ពីនេះ ពីនោះ
បញ្ជាក់ន័យខុសគ្នាដូចម្តេច រវាងពាក្យ «ជួស» និង«ជោះ»?
× ពាក្យ «ជួស» និង «ជោះ» មានសូរសព្ទដូចគ្នា តែមានន័យដោយឡែកគ្នាស្រឡះ។ នេះបើតាមវចនានុក្រមសម្តេចព្រះសង្ឃរាជ ជួន ណាត។
តាមវចនានុក្រមដដែរ បានពន្យល់ពាក្យ «ជួស» ជាកិរិយាសព្ទ ដាក់ជាជំនួស។ ដូចជា ជួសរនាប, ជួសបង្កង់ដែលពុកបួនប្រាំ, ជួសក្រណាត់ដែលរហែកដាច់។
ពាក្យ «ជួស» សំដៅលើ ជាតំណាង។ អ្នកគ្រូ លោកគ្រូជួសឲ្យឪពុកម្តាយ សុំសំណូមពរឲ្យសិក្សានុសិស្សប្រឹងប្រែងយកចិត្តទុកដាក់លើការសិក្សា។
ចំណែកពាក្យ «ជោះ» មានន័យថា ឆ្កឹះ, ចោះ, គោះបំបែក។ ជោះបន្លា, ជោះពងមាន់, ជោះអុត, ជោះកែវ, ជោះចាន ជាដើម។
© រក្សាសិទ្ធិដោយ thmeythmey.com