ជាតិ
សង្គមជាតិ
សង្រ្កាន្តឆ្នាំថ្មី
វត្តមានល្បែងប្រជាប្រិយនៅវាលព្រះមេរុ ធ្វើឲ្យមានភាពអ៊ូអរ និងបង្កលក្ខណៈសប្បាយដល់អ្នកចូលរួម
× ភ្នំពេញ៖ ទីតាំងវាលព្រះមេរុ ដែលជាទីតាំងត្បាញក្រមា ដើម្បីបំបែកឯតទគ្គកម្ម ក្រមាវែងជាងគេលើពិភពលោក នៅសៅរ៍ និងអាទិត្យនេះ មានភាពអ៊ូអរ និងសប្បាយរីករាយ តាមរយៈការលេងល្បែងប្រជាប្រិយខ្មែររបស់ក្រុមយុវជន និងអ្នកចូលរួមកម្សាន្ត។ ការយកល្បែងប្រជាប្រិយខ្មែរ មកបង្ហាញ និងផ្ដល់ឱកាសដល់ប្រជាពលរដ្ឋខ្មែរនេះ គឺដើម្បីចូលរួមអបអរសាទរពិធីបុណ្យចូលឆ្នាំខ្មែរនាពេលខាងមុខនេះ និងបង្កបរិយាកាសនៅទីតាំងនេះ ឲ្យមានភាពសប្បាយរីករាយផងដែរ។
ល្បែងប្រជាប្រិយខ្មែរ ៦ប្រភេទ បានមានវត្តមាននៅវាលព្រះមេរុ ដែលក្រុមយុវជនជ្រើសរើសទីតាំងនេះ ដើម្បីហាត់សមចូលរួមព្រឹត្តិការណ៍ «អង្គរសង្ក្រាន្ត»។ តាមរយៈការហាត់សមនៅក្នុងទីតាំងនេះ ល្បែងប្រជាប្រិយខ្មែរ បានបង្កលក្ខណៈសប្បាយរីករាយដល់អ្នកចូលរួម ក្នុងការចូលរួមលេងកម្សាន្តនូវល្បែងប្រជាប្រិយនីមួយ។ ការលេងល្បែងប្រជាប្រិយនេះ គឺដើម្បីអបអរសាទរពិធីបុណ្យចូលឆ្នាំថ្មី ប្រពៃណីខ្មែរ នាពេលខាងមុខនេះ។
លោក ប្រាក់ សោភ័ណ ប្រធានក្រុមល្បែងប្រជាប្រិយ បានលើកឡើងថា ការហាត់សមនៅទីតាំងនេះ ដើម្បីបង្កើតបរិយាកាសឲ្យបានអ៊ូអរ និងផ្ដល់ឱកាសដល់អ្នកចូលរួម ពិសេសគឺហាត់ផង និងលេងកម្សាន្តផង។ បើតាមប្រធានក្រុមល្បែងប្រជាប្រិយ យុវជនដែលហាត់សមលេងល្បែងប្រជាប្រិយនេះ មានចំនួន ១៣៥នាក់។
ល្បែងប្រជាប្រិយ ៦ប្រភេទ ដែលបង្កើនបរិយាកាសនៅវាលព្រះមេរុ រួមមាន ល្បែងស្ដេចចង់, ទំពាំងឫស្សី, ទាញព្រ័ត្រ, ស្បែកជើងរួមមិត្ត, អ៊ូ និងល្បែងមួយកាំពីរកាំ។ ការហាត់សមនៅទីតាំងនេះ ជាទីតាំងទី២ បន្ទាប់ពីហាត់សមនៅសកលវិទ្យាល័យភូមិន្ទភ្នំពេញ។
សូមបញ្ជាក់ថា ទីតាំងវាលព្រះមេរុនេះ ជាទីតាំងមួយដែលក្រុមការងារ GoGoCambodia រៀបចំការត្បាញក្រមា ដើម្បីបំបែកឯតទគ្គកម្មក្រមាវែងជាងគេលើពិភពលោក ចាប់ផ្ដើមពីថ្ងៃទី ១៤ ខែកុម្ភៈ ឆ្នាំ២០១៨៕
សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖
១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។
២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។
៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។
៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។
Tag:
ល្បែងប្រជាប្រិយ
វាលព្រះមេរុ
ចូលឆ្នាំខ្មែរ
ក្រមា
© រក្សាសិទ្ធិដោយ thmeythmey.com