ស្នងការរង និងជនសង្ស័យ៤នាក់ ទាក់ទងករណីស្ត្រីម្នាក់ចងកនៅខេត្តតាកែវ ត្រូវបានបញ្ជូនទៅតុលាការ

ជាតិ

សង្គមជាតិ

ស្នងការរង និងជនសង្ស័យ៤នាក់ ទាក់ទងករណីស្ត្រីម្នាក់ចងកនៅខេត្តតាកែវ ត្រូវបានបញ្ជូនទៅតុលាការ

31, Mar 2018 , 4:18 pm

រូបភាព

ដោយ: ថ្មីៗ

ភ្នំពេញ៖ ជនសង្ស័យ៥នាក់ ដែលជាប់ទាក់ទងនឹងករណីស្ត្រីម្នាក់ចងក នៅខេត្តតាកែវ កំពុងស្ថិតនៅក្នុងបន្ទប់តុលាការ ដើម្បីបន្តនីតិវិធីតាមច្បាប់ នៅរសៀលថ្ងៃទី៣១ មីនា ក្រោយពីសមត្ថកិច្ចសាកសួរ អស់រយៈពេល២ថ្ងៃ។

ជនសង្ស័យបានសារភាពអស់ហើយ នៅចំពោះមុខមន្ត្រីជំនាញក្រសួងមហាផ្ទៃ ។ ប៉ុន្តែពួកគេមិនទាន់បញ្ជាក់ថា អ្នកណាជាមេក្លោង នៅពីក្រោយខ្នងករណីនេះឡើយ។ នេះបើតាមការចុះផ្សាយរបស់សារព័ត៌មាន Fresh News ។

ក្នុងចំណោមជនសង្ស័យទាំង៥នាក់នេះ មានស្នងការរងខេត្តតាកែវ លោក ឡាយ ណារិទ្ធ ដែលត្រូវបានគេដឹងថា ជាបងប្រុសបង្កើតរបស់លោក ឡាយ វណ្ណៈ អតីតអភិបាលខេត្តតាកែវ។ លោក ឡាយ វណ្ណៈ ទើបនឹងត្រូវបានប្រមុខរដ្ឋស្តីទីសម្តេច សាយ ឈុំ ប្រធានព្រឹទ្ធសភា ដកតំណែងជាអភិបាលខេត្តតាកែវ កាលពីប៉ុន្មានថ្ងៃមុន។

គួររម្លឹកថា ស្ត្រីឈ្មោះ ចែវ សុវឌ្ឍនា មានវ័យ៣៦ឆ្នាំ បានស្លាប់ដោយចងកនៅក្នុងផ្ទះ ស្ថិតក្រុងដូនកែវ ខេត្តតាកែវ កាលពីចុងខែមករា ឆ្នាំ២០១៨។ ប៉ុន្តែមរណភាពរបស់ស្ត្រីខាងលើ នៅបន្តការសង្ស័យថាជាទង្វើរមនុស្សឃាត ទើបនាំឲ្យសមត្ថកិច្ច បន្តបើកការស៊ើបអង្កេត ហើយឈានទៅឃាត់ខ្លួនជនសង្ស័យ៥នាក់ខាងលើ ក្នុងចំណោមជនសង្ស័យ៨នាក់៕