារឿងដកទណ្ឌកម្មនេះ។ ជារឿងមិនអាចប្រកែកបាន ការបន្ទន់ជំហររបស់កូរ៉េខាងជើងកន្លងមក មានដោយផ្នែកដោយសារឥទ្ធិពលនៃទណ្ឌកម្មរាប់សិបលើករបស់សហគមន៍អន្តរជាតិ និងចំណាត់ការឯកតោភាគីរបស់អាមេរិកតែម្ដង៕
ជំនួបកំពូលលើកដំបូងរវាងមេដឹកនាំអាមេរិក និងកូរ៉េខាងជើង ដែលបានព្រមព្រៀងគ្នាកន្លងមក កាន់តែលេចពន្លឺខ្លាំងឡើងហើយ។ ទាំងប្រធានាធិបតីអាមេរិក ដូណាល់ ត្រាំ ទាំងមេដឹកនាំកំពូលកូរ៉េខាងជើង គីម ជុងអ៊ុន សុទ្ធតែបានទន្ទឹងរង់ចាំជំនួបទ្វេភាគីនេះ ដោយមានកម្មវិធីនុយក្លេអ៊ែររបស់កូរ៉េខាងជើង ជាប្រធានបទសំខាន់។ ប៉ុន្តែទណ្ឌកម្ម និងសម្ពាធទាំងឡាយនឹងនៅតែបន្តអនុវត្តលើកូរ៉េខាងជើងដដែលក្នុងរយៈពេលនេះ។
ក្នុងជំនួបនៅទីក្រុងប៉េកាំង លោក គីម ជុងអ៊ុន បានប្រាប់ប្រធាធិបតីចិន ស៊ី ជិនភីង ពីបំណងចង់ជួបលោក ត្រាំ ហើយលោក ស៊ី ក៏បានប្រាប់លោក ត្រាំ ពីរឿងនេះ។ នេះបើតាមការប្រកាសរបស់លោក ត្រាំ តាមបណ្ដាញ Twitter នៅថ្ងៃទី២៨ ខែមីនា។ មិនត្រឹមតែជំនួបជាមួយលោក ត្រាំ មេដឹកនាំកូរ៉េខាងជើងក៏រង់ចាំជួបជាមួយប្រធានាធិបតីកូរ៉េខាងត្បូង មូន ចេអ៊ីន និងថែមទាំងសន្យារំសាយនុយក្លេអ៊ែរទៀតផង។
Received message last night from XI JINPING of China that his meeting with KIM JONG UN went very well and that KIM looks forward to his meeting with me. In the meantime, and unfortunately, maximum sanctions and pressure must be maintained at all cost!
— Donald J. Trump (@realDonaldTrump) March 28, 2018
ប្រធានាធិបតីអាមេរិកបានស្វាគមន៍ដំណើរការទៅមុខជុំវិញជំនួបរវាងមេដឹកនាំចិន និងកូរ៉េខាងជើង ដែលជាជំនួបសម្ងាត់ និងត្រូវបានទម្លាយក្រោយលោក គីម ចាកចេញពីទឹកដីចិននោះ។ លោក គីម និងភរិយា បានធ្វើទស្សនកិច្ចដ៏កម្រមួយនៅប៉េកាំងរយៈពេលបួនថ្ងៃ ចាប់ពីថ្ងៃទី២៥ ដល់ថ្ងៃទី២៨ ខែមីនាកន្លងទៅ។
សម្រាប់គម្រោងជំនួបជាមួយមេដឹកនាំកូរ៉េខាងជើង លោក ត្រាំ អះអាងថា ដំណើរឆ្ពោះទៅកាន់ការលុបបំបាត់នុយក្លេអ៊ែរមានលទ្ធភាពកាន់តែធំហើយ ហើយវាជារឿងល្អសម្រាប់លោក គីម ។ ក្នុងសារមួយទៀតតាម Twitter ប្រធានាធិបតីអាមេរិកលើកឡើងថា អស់ពេលច្រើនឆ្នាំ និងច្រើនរដ្ឋាភិបាលអាមេរិក លទ្ធភាពនៃការកសាងសន្តិភាព និងការលុបបំបាត់នុយក្លេអ៊ែរសឹងតែគ្មានសោះ។ ឥឡូវឱកាសល្អមកដល់សម្រាប់លោក គីម ធ្វើរឿងត្រឹមត្រូវសម្រាប់ប្រជាជន និងមនុស្សជាតិ។
For years and through many administrations, everyone said that peace and the denuclearization of the Korean Peninsula was not even a small possibility. Now there is a good chance that Kim Jong Un will do what is right for his people and for humanity. Look forward to our meeting!
— Donald J. Trump (@realDonaldTrump) March 28, 2018
យ៉ាងណាមិញ អាមេរិកនឹងនៅតែបន្តដាក់ទណ្ឌកម្មជាអតិបរមាលើកូរ៉េខាងជើង នៅជំនួបទ្វេភាគីកើតឡើង។ ក្រុងវ៉ាស៊ីនតោនចង់ឲ្យក្រុងព្យុងយ៉ាងធ្វើសកម្មភាពជាក់លាក់ជាមុនសិន មុននឹងខ្លួនពិចារណារឿងដកទណ្ឌកម្មនេះ។ ជារឿងមិនអាចប្រកែកបាន ការបន្ទន់ជំហររបស់កូរ៉េខាងជើងកន្លងមក មានដោយផ្នែកដោយសារឥទ្ធិពលនៃទណ្ឌកម្មរាប់សិបលើករបស់សហគមន៍អន្តរជាតិ និងចំណាត់ការឯកតោភាគីរបស់អាមេរិកតែម្ដង៕
Tag:
អាមេរិក
កូរ៉េខាងជើង
ដូណាល់ ត្រាំ
គីម ជុងអ៊ុន
© រក្សាសិទ្ធិដោយ thmeythmey.com
