កីឡាអន្តរជាតិ
អន្តរជាតិ
ជប៉ុនបណ្តេញគ្រូបូស្ន៊ី ដាក់គ្រូជប៉ុនជំនួសវិញ ខណៈ World Cup ខិតជិតមកដល់
×![]()
ដោយ: ទេព ពិទូរ្យ
ក្រុមកីឡាបាល់ទាត់ជម្រើសជាតិជប៉ុនបានតែងតាំងលោក Akira Nishino ដើម្បីជំនួសតំណែងលោក លោក Vahid Halilhodzic ដែលត្រូវបានបណ្តេញចេញ ត្រឹមតែរយៈពេលពីរខែប៉ុណ្ណោះ មុនការប្រកួតបាល់ទាត់ពិភពលោក FIFA World Cup ចូលមកដល់។ នេះបើតាមការចេញផ្សាយរបស់សារព័ត៌មានក្នុងស្រុកនៅថ្ងៃទី៩ ខែមេសា។
បន្ទាប់ពីដឹកនាំក្រុមរហស្សនាមសាមូរ៉ៃ មិនសូវបានល្អក្នុងរយៈពេលចុងក្រោយនេះ អ្នកចាត់ការសញ្ជាតិបូស្ន៊ី Halilhodzic វ័យ៦៥ឆ្នាំ ត្រូវបានសហព័ន្ធកីឡាបាល់ទាត់ជប៉ុន (JFA) ដកតំណែង បើទោះកៀកនឹងព្រឹត្តិការណ៍កីឡាបាល់ទាត់ពិភពលោកក៏ដោយ។
ទីភ្នាក់ងារព័ត៌មាន Kyodo ក៏បានដកស្រង់សម្តីប្រធានសហព័ន្ធកីឡាបាល់ទាត់ជប៉ុន លោក Kozo Tashima ថាអ្នកស្នងតំណែងលោក Halilhodzic នឹងត្រូវប្រកាសតែងតាំងនៅក្នុងសន្និសីទកាសែតមួយ នាថ្ងៃចន្ទទី ៩ ខែមេសា ឆ្នាំ២០១៨នេះ។
លោក Halilhodzic បានឡើងដឹកនាំជប៉ុន កាលពីខែមីនា ឆ្នាំ២០១៥ និងជួយឲ្យក្រុមនៅតំបន់អាស៊ីមួយនេះបានកៅអីទៅរុស្ស៊ីឆ្នាំ២០១៨ ទៀតផង។ ប៉ុន្តែអតីតអ្នកចាត់ការ Paris Saint-Germain រូបនេះ ធ្វើមិនបានល្អសោះ ដែលតែងតែចាញ់ជាច្រើនលើក សម្រាប់ការប្រកួតមិត្តភាពអន្តរជាតិ ក្នុងរយៈពេលចុងក្រោយនេះ ទើប JFA សម្រេចដកតំណែងលោកតែម្តង។
កាលពីខែកញ្ញាកន្លងទៅ Halilhodzic ធ្លាប់មានពាក្យចចាមអារ៉ាម ពីការចាកចេញនេះម្តងរួចមកហើយ ជាមួយនឹងការរិះគន់ពីសំណាក់កីឡាករ អំពីរបៀបដឹកនាំរបស់លោក។ ប៉ុន្តែលោកក៏បានវាយបកទៅកាន់អ្នករិះគន់លោកវិញផងដែរដោយលើកឡើងថា៖«អ្នកដែលវាយប្រហារខ្ញុំ ខ្ញុំសូមឲ្យពួកគេសំណាងអាក្រក់ ហើយខ្ញុំនឹងបន្តធ្វើការងាររបស់ខ្ញុំបន្តទៀត»។
លោក Nishino វ័យ៦៣ឆ្នាំ ដែលត្រូវបាន JFA តែងតាំងថ្មីនេះមានរយៈពេលត្រឹម៧០ថ្ងៃទៀតប៉ុណ្ណោះដើម្បីរុះរើក្រុមជប៉ុនក្នុងការត្រៀមខ្លួនឆ្ពោះទៅ World Cup នៅរុស្ស៊ីនាថ្ងៃទី ១៤ ខែមិថុនា ឆ្នាំ២០១៨ខាងមុខនេះ។
