តោះតាមដានទាំងអស់គ្នា! កំពូលរថយន្ដទំនើប Jaguar E Pace ឆ្នាំ២០១៨ នឹងមកប្រជែងទីផ្សាររថយន្ដទំនើបកម្ពុជាល្ងាចនេះហើយ

រថយន្ត

អត្ថបទពាណិជ្ជកម្ម

05, Apr 2018 , 10:50 am

រូបភាព

ដោយ:

Jaguar E Pace ស៊េរីថ្មីឆ្នាំ២០១៨ ដែលគេស្គាល់ថាជាត្រកូលរថយន្ដប្រភេទ SUV បែបស្ព័រ ដែលមានទំហំតូចជាងរថយន្ដ Jaguar F Pace ជាមួយនឹងការរចនារូបរាងដ៏គួរឲ្យទាក់ទាញ។ Jaguar E Pace ស៊េរីថ្មីឆ្នាំ២០១៨នេះ ជារថយន្តជំនាន់ទី២ បន្ទាប់ពីJaguar F-Pace ដែលជារថយន្ដប្រភេទ SUV បែបស្ព័រដំបូងគេ និងទទួលបានការគ្រាំទ្រយ៉ាងខ្លាំងពីសកលលោក។ ដូច្នេះហើយ ទើបម៉ាករថយន្ដប្រណិតរបស់ចក្រភពអង់គ្លេសដ៏ធំមួយនេះ ងាកមកផលិតរថយន្ដប្រភេទ SUV បែបស្ព័រ ដើម្បីប្រកួតប្រជែងជាមួយនិងរថយន្ដ SUV ម៉ាកដទៃផ្សេងៗទៀត។

រថយន្តJaguar E-Pace បានភ្ជាប់មកជាមួយនឹងកម្លាំងម៉ាស៊ីនV ២.០ វិលកង់ទាំងបួន Turbocharged ម៉ាស៊ីនសាំង ជាមួយកង់រង្វង់២១អ៊ីង ហើយក្នុងនាមជាកូនកាត់រថយន្ដស្ព័រ Jaguar E-Pace អាចបើកក្នុងល្បឿនពី ០-១០០គ.ម ចំណាយត្រឹមតែ ៦.៥វិនាទីតែប៉ុណ្ណោះ។

បើនិយាយពីបច្ចេកវិទ្យារបស់វាវិញ គឺពិតជាមិនចាញ់គេឡើយ។ រថយន្ដSUV តូចច្រឡឹងមួយនេះ បានបំពាក់បច្ចេកវិទ្យាទំនើបចុងក្រោយគេ ទាំងផ្នែកខាងក្នុង និងខាងក្រៅ។ រថយន្ដនេះ បានភ្ជាប់មកជាមួយនឹងអំពូលភ្លើង LED ទាំងខាងមុខ និងខាងក្រោយ ហើយហ្វាមុខ ត្រូវបានបំពាក់ជាមួយប្រភេទ Matrix LED ជាមួយអំពូល LED ជាសញ្ញាពេលថ្ងៃយ៉ាងស្រស់ស្អាត។

Jaguar E-Pace បំពាក់ដោយបច្ចេកវិទ្យា 4G Wi-Fi Hotspot ជាមួយនឹងរន្ធដោត USB ដែលអាចសាកថ្មបានដល់ទៅ៤ ដើម្បីផ្តល់ភាពងាយស្រួលអ្នករួមដំណើរជាមួយ។ ចំណែកឧបករណ៍បំពងសំឡេង គឺពិតជាមិនធម្មតានោះទេ។ វាត្រូវបានបំពាក់ដោយឧបករណ៍បំពងសំឡេងម៉ាក Meridian របស់ចក្រភពអង់គ្លេស រហូតដល់៦គ្រាប់ ដែលធ្វើឲ្យលោកអ្នក មានអារម្មណ៍ថា កំពុងតែស្ថិតនៅក្នុងការប្រគំតន្ត្រីផ្ទាល់តែម្តង។ សម្រាប់តម្លៃវិញ មិនទាន់បង្ហើបនៅឡើយទេ។

ព័ត៌មានលម្អិតពីរថយន្តប្រណិត Jaguar និង Land Rover មាននៅមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ។ សូមទំនាក់ទំនង៖ ០២៣ ៨៨៨ ៨១១ / ០៧០ ៩៩៩ ១១១។

គេហទំព័រ ផ្លូវការ៖ www.jaguarcambodia.com
ទំព័រ Facebook ផ្លូវការ៖ Jaguar Cambodia
ទំព័រ Instagram ផ្លូវការ៖ @JaguarCambodia