ជាតិ
×![]()
សៀមរាប៖ បណ្តាក្រុមហ៊ុនចំនួន១៩ រួមមានកម្ពុជាផងនោះ បានទទួលពានរង្វាន់ សុវត្ថិភាព និងសុខភាពការងារនៅកន្លែងធ្វើការ ឬហៅថា អាស៊ានអូស្ហណេតលើកទី២។ ពានរង្វាន់នេះរៀបចំឡើងក្នុងបំណងលើកទឹកចិត្តដល់បណ្តាក្រុមហ៊ុន និងសហគ្រាសទាំងអស់ បន្តចូលរួមលើកកម្ពស់សុវត្ថិភាព និងសុខភាពនិយោជិតកន្លែងការងារ។
ក្នុងពិធីប្រគល់ពានរង្វាន់ អាស៊ានអូស្ហណេត នៅរសៀលថ្ងៃទី៣ ខែមេសា រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ លោក អ៊ិត សំហេង ថ្លែងថា ពានរង្វាន់នេះនឹងបង្កើនការយល់ដឹង និងការចូលរួមកាន់តែច្រើន សម្រាប់ម្ចាស់អាជីវកម្ម ក្នុងការសម្រេចបាននូវបេសកកម្ម ក្នុងការការពារគ្រោះថ្នាក់ការងារ និងជំងឺវិជ្ជាជីវៈ នៅក្នុងប្រទេសជាសមាជិកអាស៊ាន។ លោករដ្ឋមន្ត្រីបន្ថែមថា កន្លែងធ្វើការដែលមានសុវត្ថិភាព និងសុខភាពល្អ នឹងរួមចំណែកការពារសុខភាពកម្មករ និងបង្កើនផលិតភាពការងារ ដើម្បីរួមចំណែករក្សានិរន្តរភាព ការអភិវឌ្ឍ និងលើកកម្ពស់កិត្តិសព្ទ របស់ក្រុមហ៊ុន។
តាមការលើកឡើងរបស់ លោក អ៊ិត សំហេង កម្ពុជាបានបង្កើតគណៈកម្មការសុខភាព និងសុវត្ថិភាព ការងារថ្នាក់ជាតិដើម្បីរួមចំណែក និងលើកកម្ពស់សុវត្ថិភាពនៅកន្លែងធ្វើការ និងមានគោលការណ៍ណែនាំដើម្បីបង្កើតស្ដង់ដាជាតិលានដ្ឋាននៅរោងចក្រ សហគ្រាស ដើម្បីធានាថាកន្លែងទាំងនោះមានសុវត្ថិភាព ហើយក្រសួងការងារទើបនឹងបញ្ចប់ផែនការមេលើកទី២ ស្តីពីសុខភាព និងសុវត្ថិភាពការងារ។
គួរបញ្ជាក់ថា ក្រុមហ៊ុនទាំង១៩ដែលទទួលពានរង្វាន់ផ្នែកសុខភាព និងសុវត្ថិភាពការងារ មាន២ផ្នែក គឺពានរង្វាន់ ASEAN-OSHNET Excellence និង ASEAN-OSHNET Best Practices Awards ។ ក្រុមហ៊ុនទាំងនោះ មាននៅកម្ពុជា ម៉ាឡេស៊ី ឥណ្ឌូនេស៊ី សិង្ហបុរី មីយ៉ាន់ម៉ា ហ្វីលីពីន ថៃ និងវៀតណាមជាដើម៕
ក្នុងពិធីប្រគល់ពានរង្វាន់ អាស៊ានអូស្ហណេត នៅរសៀលថ្ងៃទី៣ ខែមេសា រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ លោក អ៊ិត សំហេង ថ្លែងថា ពានរង្វាន់នេះនឹងបង្កើនការយល់ដឹង និងការចូលរួមកាន់តែច្រើន សម្រាប់ម្ចាស់អាជីវកម្ម ក្នុងការសម្រេចបាននូវបេសកកម្ម ក្នុងការការពារគ្រោះថ្នាក់ការងារ និងជំងឺវិជ្ជាជីវៈ នៅក្នុងប្រទេសជាសមាជិកអាស៊ាន។ លោករដ្ឋមន្ត្រីបន្ថែមថា កន្លែងធ្វើការដែលមានសុវត្ថិភាព និងសុខភាពល្អ នឹងរួមចំណែកការពារសុខភាពកម្មករ និងបង្កើនផលិតភាពការងារ ដើម្បីរួមចំណែករក្សានិរន្តរភាព ការអភិវឌ្ឍ និងលើកកម្ពស់កិត្តិសព្ទ របស់ក្រុមហ៊ុន។
តាមការលើកឡើងរបស់ លោក អ៊ិត សំហេង កម្ពុជាបានបង្កើតគណៈកម្មការសុខភាព និងសុវត្ថិភាព ការងារថ្នាក់ជាតិដើម្បីរួមចំណែក និងលើកកម្ពស់សុវត្ថិភាពនៅកន្លែងធ្វើការ និងមានគោលការណ៍ណែនាំដើម្បីបង្កើតស្ដង់ដាជាតិលានដ្ឋាននៅរោងចក្រ សហគ្រាស ដើម្បីធានាថាកន្លែងទាំងនោះមានសុវត្ថិភាព ហើយក្រសួងការងារទើបនឹងបញ្ចប់ផែនការមេលើកទី២ ស្តីពីសុខភាព និងសុវត្ថិភាពការងារ។
គួរបញ្ជាក់ថា ក្រុមហ៊ុនទាំង១៩ដែលទទួលពានរង្វាន់ផ្នែកសុខភាព និងសុវត្ថិភាពការងារ មាន២ផ្នែក គឺពានរង្វាន់ ASEAN-OSHNET Excellence និង ASEAN-OSHNET Best Practices Awards ។ ក្រុមហ៊ុនទាំងនោះ មាននៅកម្ពុជា ម៉ាឡេស៊ី ឥណ្ឌូនេស៊ី សិង្ហបុរី មីយ៉ាន់ម៉ា ហ្វីលីពីន ថៃ និងវៀតណាមជាដើម៕
Tag:
សៀមរាប
ពានរង្វាន់
ASEAN-OSNET
© រក្សាសិទ្ធិដោយ thmeythmey.com