ជប៉ុនស្ថិតក្នុងពូល H ជាពូលស្វិតស្វាយបំផុតមួយជាមួយ កូឡុំបី ប៉ូឡូញ និងសេណេហ្គាល់ដែលសុទ្ធសឹងជាក្រុមខ្លាំងៗ៕
បន្ទាប់ពីដឹកនាំក្រុមរហស្សនាមសាមូរ៉ៃ មិនសូវបានល្អក្នុងរយៈពេលចុងក្រោយនេះ អ្នកចាត់ការសញ្ជាតិបូស្ន៊ី Halilhodzic វ័យ៦៥ឆ្នាំ ត្រូវបានសហព័ន្ធកីឡាបាល់ទាត់ជប៉ុន (JFA) ដកតំណែង បើទោះកៀកនឹងព្រឹត្តិការណ៍កីឡាបាល់ទាត់ពិភពលោកក៏ដោយ។
ទីភ្នាក់ងារព័ត៌មាន Kyodo ក៏បានដកស្រង់សម្តីប្រធានសហព័ន្ធកីឡាបាល់ទាត់ជប៉ុន លោក Kozo Tashima ថាអ្នកស្នងតំណែងលោក Halilhodzic នឹងត្រូវប្រកាសតែងតាំងនៅក្នុងសន្និសីទកាសែតមួយ នាថ្ងៃចន្ទទី ៩ ខែមេសា ឆ្នាំ២០១៨នេះ។
លោក Halilhodzic បានឡើងដឹកនាំជប៉ុន កាលពីខែមីនា ឆ្នាំ២០១៥ និងជួយឲ្យក្រុមនៅតំបន់អាស៊ីមួយនេះបានកៅអីទៅរុស្ស៊ីឆ្នាំ២០១៨ ទៀតផង។ ប៉ុន្តែអតីតអ្នកចាត់ការ Paris Saint-Germain រូបនេះ ធ្វើមិនបានល្អសោះ ដែលតែងតែចាញ់ជាច្រើនលើក សម្រាប់ការប្រកួតមិត្តភាពអន្តរជាតិ ក្នុងរយៈពេលចុងក្រោយនេះ ទើប JFA សម្រេចដកតំណែងលោកតែម្តង។
កាលពីខែកញ្ញាកន្លងទៅ Halilhodzic ធ្លាប់មានពាក្យចចាមអារ៉ាម ពីការចាកចេញនេះម្តងរួចមកហើយ ជាមួយនឹងការរិះគន់ពីសំណាក់កីឡាករ អំពីរបៀបដឹកនាំរបស់លោក។ ប៉ុន្តែលោកក៏បានវាយបកទៅកាន់អ្នករិះគន់លោកវិញផងដែរដោយលើកឡើងថា៖«អ្នកដែលវាយប្រហារខ្ញុំ ខ្ញុំសូមឲ្យពួកគេសំណាងអាក្រក់ ហើយខ្ញុំនឹងបន្តធ្វើការងាររបស់ខ្ញុំបន្តទៀត»។
លោក Nishino វ័យ៦៣ឆ្នាំ ដែលត្រូវបាន JFA តែងតាំងថ្មីនេះមានរយៈពេលត្រឹម៧០ថ្ងៃទៀតប៉ុណ្ណោះដើម្បីរុះរើក្រុមជប៉ុនក្នុងការត្រៀមខ្លួនឆ្ពោះទៅ World Cup នៅរុស្ស៊ីនាថ្ងៃទី ១៤ ខែមិថុនា ឆ្នាំ២០១៨ខាងមុខនេះ។
ជប៉ុនស្ថិតក្នុងពូល H ជាពូលស្វិតស្វាយបំផុតមួយជាមួយ កូឡុំបី ប៉ូឡូញ និងសេណេហ្គាល់ដែលសុទ្ធសឹងជាក្រុមខ្លាំងៗ៕
Tag:
បាល់ទាត់
FIFA World Cup
ជប៉ុន
Vahid Halilhodzic
Akira Nishino
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
